د پاکستان حکومت لهخوا ناقانونه کډوالو ته د ورکړل شوي ضرب الاجل په ختمېدو، طالبانو په یوې خپرې شوې خبرپاڼه کې له هغو هېوادونو مننه کړې، چې له لسیزو راهیسې یې د افغان کډوالو کوربهتوب کړی او ویلي یې دي:« موږ له هېوادونو مننه کوو او له دوی غواړو، چې افغانانو ته وخت ورکړي.»
خبرپاڼه کې راغلي، افغانانو په هغه هېواد کې چې دوی اوسېږي هېڅکله کومه ستونزه نه ده جوړه کړې، موږ غواړو چې هېوادونه له صبر او زغمه کار واخلي او له افغانانو سره په اسلامي روحيه، ورورولۍ او درناوي چلند وکړي.
خبرپاڼه زیاتوي، هیڅ هېواد حق نه لري چې د افغان کډوالو شخصي ملکیتونه ضبط کړي.
طالبانو د خبرپاڼې له لارې هغو افغان کډوالو ته هم ډاډ ورکړی، چې که د سیاسي فشار له امله له هېواده وتلي، په بېرته ستنېدا سره کولای شي په خپل هېواد کې ارامه ژوند تېر کړي.
طالبانو له سوداګرو هم غوښتي، چې د راستنېدونکو افغانانو سره د مرستې او لاسنیونې لپاره دې د بېرته راستنېدونکو لپاره د جوړ شوي کمېسیون سره همکاري وکړي.
دا په دلسې حال کۍ ده، چې تېره ورځ د طالبانو لوړپوړی پلاوی تورخم ته رسېدلی و او په پام کې ده، چې راستنېدونکو لپاره دوه لنډمهاله پنډغالي جوړ کړي.
