د طالبانو د اسخباراتو ریاست مرستیال وايي، هغه کسان چې د کرېکټ خوښیو پرمهال ډزې کوي، د دې ډلې د مشر له امره سرغړونه کوي. ملا رحمت الله د پاکستان پر وړاندې د افغانستان وروستي بري ته په اشارې سره وايي د لوبې له ګټلو وروسته د افغانستان په ښارونو او ولایتونو کې هوايي ډزې شوې دي.
د طالبانو د استخباراتو ریاست مرستیال ملا رحمت الله چې مشهور په نجیب دی نن جمعه د ( لړم ۵ مه ) په بامیان کې غونډې ته په وینا کې د پاکستان پر وړاندې د کرېکټ بریا څخه وروسته د افغانانو د خوښیو لمانځلو پرمهال هوايي ډزو ته غبرګون وښود.
دغه طالب چاوراکی وايي د ملا هبت الله لخوا بار بار دا هدایتونه کیږي چې د خوښیو پرمهال هوايي ډزې مه کوئ.
دی زیاتوي دغه د خوشحالیو هوايي ډزو کې له لس څخه تر پنځلس کسان وژل کیږي.
دی نیوکه کوي چې په دغه برخه کې د امیر امر نه منل کیږی.
د طالبانو استخباراتو ریاست مرستیال ټینکار کوي چې که په دغو مرمیو یو څوک وژل کیږی نو دغه شخص قاتل دی او د قاتل ځای همیش دوزخ دی.
نیوکې دا دي چې په پلازمینه او ولایتونو کې طالب وسلوال د خوښیو پرمهال ډزې کوي، چې د عامو خلکو ته د مرګ ژوبلې لامل کیږي.
هغه ویډیوګانې چې په ټولنیزو رسنیو کې نشر شوي د پاکستان پر وړاندې په نړیوال جام کې د افغانستان وروستۍ بریا په هیواد کې عامو افغانانو د ملی بیرغونو لېږدولو ترڅنګ په اتڼ او ګډا سره ولمانځله خو بیا د کندهار په شمول یو شمیر ولایتونو کې د طالبانو امر بالمعروف ادارې محتسبیونو عام افغانان وهل وټکول او د دوی د خوښیو د لمانځولو مخه یې ونیوله.
خو راپورونه دا دي چې د کابل په شمول زیاترو ولایتونو کې طالب وسلوالو دغه خوښیو په هوايي ډزو په کولو سره ولمانځله چې ددغه ډلې د چاوراکو له غبرګونونو سره مخ شوې.
