د ایران د دفاع وزیر امریکا ته: که سمدستي جګړه بنده نه کړئ سخت به وځپل شي

د بولاوا توغندي دا ازموینه وروسته له هغې ترسره کیږي، چې روسیې د اټومي وسلې د ازموینې د بندیز له مهمې موافقې سره خپل پرېکون اعلان کړ او یوه اونۍ وروسته یې بولاوا وازمویه.

تېره اونۍ د روسیې ولسمشر ولادیمیر پوتین د یوې لایحې په لاسلیک سره د اټومي وسلو د ازموینو د بندیز له موافقې ووت.

د روسیې دولتي تلویزون د دغه توغندي د پېژندنۍ په راپور کې ویلي، چې دا توغندی نېږدې ۱۲ متره اوږدوالی لري او څه باندې ۸۰۰۰ کیلومتره لېرې هدف په دقیق ډول ویشتلی شي.

مارک رګو وویل، چې اسراییل د غزې د اوسېدونکو لپاره خوراکي توکو، درملو، اوبو او نورو اړینو توکو ته د نامحدود لاسرسي موافقه کړې؛ خو د تیلو مساله "ډېره حساسه" ده.

هغه له بي بي سي سره په مرکه کې وویل: "زموږ له نظره د جګړې د بندولو په هر ډول هوکړه کې د یرغمل شویو خوشې کول هم شامل دي."

د بي بي سي د یوه راپور له مخې؛ د بنیامین نتنیاهو جګپوړي سلاکار د حماس هغه ادعا رد کړې، چې ګواکې پر غزې د اسراییل په بریدونو کې ۶۰یرغمل شوي کسان وژل شوي دي.

نوموړي وویل: "زه نشم کولی دا تایید کړم، زه باور لرم چې دا د حماس د روان پروپاګند یوه برخه ده. دوی غواړي چې موږ پر دوی بریدونه بند کړو او له همدې امله دوی موږ ته وايي، چې موږ خپل خلک وژنو. دا په ښکاره ډول رښتیا نه ده."

اسراييلي چارواكي وايي؛ اسراييل د غزې د تړانګې د اوسېدونکو لپاره د خوړو، درملو او اوبو په نامحدوده توګه لاسرسى منلى دى.

هغه د سون موادو په اړه وویل:"تېل خورا حساس دي؛ ځکه چې تېل کولی شي د روغتون جنراتورونو ته برېښنا ورکړي، دا یو ښه شی دی؛ مګر سون توکي کولی شي د حماس نظامي ماشین هم ځواکمن کړي، په ځانګړي توګه په اسراییل باندې د راکټونو د ویشتلو وړتیا زیاتولی شي”.

د اسراییل د لومړي وزیر ستر سلاکار دغه موضوع د امریکا د بهرنیو چارو د وزیر انتوني بلېنکن او بنیامین نتنیاهو ترمنځ د جګړې د بشري پایښت په اړه له خبرو وروسته راپورته کړه.

د ښاغلي خامنه يي پورې اړوند په اېکس پاڼه نن یکشنبه (د لرم ۱۴مه) لیکل شوي، چې د ایران مذهبي مشر له اسماعیل هنیه سره د غزې په وروستیو بدلونونو او روانو مسالو بحث کړی دی.

یادښت زیاتوي: “ د حماس د سیاسي دفتر مشر په غزه کې د وروستیو بدلونونو او جنایاتو په اړه راپور وړاندې کړ”.

د ایران مذهبي مشر د غزې له خلکو د هر اړخیز ملاتړ تر څنګ پر اسلامي هېوادونو هم غږ کړی، چې د غزې په اړه غلي پاتې نه شي.

ښاغلي خامنه یي ته په یوه بل منصوب یادښت کې د غزې په تړاو راغلي، چې په غزه کې روان “جنایات” د امریکا او یو شمېر نورو لویدیځو هېوادونو په مستقیم ملاتړ کیږي.

