په جوماتونو کې د زلزلې د کېدو له اعلان وروسته په مزارشریف کې ویره خپره شوې

د ایران د بهرنیو چارو وزارت تېره شپه د یوې خبرپاڼې په خپرولو سره ویلي چې، د ایران بیړنۍ مرستې او مرستندویه ډلې زلزله ځپلو سیمو ته رسیدلې دي.

د طالبانو د بهرنیو چارو سرپرست وزیر د ایران له دې همکاریو هر کلی وکړ.

د شنبې په یوولسو بجو د ریښتر په کچه ۶،۳ درجې زلزلې د هرات ولایت زنده جان او یو شمیر نورې ولسوالۍ و لرزولې.

دغې زلزلې پس لرزې هم درلودې چې د زیانونه کچه یې زیاته کړه.

له پیښو سره د مبارزې په چارو کې د طالبانو د دولت وزارت د شمیرو له مخې، د مړو او ټپیانو شمیر دوه زره او ۵۳ کسانو ته رسېدلی دی.

یاد وزارت ویلي چې، په دې زلزله کې ۳۲۹ کورونه یا په بشپړ ډول له منځه تللي او یا هم زیانمن شوي دي.

په هره کڅوړه مرستو کې اوړه، غوړي، دال، مالګه او نور شامل دي او دا کڅوړه د يوې اوه کسیزې کورنۍ له پاره یوه میاشت بسنه کوي.

د طالبانو حکومت، د افغانستان پخوانیو ولسمشرانو، او مدني فعالانو په ګاونډیو هيوادونو او نړیوالې ټولنې غږ کړی چې د هرات له زلزله ځپلو سره دې هر رنګ مرستې ته را ودانګي.

همدارنګه د هرات ښار اوسیدونکي وايي، تېره شپه هم هرات کې د زلزلې واړه ټکانونه رامنځته شوي و.

د هرات اوسیدونکي عبدالعزیز افغانستان انټرنشنل ـ پښتو ته وویل:«د شپې مو یو ځل زلزله احساس کړه، ټول ښار وېرې اخیستی، د ښار ټول وګړي د خپلو ماشومانو او د کورنیو له غړو سره له خپلو کورونو بهر راووتل او ټولو شپه يې تر شنه آسمان لاندې تېره کړه.»

د شنبې په ورځ د افغانستان په شمال لودیځ هرات ولایت کې د رېښتر په کچه ۶،۳ زلزله وشوه چې له امله یې تر دوه زره زیات کسان مړه شول.

د یادې زلزلې مرکز د هرات زنده جان ولسوالې وه.

په هرات کې له زلزلې وروسته د افغانستان د یو شمېر نورو ولایتونو وګړي هم د احتمالي زلزلې له کېدو په وېره کې دي.

سیمه ییزې سرچينې وايي، تېره شپه د کندهار او هلمند اوسیدونکي د یوې اوازې له امله چې ګنې په دغو دوو ولایتونو کې هم زلزله کيږي، له کورونو بهر راوتلي و.

د تاجکستان پلازمېنه دوشنبه کې د افغانستان سفارت په یوه بیان کې په نورو هېوادونو کې د افغانستان له سیاسي استازو غوښتي چې د افغانستان بیرغ دې د درېیو ورځو لپاره نیم ځوړند کړي.

د شنبې په ورځ د تلې۱۵مه نېټه د ریښتر په کچه د ۶،۳ درجې یوې زلزلې د افغانستان شمال لویدیځ ولړزاوه، د دغې زلزلې مرکز زنده جان ولسوالۍ وه.

د هرات اوسیدونکي وايي،له ناورین څخه دوه ورځې وروسته لا د زلزلې سیمې ته مسلکي ژغورونکي ځواکونه نه دي رسیدلي.

د باوري سرچينو د څرګندونو له مخې، د هرات ولايت د زنده جان ولسوالۍ د نايب رفيع، سياهاب، وردکي، کرنيل، سربلند، چاهک، سنجاب او کشکک او نور کلي یو مخ ویجاړ شوي دي.

د طالبانو د ریاست الوزرا اقتصادي معاونیت د دوشنبې په ورځ د (تلې۱۷مه) پر خپل ایکس پاڼه لیکلي چې د ملا عبدالغني برادر په مشرۍ د یادې ډلې یو لوړ پوړی پلاوی هرات ولایت ته رسیدلی چې د زلزله ځپلې سیمې څخه له نېږدې لېدنه وکړي.

ملا عبدالغن‍ي برادر د هیواد په لویدیځ کې تر زلزلې ۴۸ ساعته وروسته هرات ولایت ته ورسید، په داسې حال کې چې د یاد ولایت په زنده جان ولسوالی کې شاوخوا ۱۳ کلې د زلزلې له امله بشپړ ویجاړ شوي او تر ۲۰۰۰ډیر کسان مړه شوي.

همدارنګه د طالبانو د ریاست الوزرا لومړي معاونیت لیکلي چې ملا برادر به زلزله ځپلې سیمې ته د بیړنیو مرستو رسولو تر څنګ راټولو شویو مرستو د عادلانه وېش په موخه اړوند ارګانونو ته هم لارښونې وکړي.

د شنبې په ورځ د (تلې۱۵مه) د هیواد شمال لویدیځ ولایتونه زلزلې ولړزول، خو زلزله ځپلې سیمې ته د طالبانو پر وخت نه رسېدو له امله خلکو سختې نیوکې کوي.