اسراییل د غزې په سوېل کې د خان یونس له څلور لکو اوسېدونکو وغوښتل چې له دغه ښاره ووځي

د حماس د رسنیز دفتر د اطلاعاتو له مخې لږ تر لږه ۲۰۰ تنه ډاکتران، روغتیا پالان او مرستندویان هم په غزه کې وژل شوي دي.

دغه دفتر دا رنګه ویلي، ۲۵۵ ښوونځي، ۷۶ جوماتونه او ۹۵ دولتي ودانۍ په غزه کې د اسراییل په بریدونو کې ویجاړې شوې دي.

حماس دا رنګه زیاته کړې د ۲۵ روغتونونو او ۵۲ روغتیايي مرکزونو چارې په ټپه درېدلې او ۵۵ امبولانسونه هم په هوايي بریدونو کې په نښه شوي دي.

اسراییلو پر حماس بیا تور پورې کړی چې له روغتونو ځینې د پوځي موخو له پاره کار اخلي. حماس ډلې دغه تورونه رد کړي، او له نړۍ والو بنسټونو یې غوښتنه کړې چې مسلکي ډلې ورواستوي او په غزه کې د روغتونونو حخه لیدنه وکړي.

پر اسراییل د حماس په برید کې چې د تلې میاشت په ۱۵ مې نېټې وشو ۱۲۰۰ اسراییلیان په کې وژل شوي وو، او شاوخوا ۲۴۰ تنه د حماس ډلې له خوا یرغمل شوي وو.

دغه وزارت د جمعې په ورځ (د لړم په ٢٦مه) په يوې بیانیه کې ليکلي؛ طالبان په رسميت نه پېژني او جرمني ته د دغه طالب چارواکي د سفر په اړه معلومات نه دي ورکړل شوي.
په بیانیه کې راغلي، تر هغه چې طالبان په افغانستان کې په ښکاره له بشري حقونو په ځانګړې توګه د ښځو او نجونو له حقونو سرغړونه کوي، د جرمني هېواد اړیکي به د طالبانو له رژیم سره نورمال نه شي.

د جرمني دا غبرګون د طالبانو د خوړو او درملو د ملي ادارې مشر عبدالباري عمر د وینا په هکله دی.

نوموړي د جرمني په کولن ښار کې د افغانانو یوې ډلې ته په وینا کې د طالبانو له حکومته دفاع وکړه او ویې ویل، چې خلک باید رسنیو ته له پام کولو پرته د طالبانو د لاسته راوړنو په اړه ریښتیا ته پام وکړي.

دغه طالب چارواکي په دې غونډه کې وويل، چې د طالبانو د مشر ټول فرمانونه په بشپړ ډول پلې کېږي او د دې ډلې په حکومت کې هېڅوک پرې اعتراض نه کوي.

د هغې ویډیو له مخې چې دغه طالب چارواکي په اېکس پاڼه خپره کړې، د عبدالباري عمر دا خبرې د ګډونوالو له هرکلي سره مخامخ شوې او ځینو یې د الله اکبر نارې هم پورته کړې.

د طالبانو د خوړو او درملو د ملي ادارې له سرپرست سره د افغانانو د دغې غونډې د ترسره کېدو وخت روښانه نه دی.

دغو نیوکو ته په پام د واکمن ګوند د پالیسۍ مشر وايي، د څارویو د حقونو په هکله د پوهاوي زیاتېدو په هدف دوی دغه ګام سره یو پخوانی دود ختمول غواړي.

یو اییو ډانګ له حکومتي چارواکو او د څارویو د حقونو فعالانو سره په خبرو کې ویلي، د دې وخت را رسېدلي چې ځانګړي قانون جوړولو سره د سپي غوښې پر خوړلو بندیز ولګوو او په دې برخه کې ټولنیزې ناندرۍ او مخالفتونه ختم کړو.

نوموړی وايي، حکومت سږ کال په دې برخه کې قانون جوړوي او تمه ده چې پارلمان کې په تصویب سره د سپي پر غوښه بندیز ولګېږي.

که څه هم سوېلي کوریا کې د سپې پر غوښه د ژوو د حقونو له امله بندیز لګېږي، خو په ۲۰۲۰ کال کې د کورونا له پیلېدو وروسته د چین او هند په ځینې سیمو کې د سپي پر غوښه بندیز ولګېد.

ترکي رسنیو راپور ورکړی، چې د شمالي ساحل د ساتونکو قوماندانۍ دغه کډوال ژغورلي او په ایواجیک کې یې توقیف ځای ته سپارلي دي.

دغه پناه غوښتونکي په دوو پلاستیکي کښتیو کې د چاناک کلا ښار سواحلو ته څېرمه په اوبو کې روان وو.

په یو بل خبر کې د ترکیې ټي ار ټي ویب پاڼې ویلي، چې د بالیکسیر ښار په ایوالیک سیمه کې ۲۴ ناقانونه کډوال نیول شوي، چې غوښتل یې په غیر قانوني توګه د یونان لسبوس ټاپو ته ولاړ شي.

دغې رسنۍ د نیول شویو کډوالو هویت نه دی په ډاګه کړی.

هغه لارې چې افغانان اروپا ته د تلو لپاره ترې استفاده کوي له ننګونو ډکې او ژوند ګواښونکي دي.

یونان د منځني ختیځ، اسیا او افریقا څخه د کډوالو لپاره یو له اصلي لارو څخه دی، چې اروپایي اتحادیې ته ننوځي.

په وروستیو کلونو کې یونان په پرله پسې ډول د نادولتي موسسو له خوا د پناه غوښتونکو د ایستلو له امله له نیوکو سره مخ شوی دی.

د برېتانیا د یوې نادولتي موسسې د راپور له مخې؛ له په ۲۰۲۲ او ۲۰۲۳ کلونو کې دغه هېواد ته د افغان کډوالو د ورتګ بهیر نېږدې څلور چنده زیات شوی دی.

د کرېکټ نړۍوال جام په دویمه نیمه پایلوبه کې نن د سوېلي افریقا ملي لوبډلې د اسټرالیا لپاره ۲۱۳ منډې هدف وټاکه.

د سوېلي افریقا او اسټرالیا دا لوبه د کوربه هند په کلکته ښار کې روانه ده.

د اسټرالیا د توپ وهنې په پاڼۍ کې یادې لوبډلې د ۷ وېکټو په سوځېدو سره په ۴۸م اور کې ټاکل شوی هدف پوره کړ.

د دې لوبې د غوره لوبغاړي جایزه ټروېس هېډ وګټله او تر ټولو چټکه پنځوسیزه وهونکی حساب شو.

د یادونې وړ ده، چې اسټرالیا به د روان نومبر په ۱۹مه نېټه له هندوستان سره پایلوبه ترسره کړي.