د حزب الله استازی وايي، دوی به پر لبناني ولسي وګړو د اسراییل برید ته دوه برابره ځواب ورکړي

ضیا احمد نن سې شنبه (د لړم ۱۶مه) پر خپلې اېکس پاڼې لیکلي، چې د پاسپورټونو د وېش بهیر یې د طالبانو د مشر ملا هبت الله په فرمان په ابوظبۍ کې پیل کړی دی.

د روانې میاشت په لومړیو کې طالبانو په ابوظبۍ کې د افغانستان سفارت ته خپل نوی استازی د سرپرست په توګه معرفي کړ او په کار یې پیل وکړ.

تر اوسه د طالبانو حکومت د نړۍ هېڅ کوم هېواد په رسمیت نه دی پېژندلی.

د ترکیې د پېښو او بېړنیو حالاتو ادارې په یوه بیان کې ویلي، چې دغه په دغه اورګاډی کې ۵۰۸ ټنه خوراکي توکي، خیمې، کمپلې، د حفظ الصحې مواد، ژمنۍ جامې، جنراتورونه، هیټرونه او د پخلنځي سامانونه بار دي.

د ترکیې د بشري مرستو کارګو د دغه هېواد د سرې میاشتې او ۲۶ خیریه موسسو او مرستندویه موسسو له خوا راټول شوي دي.

تر دې مخکې د ترکیې د دفاع وزارت دوه الوتکې د لټون او ژغورنې پرسونل له نورو بشري مرستو سره هرات ته استولې وې.

نوموړې “په اسلام کې د ښځو واک او مقام” په نوم په یوه نړیواله غونډه کې ویلي، چې په افغانستان کې د مېرمنو او نجونو پر وړاندې لګیدلي محدودیتونه جدي څېړنې ته اړتیا لري.

دا غونډه د سعودي عربستان په پلازمینه جده کې د اسلامي همکاریو د سازمان له لوري جوړه شوې وه، چې د بېلابېلو نړیوالو مسالو تر څنګ پکې د افغانستان موضوعات هم بحث شول.

امنه محمد زیاتوي، چې د نجونو د زدکړو، کار، سوداګرۍ او ټولنیز ژوند په تړاو د یوه روښانه راتلونکي ډاډ تر لاسه کېدلی شي او اړینه ده، چې په دغه برخه کې جدي اقدامات وشي.

نوموړې وايي، چې په اسلام کې د هغو ټولو تبعیضي قوانینو او دودنو د پای ته رسېدا حکم شوی چې له مخې یې زدکړې منع کیږي.

مېرمن محمد وویل: "د افغانستان مېرمنې باید د خپل راتلونکي په جوړولو کې پوره ونډه واخلي او هېواد د ودې لپاره د مېرمنو ونډې ته شدیده اړتیا ده".

نوموړې په افغانستان کې د نجونو او مېرمنو لپاره د کار، زدکړو او ټولنیزو حقونو د خوندیتابه غوښتنه وکړه او ویې ویل، چې افغان مېرمنې باید خپل حقونه تر لاسه کړي.

هغې وویل: “تاسو پوهیږئ چې په دې وروستیو کې د اسلامي همکاریو سازمان افغانستان ته یو پلاوی استولی و. موږ فکر کاوه چې پر طالبانو د فشار راوړلو لپاره د سیمې هېوادونه هم اړین دي. هغوی د نړیوالې ټولنې برخه دي او باید فشار پرې راوړي تر څو ډاډ ترلاسه کړي چې افغانستان کې د ښځو حقونه یو ځل بیا ورکول کیږي”.

د ملګرو ملتونو د سرمنشي مرستیالې امنې محمد د روان کال د تلې په شپږمه په یوه خبره غونډه کې په افغانستان کې د مېرمنو او نجونو پر وضعیت اندېښنه څرګنده کړې وه او ویلي یې وو، چې په دغه هېواد کې د مېرمنو او نجونو وضعیت ورځ تر بلې مخ په خرابېدو دی.

د امنې محمد د نویو څرګندونو په اړه طالبانو څه نه دي ویلي، خو له لومړیو څرګندونو وروسته د طالبانو ویاند ذبیح الله مجاهد ویلي وو، چې په افغانستان کې د ښځو او بشري حقونو موضوع حل ده او دوی ټول هغه قوانین وضع کړي کوم چې د اسلام ښکاره احکام دي.

