د استخباراتو مرستیال: د کرېکټ بري په خوشالۍ ډزې کول د ملا هبت الله له امر سرغړونه ده

پاکستان د روانې اکتوبر میاشتې په لومړیو کې بې قانونه کډوالو ته د نومبر تر لومړۍ نېټې د وتلو لپاره وخت ور کړ.

د دغې نېټې له اعلان سره د افغانانو خلاف د دې هېواد د ځواکونو چلن لا سخت شو او له امله یې هره ورځ په سلګونو کسان د تورخم له لارې افغانستان ته ستنېږي.

د سرچینو په خبره، له پاکستانه د بې قانونه کډوالو د بهیر پیلېدو سره طالب استخباراتو په تورخم کې د پلټنې لپاره د پاسپورټ دفتر او ګمرګ ته څېرمه ځایونه جوړ کړي دي.

سرچینې زیاتوي، چې دا استخبارات په وروستیو څو ورځو کې هغه افغانان له نیول کېدو وروسته د پلټنو لپاره نامالوم ځای ته وړي چې پخواني نظامیان او یا هم په پخواني حکومت کې د ماموریت سابقه لري.

په دې تلاشۍ کې د ننګرهار او کونړ ولایتونو د هغو ولسوالیو اوسیدونکي هم سخت پلټل کیږي چې د داعش او د طالبانو د سختو جګړو شاهدې وې.

د سرچینو د معلوماتو له مخې په تورخم کې د پلټونو پرمهال د دې ولایتونو د اوسیدونکو او د پخوانیو نظامیانو معلومات د طالبانو تر کنټرول لاندې په کابل کې له استخباراتو ریاست او ولسوالیو څخه غوښتل کیږي.

سرچینې زیاتوي په تورخم کې د طالبانو اسخبارات نه یوازې نارینه پلټي بلکې له پاکستان څخه د ستنېدونکو میرمنو اسناد او کاري سابقه هم پلټي.

په تورخم کې یو شمیر مسافرو نن افغانستان انټرنشنل ته وویل چې طالبانو د هغو افغانانو پلټنه سخته کړې چې د جمهوریت د سقوط او له هغه څخه وروسته پاکستان ته تللي وي.

دوی زیاتوي په تورخم کې د پلټونو پرمهال له مسافرو سره د طالبانو د استخباراتو د کارکوونکو برخورد ډېر ناوړه دی.

که څه هم د طالبانو راتګ سره دغه ډلې ټولبښنه اعلان کړه خو د نړيوالو سازمانونو د راپورونو له مخې دوی خپله ټولبښنه تر پښو لاندې کړې او د پخواني حکومت ډېر نظامیان او مامورین یې زنداني، شکنجه او ووژل.

په وروستیو کې د طالبانو تر کنټرول لاندې د ملي ټلویزیون په یوه مستند کې ذبیح الله مجاهد ویلي، چې د هغو طالب وسلوالو پرضد ګام اخیستل کیږي چې د ملا هبت الله له فرمان یې نافرماني کړې او ټولبښنه یې تر پښو لاندې کړې.

د طالبانو د استخباراتو دا پلټنې په داسې حال کې روانې دي چې د جمهوریت د سقوط پرمهال ګڼ شمیر پخواني نظامیان او دولتي مامورین د دغې ډلې له ویرې له قانوني اسنادو پرته پاکستان او ایران ته تللي دي.

دغه وزارت د پنجشنبې په ورځ (د لړم په ۴مه) په خبرپاڼه کې لیکلي، چې ښاغلی حقاني د یو لړ مراسمو په ترڅ کې رسماً د سفارت کارکوونکو ته وپېژندل شو.

د بهرنیو چارو وزارت په خبرپاڼه کې راغلي، چې په عربې متحده اماراتو کې د افغانستان په سفارت کې د سرپرست په توګه د ښاغلي حقاني منل به د دواړو هېوادونو ترمنځ سیاسي، اقتصادي او نورې هر اړخیزې اړیکې پراخې کړي.

په متحده عربي اماراتو کې د افغانستان سفارت پخوا د افغانستان د پخواني حکومت د ډېپلوماټانو له خوا اداره کېده.

تر دې وړاندې د ولسمشر محمد اشرف غني د پخواني سلاکار محمد عمر داوودزي زوی سیر داوودزی په ابوظبي کې د افغانستان د سفارت شارژدافیر و.

ښاغلي هدایتي د پنجشنبې په ورځ (د لړم په څلورمه) ایراني رسنیو ته وویل، چې په راټولو شویو مرستو کې خوراکي توکي، د تودوخې وسایل، کمپلې، خیمې، د پخولو لوښي او نور توکي شامل دي.

