د پښتونخوا په اورکزۍ ولسوالۍ کې د سیلانیانو لپاره نوې تفریحي سیمه پرانیستل شوه

کراچۍ کې یوه افغان کډوال افغانستان انټرنشنل ته وویل: «پولیس نیمه شپه له خبرداري پرته د مهاجرو کورونو ته ننوځي.»

هغه زیاتوي چې پولیس کور په کور تلاشۍ سره غواړي چې دا کډوال وپېژني.

افغانستان انټرنشنل ته داسې ویډیووې هم رسېدلې چې پکې پاکستاني پولیس د شپې د افغان کډوالو پر کورونو چاپې اچوي.

پاکستان وايي، په دغه هېواد کې ۱.۷ میلیونه بې قانونه افغان کډوال اوسېږي.

افغان کډوال وايي، د اسلام اباد نوي سیاست دوی ته ژوند سخت کړی دی.

که څه هم نړیوالو ادارو له پاکستان بیا بیا غوښتي چې د افغان کډوالو په هکله له اوسنۍ پرېکړې شاته شي، خو د دغه هېواد سرپرست کورنیو چارو وزیر سرفراز بګټي وايي، چې دا پرېکړه نه بدلېږي.

دوی دا هم وايي، چې افغان کډوال د پاکستان مختلفو سیمو کې په بریدونو کې لاس لري.

طالبان د پاکستاني چارواکو دا ادعاوې ردوي او د انساني حقونو د نړیوالو ادارو په څېر له اسلام اباد غواړي چې د کډوالو ستنولو په تړاو وروستۍ پرېکړه واخلي.

د طالبانو دفاع وزیر ملا یعقوب له افغان کډوالو سره د پاکستانی وروستی چلن وحشت او بربریت وباله او زیاته یې کړه چې دا سیاست یې د کابل او اسلام اباد اړیکي زیانمنوي.

خو له دې سره سره له پاکستان د کډوالو ستنولو بهیر روان دی او د پاکستان رادیو د ننني راپور له مخې تراوسه له دغه هېواد نږدې ۶۰ زره کډوال ستانه شوي دی.

د جیو نیوز د یکشنبې ورځې د راپور له مخې؛ د الوتنو د ځنډېدو له امله مسافر هم له ستونزو سره مخ شوي دي.

سرچینو دې رسنۍ ته ویلي، چې د دولتي هوايي کرښې دا الوتنې د کراچۍ، اسلام اباد، کوېټې، بهاولپور، لاهور، ګوادر او ملتان ته ځنډېدلې دي.

سرچینې وايي، په لاهور، اسلام اباد، کوېټه، سیالکوټ، ملتان او پېښور هوايي ډګرونو کې هم د پاکستان هوايي کرښې الوتنې لغوه شوې دي.

ډان‌ ورځپاڼې هم تېره اورنۍ وویل، چې د پاکستان دولتي هوايي شرکت د دیوالیه کېدو په حال کې دی.

دغې ورځپاڼې راپور ورکړی، چې د پاکستان موقت لومړي وزیر انورالحق کاکړ د دغه شرکت د خصوصي کولو بهیر د ګړندي کولو لپاره هڅوونکي امرونه صادر کړي.

ویل کېږی دا هوايي شرکت ۷۴۳ میلیارده کلدارې پوروړی هم دی.

د پاکستان او افغانستان د کرېکټ سیالۍ تر ډېره د دواړو هېوادونو د توپاني سیاسي اړیکو منعکسوونکې وي.

د افغان لوبډلې روزونکی د سبا ورځې سیالۍ ته په اشاره له فرانس خبري اژانس سره په خبرو کې وايي: «زما په اند افغان لوبغاړو ته دا داسې سیالي ده چې دوی احساساتي کوي.»

د هغه په خبره، که افغان لوبډلې له پاکستان سره پخوا هم له جذباتو ډکې سیالۍ کړې، خو ور سره یې ډېرې دوستانه لوبې هم درلودلې دي.

نوموړی وایي، هیله من دی چې سبانۍ لوبه به ډېره جذباتي نه وي او په لوی توپیر به یې افغان لوبډله وګټي.

هغه وايي، دواړه لوبډلې یو بل ته درناوی لري، خو د ګټلو لپاره ډېر سخت دي.

پاکستان په کرېکټ نړیوال جام کې په څلورو لوبو کې دوه ګټلې او دوه بایللې دي.

افغانستان هم له دریو ماتو وروسته د کرېکټ نړیوال جام د تېر اتل انګلنډ په ماتولو سره حیرانوونکی بری ګټلی دی.

د فرانس خبري اژانس د راپور له مخې، د سبا ورځې سیالي هم د دوی ترمنځ د کرښې اوږدو کې جنجال ته د مرچ مسالې ور زیاتولو په مانا دي.

اسلام اباد پر طالبانو تور لګوي چې تر واک ته رسېدو وروسته یې وسلوالو ته خپله خاوره کې پنا ور کړې او هغوی په پاکستان کې بریدونه کوي.

