صالح: طالبان نه غواړي له لویدیځو هیوادونو ۴۰ میلیون ډالر مرستې له لاسه ورکړي
د پخواني ولسمشر محمد اشرف غني لومړی مرستیال امرالله صالح وایي، طالبانو د امریکا له وېرې د اسراییل د جنایتونو پر ضد هر ډول لاریونونه منع کړي دي.
د پخواني ولسمشر محمد اشرف غني لومړی مرستیال امرالله صالح وایي، طالبانو د امریکا له وېرې د اسراییل د جنایتونو پر ضد هر ډول لاریونونه منع کړي دي.
امرالله صالح د دوشنبې په ورځ د (لړم ۱۵ مه) په خپله اېکس پاڼه د دغه مطلب په څرګندولو سره ویلي چې، طالبان هره اوونۍ له لویدیځو هېوادونو د ۴۰ میلیونو ډالرو د ترلاسه کولو د دوام له پاره د اسراییل پر ضد په لاریونونو، د نظر په څرګندولو او له فلسطین څخه د ملاتړ اعلانول منع کړي دي.
صالح همداراز د موساد د هغو دوو «جاسوسانو» د نيولو خبره دروغ ګڼي چې وايي پر ایران یې د برید پلان درلود او ټينګار کوي چې «که طالبان ریښتیا وایي نو د دغو اسرایيلي جاسوسانو هويت دې څرګند کړي.»
تر دې مخکې داسې خبرونه خپاره شوي و چې طالبانو له ایران سره په پوله کې د موساد دوه جاسوسان نیولي دي.
نوموړی وایي: «کله مو فکر کړی چې حقاني مدرسه به څه ډول ځای وي چې پکې دا ډول فتنې روزل کیږي، د کابلیانو په اصطلاح دا ملایي چل دی، ښکاره به شي چې دا دوه بدبخته د موساد روزل شوي کسان به څوک وي، چې د مهارت کچه یې د حقاني مدرسې تر فارغانو او د آی ایس آی له روزل شویو کسانو څخه هم ټیټه ده، آیا دوی به رسنیز شي؟»