نوموړي زیاته کړې وه، چې په افغانستان کې د ښځو ټول اسلامي حقونه ورکړل شوي او نړۍواله ټولنه دې هڅه نه کوي، چې د افغانستان په داخلي موضوعاتو کې مداخله وکړي.

وروسته له هغې چې طالبانو پر افغانستان واک تر لاسه کړ، په افغانستان کې یې د مېرمنو او نجونو پر کار، زده کړو او ټولنیزو فعالیتونو بندیز ولګاوه، دغې چارې د نړۍوالې ټولنې او بشري حقونو د یو شمېر سازمانونو غبرګونونه را وپارول؛ خو طالبانو د ښځو د زده کړو او کار مساله د دوی داخلي مساله ګڼلې ده.

د پولیسو ویاند تایید کړه چې دا برید د یکشنبې په شپه د کاتسینا په سیمه کې شوی دی. پولیسو د ټپیانو شمېر ۱۸ تنه اعلان کړ، چې دوه یې په روغتون کې د ژورو ټپونو له امله مړه شول.

کاتسینا د نایجیریا د شمال لویدیز او مرکزي سیمو یوه برخه ده، چې د "غلو" په نوم جنایي ډلې کلي لوټ کوي او اوسیدونکی یې وژني.

د نایجیریا په شمال لویدیځ کې د بزګرانو او مالدارانو ترمنځ د ځمکې پر سر شخړې پخوانې رېښې لري، چې اوس مهال ډېرې شوې هم دي

ځایي اوسیدونکي د ځان او د کلیو د ساتلو لپاره روزل شوي دي، خو د غلو او غاصبینو ډلې د غچ اخیستونکو اقداماتو سره ډله ییزو تښتونو په بڼه تاوان اخلي.

د ۲۰۲۰میلادي کال په ډسمبر کې، غلو له ګاونډ سیمې څخه د پیغمبر (ص) د میلاد له لمانځلو وروسته د قران کریم د تدریس له یوه ښوونځي څخه اتیا زدکوونکي وتښتول.

د سيمې اوسېدونکو او پوليسو له څه مودې وروسته وتوانېدل چې هغوى وژغوري.

غلا او انسان تښتونه هغه ننګونې دي چې د نایجیریا د ولسمشر بولا تینوبو حکومت ورسره مخ دی. هغه د مې په میاشت کې واک ته ورسید.

د نایجیریا ولسمشر په دې هېواد کې د ناامنیو د ختمولو په ژمنې سره ټاکل شوی دی.

په اروپا کې د دودیزو وسله والو ځواکونو معاهده د برلین دیوال له ړنګیدو یو کال وروسته په ۱۹۹۰ کې لاسلیک شوه، چې په هغه وخت کې یې د ناټو او ورشو یا وارسا تړون هېوادونو تر منځ د پوځي توازن او تعادل ساتلو لپاره محدودیتونه وټاکل.
دا تړون د سړې جګړې د دواړو خواوو لپاره و چې د یو بل په مقابل کې ځواکونه لښکر نه کړي او پر مقابل لوري د ناڅاپي برید مخه ونیسي.

روسیې په ۲۰۰۷میلادي کال کې په دغه تړون کې خپل ګډون وځنډاوه او په ۲۰۱۵میلادي کال کې خپل فعال ګډون په دې تړون کې ختم کړ.

پر اوکراین د روسیې له پراخ یرغل شاوخوا یو کال وروسته د روسیې ولسمشر ولادیمیر پوتین د مې په میاشت کې د یوه فرمان په لاسلیکولو سره پر دغه تړون نیوکه وکړه.

د روسیې د بهرنیو چارو وزارت اعلان وکړ چې هېواد یې تیره شپه په رسمي توګه له دې تړون څخه ووت او دا تړون اوس "تاریخ ته سپارل شوی."

د روسیې د بهرنیو چارو وزارت وویل: «په اروپا کې د دودیزو وسله والو ځواکونو تړون، د سړې جګړې په پای کې وشو، کله چې د همکارۍ پر بنسټ د نوې اروپا او نړیوال امنیتي جوړښت رامنځته کول ممکن ښکاریدل او مناسبې هڅې هم وشوې».

دغه وزارت زیاته کړه چې د ناټو د پراخولو لپاره د امریکا اقدامات د دې تړون د "ښکاره سرغړونې" لامل شوي او په دې پوځي اتحاد کې د فنلنډ او سویډن د غوښتنې منل د دغه تړون د "مرګ" په معنا دي.