د افغانستان د ازادۍ جبهه وايي، چې په کابل کې یې درې طالبان وژلي دي
د افغانستان ازادۍ جبهه وايي، چې د کابل په کمپنۍ سیمه کې یې د طالبانو د تالاشۍ پر یوې پوستې برید کړی او درې طالبان یې وژلي دي.
د افغانستان ازادۍ جبهه وايي، چې د کابل په کمپنۍ سیمه کې یې د طالبانو د تالاشۍ پر یوې پوستې برید کړی او درې طالبان یې وژلي دي.
د افغانستان د ازادۍ جبهې په خواله رسنۍ اېکس کې په خپور کړي پیغام کې ویلي، چې نن دوشنبه یې د پلازمنې کابل پنځمه حوزه کې د طالبانو پر یو چک پاینټ برید کړی او درې طالب جنګیالي یې وژلي دي.
د یادې جبهې په وینا دغه برید چې د ماښام شاوخوا شپږ بجې د کابل کمپنۍ په سیمې کې شوی، دوه طالب جنګیالي هم پکې ژوبل شوي دي.
طالبانو لا د دغې برید په اړه څه نه دي ویلي.
