هغه سوداګر خپله مالي غلا ومنله چې په کندهار کې یې امریکایانو ته انټرنېټي خدمات وړاندې کول

د روسیې ولسمشر د جمعې په ورځ (د لړم ۱۲مه) په مسکو کې د دغه هېواد د مدني خونې له غړو سره په کتنه کې اوکراین ته د لوېدیځو وسلو پر لېږلو او په نا قانونه بازارونو کې یې پر پلورلو نیوکه وکړه.
د تېر کال د فبرورۍ له ۲۴مې راهیسې، چې روسیې اوکراین ته خپل پوځیان واستول، لوېدیځو هېوادونو د روسیې ځواکونو ته د ماتې ورکولو لپاره اوکراین ته د میلیاردونو ډالرو په ارزښت جنګي وسلې لېږلې دي.
اوکراین وايي، پر هغو وسلو چې دوی یې ترلاسه کوي، کلک کنټرول لري، خو یو شمېر لوېدیځو امنیتي چارواکو له دې مخکې په نا قانونه بازارونو کې د وسلو د پلور په اړه اندېښنه ښودلې وه.

د امريکا متحدو ايالتونو له اوکراين څخه غوښتي چې له اداري فساد سره د مبارزې لپاره دې جدي اقدامات وکړي.
تېر کال د اینټرپول رییس یورګن سټاک خبرداری ورکړی و چې اوکراین ته استول شوې ځینې پرمختللې وسلې د سازمان شویو جنایتکارو ډلو په لاس کې لویدلې دي.
د مارچ په میاشت کې، په اوکراین کې د جګړې او د وسلو د ناقانونه سوداګرۍ په اړه یو راپور د سازمان شویو جرمونو پر وړاندې د نړیوال ابتکار لخوا خپور شو.

په دې راپور کې ویل شوي، چې تر اوسه له اوکراین څخه د پام وړ وسلې نه دي ایستل شوې.
په هرصورت، راپور خبرداری ورکوي، که ګواښونو ته پام ونه شي، کله چې اوسنۍ جګړه پای ته ورسیږي، "د اوکراین د جګړې ډګرونه د ګډوډۍ نوې وسیلې ګرځیدلی شي او د اروپا په سړکونو کې له افریقا څخه تر ګانګسترونو پورې وسلوال به په وسلو سمبال کړي».
د نړیوال اقتصاد لپاره د کیل موسسې د راپور له مخې، د متحده ایالاتو په مشرۍ اتو لوی لویدیځ مرستندویانو له اوکراین سره ژمنه کړې چې لږترلږه ۸۴ ملیارد یورو «د ۹۰ ملیارد ډالرو معادل» وسلو مرستې به اوکراین ته واستوي.

پوځ د خپلې مرګ ژوبلې په هکله څه نه دي ویلي، خو زیاتوي چې د وسلوالو برید کې د دوی کار وړ وسایل نه دي زیانمن شوي، یوازې درې له کاره لوېدلې الوتکې زیانمنې شوې دي.

د تحریک جهاد پاکستان په نوم د یوې وسلوالې ډلې ویاند ملا قاسم په یوه بیان کې د دغه برید مسوولیت منلی دی.

د پاکستان پر پوځ پرون هم د بلوچستان په ګوادر کې برید شوی و او چارواکو ومنله چې دغه برید کې ۱۴ سرتېري وژل شوي دی.

پوځ وایي په سیمه کې تصفیوي عملیات روان دي او د دغه ناوړه عمل عاملین به ونیسي او د قانون منګلو ته به یې وسپاري.

د بلوچستان ګاونډ کې د پښتونخوا په ډېره اسماعیل خان کې هم نن د پولیسو د ګزمې ګاډي سره چاودنه شوې ده.

امنیتي ځواکونه وايي، په دې پېښه کې پنځه کسان وژل شوي او د پولیسو په ګډون شل نور ټپیان دي.

د پاکستان سرپرست لومړی وزیر انوارالحق کاکړ په ډېره اسماعیل خان دا برید غندلی او ویلي یې دي، په دغه هېود کې به تر هغه د ترهګرۍ ضد جګړه روانه وي چې وروستی ترهګر ووژل او په دې برخه کې ګواښ ختم شي.

ملګرو ملتونو زیاته کړې چې د دوی ۱۴۹ کمپونو له خپل ظرفیت څخه څلور برابره زیاتو فلسطینیانو ته ځای ورکړی دی.

