نواز شریف له څلورو کلونو وروسته پاکستان ته ستون شو
د پاکستان پخوانی لومړی وزیر نوازشریف له څلور کلنې جلاوطنۍ وروسته نن اسلام اباد ته ورسېد. د نوازشریف د هرکلي لپاره هوایي ډګر ته د هغه ځینې ملګري او اوسني چارواکي ورغلي دي.
د پاکستان پخوانی لومړی وزیر نوازشریف له څلور کلنې جلاوطنۍ وروسته نن اسلام اباد ته ورسېد. د نوازشریف د هرکلي لپاره هوایي ډګر ته د هغه ځینې ملګري او اوسني چارواکي ورغلي دي.
ویل کېږي، چې نوازشریف به اسلام اباد کې د ځینو قانوني اسنادو تر لاس لیک او یو ساعت دمې وروسته، په یوې الوتکه کې لاهور ته ولاړ شي.
لاهور ته په رسېدو نوازشریف هلته یوه غونډه رابللې او د غونډې له لارې به خلکو ته وینا وکړي.
تر دې دمخه د پاکستان یوې محکمې د پنجشنبې په ورځ د اکټوبر په ۱۹مه د دغه هېواد پخواني لومړي وزیر او د فساد په تور د محکوم نواز شریف ضمانت ومانه.
