د پاکستان کورنیو چارو وزارت ویلي، هغه افغانان چې د اوسېدو په شرایطو برابر دي، نه شړل کېږي

د طالبانو تر واک لاندې باختر خبري اژانس چې د سپین بولدک له کرښې څخه د نوموړي د لېدنې ویډیو خپره کړې ده، وایي چې دغه شمیر نور هم په زیاتیدو دی.

دا په داسې حال کې چې د طالبانو د کډوالو چارو وزارت په اېکسپاڼه د سپین بولدک له لارې له پاکستانه د ۶ زره او ۵۷۴ تنه کډوالو د ستنېدو خبر ورکړ.

د کندهار ولایت سپین بولدک د سرحداتو آمریت د معلوماتو له مخې، له یاد شمېر څخه یو زر او ۱۱ کسان بیا د مرستې لپاره د کډوالو نړیوال سازمان دفتر ته ورپیژندل شوي دي.

سره له دې چې د طالبانو ویاند ذبیح الله مجاهد د سپین بولدک پر فرضي کرښه کډوالو ته د څو کمیټو له لارې د ښو خدمتونو د وړاندې کولو خبره وکړه خو وایي چې دمګړۍ راستانه شوي کډوال د خیمو له کمښت سره مخ دي .

له دې سره، د طالبانو د کډوالو چارو وزارت په اېکس ټولنیزه پاڼه د یوه بل خبر په خپرولو سره ‏په تورخم کې د نورو روغتیایي خدمتونو ترڅنګ د راستنېدونکو کډوالو پنډغالي اړوند روغتون کې د لابراتوار او د غاښونو د څانګې د پرانيستو خبر هم ورکړي.

سرچینې زیاتوي، فضل امین چې په اصل کې د خیبر قبایلي ضلعې اوسیدونکی و، هغه د یادې ضلعې په باړه کې د پولیسو پر یوه مرکز او د پېښور په حیات اباد کې په یوه ځانمرګي برید کې لاس درلود.

فضل امین په ​​اصل کې له لشکر اسلام وسلوالې ډلې سره تړاو درلود خو کله ناکله يې له ټي ټي پي او جماعت الدعوه سره یو‌ ځای په ځينو بریدونو کې برخه اخیسته.

تر دې وړاندې هم د افغانستان په ختيځو او سوېل ختيځو ولایتونو کې د پاکستاني طالبانو د په نښه کولو خبرونه ورکړل شوي و.

څو میاشتې وړاندې د خوست ولایت په مرکز کې د یوه هوټل دننه یوه زوروره چاودنه شوې وه چې پکې د پاکستاني طالبانو ګڼ شمېر مشران او غړي وژل شوي و، ځینو سرچینو هغه ډرون هوايي برید بللی و او ويل کېدل چې هغه برید پاکستاني پوځ ترسره کړی و خو خپلواکو سرچینو یې پخلی نه و کړی.

پاکستاني طالبان تل د خپلو مشرانو د وژل کېدو په اړه غلی پاتې شوي دي.

دغه سازمان د شنبې په ورځ د (لړم ۱۳مه) د اېکس پاڼې په مخ له هیوادونو وغوښتل چې د افغان کډوالو د بېرته مېشتېدو په برخه کې خپلې ژمنې پوره کړي.

د پاکستان حکومت د خپل یوه میاشتني ضرب الاجل له پای ته رسېدو وروسته د نومبر په لومړۍ نېټه د ناقانونه افغان کډوالو د نیولو او په زوره د اېستلو بهیر پیل کړ.

شاوخوا یو میلیون او اوه لکه افغان کډوال له دې پروسې اغېزمن کیږي.

په تېرو څو ورځو کې په لسګونه زره افغان کډوال اړ شوي چې په پاکستان کې خپل ټول شته پرېږدي او افغانستان ته ستانه شي.

پاکستان "ناقانونه" پناه غوښتونکي لومړی نیسي او بیا یې په زور شړي.

د دغو کډوالو لویه برخه هغه کسان او کورنۍ دي چې په افغانستان کې د طالبانو له واکمنۍ وروسته د امنیتي اندېښنو، نورو هېوادونو ته د کډوالۍ د دوسیو د ثبتولو او د بې وزلۍ د خپرېدو له امله خپل هېواد پرېښود.

د بشري حقونو د څار اداره وايي، هغه ښځې او نجونې چې افغانستان ته په زور ستنېږي په ځانګړې توګه له ګواښ سره مخامخ دي.

دغه سازمان زیاته کړې، چې پاکستان په قانوني توګه مسول دی، او د هغو افغان کډوالو له اېستلو باید ډډه وکړي چې ژوند یې له ګواښ سره مخامخ کیږي.

له پاکستانه د افغان کډوالو اېستل د ځینو هیوادونو او هغو سازمانونو چې د کډوالو د حقونو ملاتړي دي، نیوکې راپارولي دي.

له دې ټولو سره سره د پاکستان حکومت د افغان کډوالو په اړه د خپلې پرېکړې د بېرته اخیستو پر بیا بیا غوښتنو غور نه دی کړی.

له پاکستانه د افغان کډوالو د اېستلو پر دوام د افغانستان او پاکستان د سوداګرۍ د ګډې خونې مشر وايي، په پاکستان کې د څه باندې څلور میلیارد ډالرو په ارزښت د افغان کډوالو شتمنۍ ضبط شوې دي.

