ولادیمیر پوتین متحده عربي اماراتو او سعودي عربستان ته ځي

د العربیه د راپور له مخې؛ تمه ده چې په دغه غونډه کې د فارس خلیج د همکارۍ د شورا د غړیو هېوادونو ترمنځ د سیاسي، امنیتي او اقتصادي ملګرتیاو او د غزې د پېښو په هکله خبرې اترې وشي.

د قطر امیر پر خپلې اېکس پاڼې لیکلي: "دا سرمشریزه په داسې حال کې ترسره کیږي، چې نړۍ او سیمه د سترو ننګونو شاهده ده چې خلیجي هېوادونه یې په حل او کمولو کې رول لوبولی شي".

د دغو دواړو هېوادونو ترمنځ ډېپلوماتیکې اړیکې په ۲۰۱۶ کال کې وروسته له هغې خړې پړې شوې، چې سعودي عربستان، بحرین، مصر او متحده عربي اماراتو پر قطر د ترهګرۍ په ملاتړ تورن کړ.

دغو هېوادونو له قطر سره د اړیکو د عادي کېدو لپاره شرطونه وضع کړل؛ خو له درې نیم کالو وروسته په ۲۰۱۹ کال کې قطر د دوی د کوم شرط له پلي کېدو پرته شهزاده محمد بن سلمان د قطر امیر ته ښه راغلاست ووایه او د کورونا ویروس د خپرېدو سره - سره یې هغه په غیږ ونیو.

د دې امريکایي ورځپاڼي د راپور له مخي؛ د اسرایيل پوځ د نومبر مياشتې په نيمايي کې د الشطي کډوالو کمپ شمال ته په يو کيلومترۍ کې د اوبو پنځه پمپ کولو وسایل ځای پر ځای کړي.

د دې وسیلو د ځای پر ځای کولو سره د اسرایيل پوځ کولی شي په هر ساعت کې زرګونه متر مکعب اوبه پمپ کړي او په څو اونیو کې تونلونه له اوبو ډک کړي.

خو دا څرګنده نه ده، چې ايا اسراییل به د ټولو یرغمل شویو بندیانو له خوشې کولو مخکې دغه پرېکړه عملي کړي که نه.

حماس تر دې مخکې ویلي وو، چې یرغمل شوي کسان یې په ((خوندي ځایونو او تونلونو)) کې پټ کړي دي.

د چاپېریال ساتنې کارپوهانو د دې ويجاړي په کولو ترځمکې لاندې اوبو او کرنیزو ځمکو د زیان په اړه اندېښنه څرګنده کړې.

د اسراییل پوځ اعلان کړی، چې د جبالیا په سیمه کې یې په عملیاتو کې د حماس وسله والو یو شمېر راکټونه او نورې وسلې نیولې دي.

د اسراییل پوځ وایي؛ په دغه سیمه کې یې د حماس د عامه امنیت مرکز په نښه کړی دی.

د غزې په سوېل کې اوسېدونکو او خبريالانو ويلي، چې د اسراييل په ګڼ مېشته ساحلي سيمه کې د اسراييل په هوايي بريدونو کې هغه سيمې هم شاملې دي، چې اسراييل خلکو ته د پناه ورکولو خبره کړې وه.

اسراییل د نومبر په میاشت کې د غزې د شمال له نیمایي ډېره برخه ونیوله او وروسته له هغې چې د جمعې په ورځ د یوې اونۍ اوږد اوربند پای ته ورسید، دوی په چټکۍ سره د سویل نیمایي سیمو پورې نفوذ کړی دی.

په همدې حال کې د اسلامي جهاد ډلې چې د حماس متحده ډله ده، ویلي چې د دوی جنګیالي د غزې د جنوبي ښار خان یونس په شمال او ختیځ کې له اسراییلي ځواکونو سره په سختو جګړو بوخت دي.

اسراییل د سې شنبې په ورځ اعلان وکړ، چې د دوشنبې په ورځ په غزه کې د دوی درې سرتیري وژل شوي دي. د پوځ د ځمکنیو عملیاتو له پیل راهیسې په غزه کې ۷۸ اسراییلي پوځیان وژل شوي دي.

له بلې خوا د غزې په تړانګه د اسراييل د وژونکو بريدونو په اتو اونيو کې د سيمې روغتيايي چارواکو ويلي دي، چې لږ تر لږه ۱۵۸۹۹ فلسطينيان وژل شوي چې ۷۰ سلنه يې ښځې او ماشومان دي.

جاپان هېواد د افغانستان سره تازه د ۵۸،۴ ميلیونو ډالرو د اضافي مرستي اعلان کړی.

د افغانستان لپاره د جاپان سفارت پر خپله ايکس پاڼه دغه مرسته اعلان کړې او ليکلي یې دي، چې دا به د افغانانو د ځان بسيا کېدو او د لومړنيو اړتیاو د پوره کولو لپاره وي.

مخکني ولسمشر کرزي نن سې شنبه (د ليندۍ ۱۴ مه) پر خپله ايکس پاڼه د افغانستان لپاره د جاپان سفارت د دې مرستې هرکلی کړی او دا یې د بشردوستانه مرستو د لړيو دوام بللی.

نوموړي هيله څرګنده کړې او د مرستو د دوام د ټينګار سره یې ليکلي:"دغه مرسته دافغانستان د خلکو د ښېګڼې او د بچيانو (نجونو او هلکانو) د ښې روزني او تعليم لپاره باید مصرف شي".

د افغانستان لپاره د جاپان سفارت وایي، چې دا مرسته به د ملګرو ملتونو، نړۍوالو مرسته کونکو ادارو او د جاپان د غيري دولتي ټولنو له لارې مصرف کړي.

د دوی د معلوماتو له مخې؛ په دې سره به د ۲۰۲۱ کال د اګسټ دمياشتي څخه د دوی د مرستو اندازه ۴۴۷ ميليونو ډالرو ته ورسيږي.

ځایي پولیس وايي، د لومړنیو راپورونو له مخې بم د سړک په منځ کې ځای پر ځای شوی و.

د پولیسو په وینا، سیمه د دوی له‌خوا کلابنده شوې او د پېښې ځای ته مرستندویه ډلې هم رسېدلې دي.

دغه جزییات وروستي نه دي.

په تېرو شپږو مياشتو کې دا دويم بريد دی، چې د ښوونځي په ماشومانو ترسره کېږي.

تر دې وړاندې په سویلي وزيرستان کې د ګومل ښوونځي په ماشومانو چاودنه شوې وه، چې پکې څلورو ماشومانو ته مرګ ژوبله اوښتې وه.