د هند لومړی وزیر مودي غواړي چې ګجرات کې باثباته مالي مرکز جوړ کړي
هند غواړي ګجرات ایالت کې یو باثباته مالي مرکز جوړ کړي چې په کاروبار به مالیه نه اخلي او د سنګاپور په شان ښارونو سره به سیالي کوي.
هند غواړي ګجرات ایالت کې یو باثباته مالي مرکز جوړ کړي چې په کاروبار به مالیه نه اخلي او د سنګاپور په شان ښارونو سره به سیالي کوي.
د رویټرز خبري اژانس د رپوټ له مخې، نریندرا مودي په دې کار سره غواړي د هندوستان د اړتیا وړ لس ملیارده ډالره پانګونې تمویل کړي او په دې توګه تر ۲۰۷۰ کال پورې د دغه هیواد موخه چې د کاربن د تولید کچې صفر ته راټیټول دي، ترلاسه کړي.
د مودي په وینا دغه ښار چې د تحفې ښار یا ګیفټ سیټې په نوم به یادیږي، په هندوستان کې د کاربن د تولید د کچې په راټیټولو کې به مهم رول لوبوي.
هغه وویل چې هند غواړي د دغه ښار رول پراخ کړي ترڅو دا د نوي عصر د مالي خدماتو او ټیکنالوژۍ مرکز شي.
دلته به داسې ټکنالوژي رامنځ ته کیږي چې تر ډیره به د برق په انرژي تکیه وي او او د نړۍ سره به هم د کاربن د کچې کمولو کې مرسته وکړي.
په دغه ښار کې به په هیڅ کاروبار مالیه نه لګول کیږي او موخه یې دا ده چې د سنګاپور په شان ښارونه سره سیالي وکړي او د کاربن د کچې ټیټولو لپاره به کمپنیو ته مالي مرستې برابروي.