خان جان الکوزي افغانستان انټرنېشنل ته وویل: «د سوداګریزو توکو څلور زره کانټینرونه د کراچۍ په بندر کې پاتې دي او دغه راز په پاکستان کې د افغانانو له خوا د جوړو شویو ۵۰۰ فابریکو برخلیک روښانه نه دی.»

ملا محمد‌حسن د جمعې په ورځ د لړم په ۱۲مه په پاکستان کې د افغان کدوالو د اېستلو او د شتمنیو د ضبطولو په اړه توند غبرګون وښود.

په دې وروستیو کې د پاکستان د کورنیو چارو وزیر ویلي چې کډوال حق لري یوازې ۵۰ زره پاکستانۍ کلدارې چې ۱۸۰ ډالر کیږي له دغه هېواده وباسي.

د طالبانو تر لاس لاندې باختر اژانس د خبر له مخې، دغه کمېټه به د افغان کډوالو حقونو ته د رسېدنې او د قانوني لارو چارو په برخه کې فعالیت وکړي.

له پاکستانه د کډوالو په ځانګړې توګه د افغانانو د اېستلو بهیر له پیل وروسته له کډوالو سره د پاکستاني پولیسو د ناوړه چلند په اړه راپورونه خپاره شوي دي.

د بشري حقونو څار سازمان د ښځو څانګې مسولې هېدربار همداراز زیاته کړې چې: «۸۵۰ زره ښځې او نجونې داسې یوه هېواد ته شړل کیږي چې هلته له زده کړو، کار، ګرځېدو، روغتیایي خدمتونو او مرستو ته له لاسرسي، سپورټ او آن پارکونو ته له تلو منع دي چې دا یو څرګند ظلم دی.»

نوموړې ویلي، په داسې حال کې چې د نړۍ سترګې د غزې جګړې ته دي، پاکستان په خاموشۍ سره ۱.۷ میلیونه کډوال افغانستان ته استوي.

نوموړې په اېکس پاڼه لیکلي چې، افغان کډوال په داسې حال کې خپل هېواد ته شړل کېږي چې دغه هېواد له سخت بشري ناورین سره مخ دی.

افغان کډواله فریده چې له شاوخوا یوه کال راهیسې په پاکستان کې اوسیږي، وايي، له دغه هیواده د افغان کډوالو اېستلو د ښځینه کډوالو پر ژوند ډېرې منفي اغېزې کړې دي.

نوموړې وایي، «ځینو ښځینه خبریالانو، مدني فعالانو، څارنوالانو او د امنیتي بنسټونو کارکوونکو چې د طالبانو له حاکمیت وروسته پاکستان ته پناه راوړې وه، په ستنېدو سره به د مرګ له ګواښ سره مخ شي، هغه د پاکستان له حکومته غواړي چې د افغان کډوالو د اېستلو بهیر دې ودروي.»

له دې سره، د ملګرو ملتونو د کډوالۍ چارو د سازمان په ګډون د ملګرو ملتونو د ماشومانو صندوق او د ملګرو ملتونو د کډوالو عالي کمېشنرۍ په یوه ګډه اعلامیه کې له پاکستانه غوښتي چې د ماشومانو او د هغو کورنیو خوندیتوب ته چې تر ګواښ لاندې دي، پاملرنه وکړي.

د ملګرو ملتونو د شمېرو له مخې، د سپټمبر له ۱۵مې راهیسې له پاکستانه ۱۶۰ زره کډوال افغانستان ته ستانه شوي دي.

په دغو کډوالو کې شپږ اتیا سلنه کدوالو ویلي چې د پاکستاني پولیسو له خوا د نیول کېدو له ویرې یې دغه هیواد پریښی دی.

یو شمېر ښځینه زده‌کړیالانې په افغانستان کې د طالبانو پر بندیزونو نیوکه کوي او په دې باور دي، چې طالبانو په تېرو څه باندې دوو کلونو کې داسې فرمانونه صادر کړي، چې پر بنسټ یې د زده‌کړو، کار، ګرځیدو او داسې نورو برخو کې د ښځو او نجونو ټول حقونه تر پښو لاندې شوي دي.

په جبري توګه د افغانانو د ستنولو پرېکړه په داسې حال کې کیږي چې د یو شمېر کورنیو په خبره دوی د خپلو لوڼو د زده‌کړو لپاره ګاونډیو هېوادونو ته کډه شوي دي.

پر‌ افغانستان د طالبانو تر بیاځلې واکمنېدو وروسته له شپږم ټولګي پورته د نجونو ښوونځي تړل شوي، نجونې او ښځې پوهنتونونو ته له تګ او په ډېری دولتي ادارو کې له کار کولو منع شوې دي.

پر دې سربېره، طالبانو له تېرو څه باندې دوو کلونو راهیسې شاوخوا ۵۰ فرمانونه صادر کړي، چې پر بنسټ یې ښځې او نجونې په عامه غونډو، ورزشي لوبغالو، سیاسي او فرهنګي فعالیتونو کې له ګډون څخه راګرځول شوې دي.

خو طالبان بیا وایي چې د ښځو او نجونو حقونه د اسلامي شریعت په چوکاټ کې خوندي دي.