هغه وویل چې د دغو مرستو ارزښت له ۴۷۳ زره ډالرو څخه زیات دی.

وروسته له هغه چې د افغانستان په لوېدیځ کې د ریښتر په کچه ۶،۳ درجې زوروره زلزله وشوه او زرګونه کسان یې ووژل، ایران لومړنی هېواد و، چې زیانمنو سیمو ته یې د ژغورنې ډلې ولېږلې.

د ایران د سرې میاشتې ژغورنې او مرستندویه سازمان د خراسان رضوي له سوېلي او شمالي سیمې او د ژغورنې او مرستندویه سازمان ۵۰ مرسته کوونکي د لس ټیمونو په چوکاټ کې افغانستان ته ولیږل.

د طالبانو ویاند ذبیح الله مجاهد د پنجشنبې په ورځ (د لړم په ۴مه) د یوې اعلامیې په خپرولو سره ویلي: «د پاکستان او نورو هېوادونو څخه په جبري توګه د را ویستونکو افغان کډوالو ستونزو ته د رسېدنې په موخه د طالبانو د رییس لوزرا مرستیال مولوي عبدالسلام حنفي په مشري ۳۱ کسیزه عالي کمېسیون جوړ شو».

اعلامیه کې راغلي، چې د لومړیو خدماتو وړاندې کولو په موخه یې په ۸ فصلونو او ۳۱ مادو کې کړنلاره توشیح او د یادې کړنلارې د تطبیق لپاره یې یوه دارالانشاء او ۱۲ کمېټې منظورې کړې.

یادې کمېتې به د کډوالو تثبیت، تشخیص، انتقال، لومړني او صحي خدمات او موقت پنډغالي برابروي او په ځانګړې توګه سوداګرو او صنعتکارانو ته د یوه طرزالعمل له مخې خاصې اسانتیاوې په نظر کې نیولې دي.

له نورو هېوادونو څخه د افغان کډوالو راستنېدل ورځ تر بلې مخ په ډېرېدو دي.

د چهارشنبې په ورځ (د لړم په ۳مه)له ۵۰۰۰ زیات افغان کډوال له ایران او پاکستانه هېواد ته ستانه شوي دي.

د طالبانو د کډوالو او راستنېدونکو چارو وزارت په خبر پاڼه کې راغلي، چې ۵۱۷۶ تنه افغان کډوال د اسلام کلا او تورخم له پولو راوښتي چې ډېر شمېر یې په جبري توګه راشړل شوي دي.

د یو بل خبر له مخې؛ ۱۵۸۵ تنه نور کډوال له پاکستانه د سپین بولدک پر پوله را اړول شوي، چې ۲۷۶ کورنۍ کېږي، دغه کورنۍ هم د خوراکي او غیر خوراکي توکو د تر لاسه کولو لپاره نړۍوالو ادارو ته ورپېژندل شوې دي.

د پاکستان حکومت ناقانونه افغان کډوالو ته د نومبر تر لومړې نېټې وخت ورکړی چې له پاکستانه ووځي.

د پاکستان راډیو د راپور له مخې؛ ښاغلی جیلاني دا تړون د اسیا او اروپا د نښلولو لپاره مهم جوړښت وباله او زیاته یې کړه، چې پاکستان د سوېلي او منځنۍ اسیا او منځني ختیځ پولو کې خپل موقعیت سره په یوه مثالي سوداګریز هېواد بدلېدلی شي.

د طالبانو واکمنېدو سره پاکستان د افغانستان له لارې د منځنۍ اسیا له مختلفو هېوادونو سره خپل تجارت زیات کړی دی.

دا هېواد او چین هڅه کوي چې طالبان هم په لار او کمربند پروژه کې ور ګډ کړي.

جلیل عباس جیلاني په نننۍ غوڼدې کې دې موضوع ته له اشارې پرته ویلي، چې په افغانستان کې له تلپاتې سولې او ټیکاو پرته دایمي اقتصادي پرمختګ ممکن نه دی.

نوموړي په دې برخه کې د شانګهای تړون رول هم مهم وباله.

که څه هم د پاکستان د بهرنیو چارو وزارت سرپرست د ټرانسپورټ اتصال د غوڼدې کره نېټه نه ده ښودلې؛ خو د روان کال تر پایه نېږدې دوه میاشتې پاتې دي او ښايي دا غونډه راتلونکې میاشت وشي.