پاکستان په دې وروستیو کې له دغه هېواد ده تر یو میلیون د ډېرو بې قانونه افغان کډوالو د اېستلو پرېکړه کړې ده.

په کرېکټ لوبو کې هم د دواړو هېوادونو د لوبغاړو ناندرۍ شوې دي.

د ۲۰۱۹ کال نړیوال جام لوبو کې چې پاکستان درې ویکټو سره سیالي وګټله د دواړو هېوادونو د مینوالو ترمنځ له لوبغالي بهر جنجال وشو.

تېر کال هم په شارجه کې په شل اوره لوبو کې د افغانستان د لوبغاړي فرید ملک او د پاکستاني لوبغاړي اصف علي ترمنځ ګواښ او ګیر وشو.

د سند د ښوونې او روزنې وزارت وروسته له هغې په ښوونځیو کې د افغان زده کوونکو معلومات غوښتي چې دا مهال د پاکستان حکومت په جبري ډول د افغان کډوالو نیول او شړل پیل کړي.

دغه وزارت د يوې اعلامیې له مخې په پاکستان کې د افغان زده کوونکوزده کړو ته د لاسرسي په برخه کې د ننګونو د بیا کتنې په موخه د نومبر په لومړۍ نېټه یوه غونډه هم رابللې ده.

په اعلامیه کې د کراچۍ زون له مسولانو غوښتل شوي چې د افغان زده کوونکو ټولګيو او ښوونځیو مفصل معلومات وړاندې کړي.

د انوار الحق کاکړ په سرپرستۍ د پاکستان لنډمهالي حکومت پرېکړه کړې چې له پاکستانه به ناقانونه افغان کډوال د راتلونکي نومبر میاشتې له لومړۍ نېټې وروسته په زور له پاکستانه باسي، ټاکل شوې نیټې ته ایله يوولس ورځې پاتې دي خو بیا هم د پاکستان په ډیری سیمو کې له افغان کډوالو سره زور زیاتی روان دی.

دغه پرلت د چمن لغړیانو اتحاد، سوداګرو او د ځایې سیاسي ګوندو له لوري پیل شوی دی.

یاد پرلت د پاکستان د هغې پرېکړې په غبرګون کې تر سره کیږي چې پر چمن سپین بولدک دروازه به له دې وروسته پر پاسپورټ او ویزه تګ راتګ تر سره کیږي.

په تېر کې به په دغه دروازه د ډیورنډ کرښې دواړه غاړې اوسیدونکي په افغان تذکره او پاکستاني شناختي کارډ یو او بل لور ته اوښتل.

له تېرو دوه میاشتو راهیسې د سپین بولدک ـ چمن پر دروازه د پاکستان له لوري هڅه کیږي چې مساپر اړ کړي په پاسپورټ او ویزه تګ راتګ وکړي.

په چمن کې د لغړي اتحاد مشر غوث الله د یاد پرلت په اړه وايي:«زموږ غوښتنه داده چې پر سپین بولدک ـ چمن دروازه په پاسپورټ تګ راتګ په هیڅ صورت نه منو. که موږ یو مرو که سل مرو موږ له خپلې غوښتنې نه په شا کیږو. کوم کسان چې پر دغه دروازه په پاسپورټ د تګ راتګ خوبونه ویني هغوی خطاوتلي دي. موږ د چمن د ټولو اوسیدونکو څخه غوښتنه کوو چې د پاکستان پاسپورټ وا نه خلي.»

پاکستان پر سپین بولدک ـ چمن دروازه پر پاسپورټ د تګ راتګ د پرېکړي سره سم په چمن کې د پاسپورټ اخیستنې اداري کارکوونکي او امکات ډیر کړي دي چې د یاد ښار اوسیدونکي پاکستانی پاسپورټ واخلي.

دغه پرلت کوونکي وايي کابل او اسلام اباد دې د خبرو له لارې خپلې ستونزي حل کړي، د ډیورنډ دواړو لوریو پراته قبایل پر دروازه په پاسپورټ او ویزه تګ راتګ نه مني.

د عوامي پارټی سیمه اییز مسول عطاء الله وايي، د پاکستان د یادې پرېکړې له امله د ډیورنډ کرښې دواړو لوریو ته د زرګونو کسانو کاروبار زیانمن شوی دی.

نوموړی وايي:«د زرګونو چمن مېشتو اوسیدونکو کاروبار د افغانستان لوري ته په سپین بولدک کې دی او د سپین بولدک د زرګونو اوسیدونکو کاروبار په چمن کې دی د پاکستان د یادې پرېکړې له امله د یادو ټولو کسانو کاروبار پر مخ بند شوی دی.»

دغه پرلت کوونکي وايي، د پاکستان د حکومت له لوري پرېکړه شوې چې د نومبر میاشتې له لومړۍ نیټې وروسته پر سپین بولدک ـ چمن دروازه باندې په پاسپورټ تګ راتګ جبري کیږي.

خو د ډیورنډ کرښې دواړو لوریو ته پراته قبایل وايي د پاکستان یاده پرېکړه نه مني او پرلت به تر هغه غځوي چې پاکستان خپله دغه پرېکړه بدله نه کړي.