له دې وړاندې د ایران د ولسمشر په ګډون د بهرنیو چارو وزیر او یو شمېر چارواکو په غزه کې د روانې جګړې د سمدستي بندېدو غوښتنه کړې وه او د اسراییل له خوا بریدونه یې جنګي جنایت بللي وو.

یو شمېر لویدیځو هېوادونو ایران د حماس په ملاتړ تورن کړی؛ خو پر اسراییل د حماس د ناڅاپي برید په اړه داسې کوم شواهد نه دي تر لاسه شوي، چې وښيي ایران په دغه برید کې لاس لري.

د طالبانو سترې محکمې نن یکشنبه د ( لړم په ۱۴ مه ) په یوه خبرپاڼه کې لیکلي، چې اسراییل د نړۍوالو قوانینو خلاف د غزې په اوسېدونکو هر ډول لومړني خوراکي توکي، اوبه، درمل، برېښنا او د ژوند نور ضرورتونه بند کړي، چې دغه کار د غزې او نورو سیمو مسلمانان له ډېرو سختو مشکلاتو سره مخ کړي دي.

د خبر پاڼې په پای کې د طالبانو د سترې محکمې د رییس او قاضي القضات عبدالحکیم حقاني نوم لیکل شوی.

خبرپاڼه زیاتوي، چې د اسراییل له خوا په ډېره بې رحمۍ هوايي او ځمکني بریدونه روان دي، چې له امله یې زرګونه فلسطیني ښځې، ماشومان او لویان په "شهادت" رسېدلي، زیات شمېر یې ټپیان دي، روغتونونه، جوماتونه او کورونه یې نړېدلي دي.

په خبرپاڼه کې راغلي، چې دوی د فلسطین له ولس څخه ملاتړ اعلانوي او له ټولو اسلامي هېوادونو څخه غواړي، چې د فلسطینیانو لاس نیوی وکړي او په دې "امتحان" کې بې تفاوته پاته نه شي.

له دې وړاندې د طالبانو د بهرنیو چارو وزارت ویاند عبدالقهار بلخي د اسراییل له خوا د غزې پر تړانګه د اوبو او خوړو قطع کول او د ماشومانو او ښځو په شمول د ملکي خلکو وژل د بشریت ضد جرم بللی او له نړۍوالې ټولنې، سازمانونو او اسلامي هېوادونو یې غوښتي چې د دې ناورین مخه دې ونیسي.

هغه په ​​منځني ختیځ کې وروستیو پرمختګونو ته په اشارې سره اسراییلي ورځپاڼې «یدیعوت اخرونوت» ته وویل: "موږ باید له سره غور وکړو، چې څنګه د دغه ډول کړکېچ مخه ونیول شي".

ترکیې د سې شنبې په ورځ اعلان وکړ، چې له تل ابیب څخه یې خپل سفیر وروسته له هغه راوغوښت چې اسراییل خپلو بریدونو ته دوام ورکړ او په غزه کې یې د اوربند غوښتنې ته له مثبت ځواب ویلو ډډه وکړه.

د ترکیې ولسمشر رجب طیب اردوغان د یکشنبې په ورځ (لړم په ۱۴مه) د هېواد د شمال ختیځ په ریزه په سیمه کې د لوړې مراسمو ته په وینا کې وویل، چې دا د ترکیې دنده ده چې په غزه کې د وینو تویولو مخه ونیسي.

اردوغان وویل: "دا زموږ تاریخي مسوولیت دی، چې د هغو کسانو جنایتونه وغندو چې په غزه کې د دې غیر انساني، غیر منطقي او کرکې وړ وژنې ملاتړ کوي".

د اسراییل پوځ په غزه کې خپل هوايي او ځمکني بریدونه پراخ کړي دي. د دغه هېواد په جنوب کې د تلې په ۱۵ نېټه د حماس له ناڅاپي حملې وروسته اسراییل د غزې په تړانګه کې د دغې فلسطیني ډلې د مرکزونو پر ضد پراخ عملیات پیل کړل.
​