د طالبانو ریاست الوزراء اقتصادي معاونیت: ملا عبدالغني برادر د سټنډرډ ملي شورا مشر وټاکل شو
د طالبانو ریاست الوزراء اقتصادي معاونیت په اېکس پاڼه لیکلي چې، د دې ریاست اقتصادي مرستیال ملا عبدالغني برادر د سټنډرډ ملي شورا د مشر په توګه وټاکل شو.
د طالبانو ریاست الوزراء اقتصادي معاونیت په اېکس پاڼه لیکلي چې، د دې ریاست اقتصادي مرستیال ملا عبدالغني برادر د سټنډرډ ملي شورا د مشر په توګه وټاکل شو.
دغه ریاست وړاندې لیکلي چې، د سټنډرډ ملي شورا افغانستان ته د بې کېفیته او غیرمعیاري توکو د واردېدو، د هېواد دننه د غیر معیاري او خپلسرو ودانیزو چارو په برخه کې د سټنډرډ ملي ادارې ستراتیژۍ، د عمومي پالیسیو د تصویب او د هغوی له پلي کولو څخه د څارنې، د ملي سټنډرډونو او ودانیزو ملي کوډونو او نورمونو د تصویب او د تخنیکي مقرراتو د طرحو د تایید په موخه رامنځته شوې ده.
د طالبانو ریاست الوزراء اقتصادي معاونیت زیاتوي چې د دې شورا د دایمي غړیتوب له پاره د کرنې او اوبو لګولو، لوړو زده کړو، ښار جوړونې، ټولګټو، عامې روغتیا، سوداګرۍ، مخابراتو، کانونو، ټرانسپورټ او د مالیې وزارتونو مرستیالان، د علومو اکاډمۍ لوی رئیس، د چاپېریال ساتنې ملي ادارې لوی رئیس، کابل ښاروال، د ښاروالیو د عمومي ریاست مرستیال، د افغانستان د سوداګرۍ-پانګونې او د کانونو او صنایعو خونو د مدیره پلاوي رئیسان ټاکل شوي دي.
د یادولو ده چې ملا برادر به د سټنډرډ ملي شورا د مشرۍ ترڅنګ خپلو نورو دندو ته هم دوام ورکړي.
