په متحده عربي اماراتو کې د افغانستان سفارت د پاسپورټونو د وېش لړۍ پیل کړه
په متحده عربي اماراتو کې د طالبانو تر واک لاندې د افغانستان سفارت د یوې خبرپاڼې په خپرولو سره ویلي، چې افغانانو ته یې د پاسپورټونو د ورکولو لړۍ پیل کړې ده.
په متحده عربي اماراتو کې د طالبانو تر واک لاندې د افغانستان سفارت د یوې خبرپاڼې په خپرولو سره ویلي، چې افغانانو ته یې د پاسپورټونو د ورکولو لړۍ پیل کړې ده.
د خبرپاڼې له مخې، په ابوظبي کې د افغانستان قونسلګرۍ د سه شنبې په ورځ (د لړم په ۱۶مه) د پاسپورټونو وېش پیل کړی دی.
د طالبانو د بهرنیو چارو وزارت عبدالرحمن فدا په دوبۍ کې د افغانستان د کونسلګرۍ د مشر او بدرالدین حقاني په ابوظبي کې د افغانستان د سفارت د مشر په توګه ټاکلی دی.
افغانستان له متحده عربي اماراتو سره پراخې سوداګریزې اړیکې لري.
د افغانستان پخوانی ولسمشر محمد اشرف غني هم په متحده عربي امارتو کې اوسېږي.
تر دې مهاله هیڅ هېواد طالبان په رسمیت نه دي پېژندلي.