په ورته وخت کې دغه سازمان ویلي چې په لویدیځه غاړه کې هم تاوتریخوالی زیات شوی دی. د دغه سازمان په وینا، د اکټوبر له اوومې راهیسې چې جګړه پیل شوې، په لویدیځه غاړه کې ۱۳۰ کسان وژل شوي او ۲ زره او ۲۰۰ نور ټپیان شوي دي.

په عین حال کې، په یهود میشتو ښارګوتو کې هم د فلسطینیانو په وړاندې تاوتریخوالی زیات شوی، هره ورځ په اوسط ډول ۷ پېښې ثبت شوې، چې د دغو بریدونو یو په دریمه برخه کې له وسلو کار اخیستل کیږي.

د ملګرو ملتونو د بشرپاله چارو د همغږۍ دفتر ویلي چې اسراییلي ځواکونه یا هغه کسان چې د اسراییلي پوځ یونیفورم او وسلې کاروي د دغو ښارګوټو د اوسیدونکو ملاتړ کوي.

دغه دفتر زیاته کړه چې دغه تاوتریخوالي د اسراییلي ځواکونو او چارواکو په ملاتړ او همغږۍ ترسره کیږي.

د حزب الله مشر د جمعي په ورځ د حماس او اسراییل د جنګ له پیلېدو نږدې څلور اونۍ وروسته ماته کړه او ویې ویل، چې د اکتوبر پر ۷ پر اسراییل د حماس برید په نړۍ کې د فلسطیني کړکېچ د مطرح کیدو لپاره یوه اړتیا وه.

حسن نصرالله وویل چې د حماس برید ثابته کړه چې د اسراییل بنسټ "د غڼې له ځالې هم کمزوری دی" او دا هېواد که هر څه وکړي بیا هم د دې برید پر پایلو غلبه نشي کولی.

هغه دا ادعا هم وکړه چې پر غزې د برید ټول مسوولیت د امریکا پر غاړه دی او اسراییل په دې جګړه کې یوازې یوه پلي کوونکې وسیله ده.

د ایران د حکومت دغه متحد په خپلو خبرو کې وویل چې د اسراییل او حماس تر منځ شخړه تر نورو جبهو غځېدلې ده او د عراق او یمن له شیعه ډلو یې مننه وکړه چې دې شخړې ته یې ور دانګلي دي.

حسن نصرالله د حماس په برید کې د ایران د لاس لرلو په اړه د لویدیځو هېوادونو ادعاوې رد کړې او ویې ویل چې دغه برید سل په سلو کې د فلسطینیانو کار و.

د هغه په ​​وینا، ایران په مقاومت د محور په سیمه کې د اسراییل او امریکا د مخالفو ډلو یا د هغوی د مشرانو هیڅ ډول سرپرستي نه کوي.

د لبنان دغه شیعه روحاني ادعا وکړه چې ایران د روح الله خمیني یا هم د سید علي خامنه يي په وخت کې، «د مقاومت له ځواکونو ملاتړ کوي خو د دوی پر ځای پریکړې نه کوي.»

حزب الله نه یوازې په دې برید کې د ایران لاس لرل ردوي، بلکې وايي، چې دې ډلې هم د برید په اړه هېڅ معلومات نه لرل.

د حزب الله د مشر وینا پر اسراییل د حماس له بریدڅلور اونۍ وروسته په داسې حال خپره شوه چې په تېرو څو ورځو کې نصر الله د لنډو ویډیویي کلپونو په خپرولو سره د خپلې وینا او په جګړه یې د اغیزو په اړه د خلکو انتظار ډېر کړی و.

د منځني ختیځ کارپوهانو ویلي دي چې دا وینا د بالفور د اعلامیې د ۱۰۶مې کلیزې په مناسبت خپره شوې ده.

د بالفور بیانیه هغه لیک دی، چې د نومبر په دویمه د ۱۹۱۷ میلادي کال کې د برېتانیا د هغه وخت د بهرنیو چارو وزیر ارټور بالفور لخوا لاسلیک شوی و، چې پکې بریتانیا ژمنه وکړه، چې په فلسطین کې د "یهودانو لپاره ملي کور" جوړ کړي.

دا سند د اسراییل یو له بنسټیزو اسنادو څخه دی.