له پخواني پاکستاني وکیل جمشېد دستي سره د «امنیتي کسانو زور زیاتي» ته د 'ټي ټي پي' غبرګون

دغه افغانان وايي له هغه مهاله چې په پاکستان کې پارلمان ړنګ شوی، لنډ مهاله ادارې د دوی پر وړاندې ستونزې زیاتې کړې، او د دوی انساني او د کدوالۍ حقونه یې تر پښو لاندې کړي.

د افغانستان د پوځ یو پخوانی افسر ډګروال عبدالله چې دا مهال په اسلام اباد کې ژوند کوي افغانستان انټرنشنل پښتو ته یې وویل: «کله چې په یو هېواد کې پارلمان نه وي چې د حکومت پر چارو او تګلارو نظارت وکړي، نو حکومت هم کولای شي پخپل سر داسې کارونه وکړي چې ورته نه ښايي، دا ځکه چې د څارنې او نظارت ډله نه وي. پر موږ افغانانو په دې وروستیو کې همداسې وشول، هم یې له دغه هېواده د ټولو نړیوالو قوانینو پر خلاف وویستلو او هم یې زموږ شتمنۍ راځینې یرغمل ونیولې.»

د عبدالله په څېر ګڼ نور افغان کډوال هم وايي چې په تېرو څلورو لسیزو کې له افغانانو سره په پاکستان کې دومره تاوتریخوالی نه و شوی، لکه په دې وروستیو څو میاشتو کې چې وشو. محمد نعیم چې په راولپنډۍ ښار کې هټیوال دی وايي له ځلورو لسیزو دلته اوسیږي او همدلته زیږیدلی هم دی، خو په خبره یې چې په تېرو وروستیو میاشتو کې چې هغه د افغانانو پر وړاندې د پاکستاني چارواکو کوم چلند ولید دا بیساری و، نوموړی زیاته کړه: «زه له دېرشو کلو په راولپنډۍ ښار کې دوکانداري کوم، دلته موږ د دغه ځای له خلکو سره د وروڼو په څېر ژوند تېر کړی، زموږ مړی ژوندی، ښادي او غم مو سره شریک دي، موږ او دوی سره ډېرې خپلوۍ هم کړې، خو له هغه وخته چې موقت حکومت واک ته رسیدلی داسې زور زیاتی یې له افغانانو سره پیل کړی چې په تاریخ کې یې ساری نه درلود، له دې نه داسې ښکاري چې دا حکومت سر بخوده حکومت دی او هیچا ته هم ځواب ورکونکی نه دی.»

تر دې وړاندې په پاکستان کې یو شمېر سیاستوالو او د بشري او مدني حقونو فعالانو هم د پاکستان پر لنډ مهاله ادارې تور پورې کړی و چې ګواکې له افغانانو سره د دوی پیل کړی زور زیاتی د نړیوالو قوانینو ښکاره سرغړونه ده او له حکومته یې په کلکه غوښتنه کړې وه چې له دغسې چارو دې لاس په سر شي.

په اسلام اباد کې مدني فعال احساس خټک وايي، په جمهوریت کې هر څه د پارلمان او د خلکو د منتخبو استازو له خوا کنټرولیږي، خو په موقته اداره کې بیا چې پارلمان هم نه وي، نو هر څه پخپل سر روان وي، هغه افغانستان انټرنشنل پښتو ته د خپلو خبرو په دوام زیاته کړه: «له هغه مهاله چې د افغان مهاجرینو سره دغه ظلم شروع شوی دی، موږ په وار، وار د پاکستان ادارو ته خواست کړی چې له دغه زور زیاتي نه لاس واخلي او هغه خلک دې نه تنګوی چې د بدو حالاتو په وجه دلته راکډه شوي، خو دا چې موږ پارلمان نه لاره او نور هم دلته حالات داسې راغلل لکه مارشالایي نظام نو موږ هم بې وسه پاتې شو، زه امیدوار یم که چېرته بیا منتخب حکومت راځي او پارلمان ورسره په څنګ کې وي بیا نو د دغسې خپلسریو مخه نیوله کیږي.»

له هغه مهاله چې د نومبر په میاشت کې د پاکستان لنډ مهاله ادارې د بې اسناده کدوالو د ایستلو پرېکړه وکړه هره ورځ به یې زرګونه افغانان تر نیولو ربړولو وروسته زندانونو ته استول او په ډله ییزه توګه به یې افغانستان ته لیږل چې دغه لړۍ لا هم روانه ده، خو تر ټولو ځورونکی حالت دا و چې له دغو کدوالو سره یې د هغوی شتمني هم نه پریښوده، چې دې کار د نړیوالو ادارو او د بشري حقونو د فعالانو نیوکې هم راوپارولې.

خو په ټوله کې افغان کډوالو له طالب چارواکو سر ټکاوه چې دوی له ډيپلوماټیکو لارو کار وانه خیست او نه یې هم د افغانانو د خواخوږۍ په پار داسې پلاوي اسلام اباد ته راواستول چې د خپلو خلکو د حقونو پوښتنه وکړي، هغوی یوازې د خبرپاڼو په خپرولو او تشو نارو سورو بسنه وکړه.

دمګړۍ شاوخوا ۴۵۵ زره او ۶۵۵ تنه افغانان له پاکستانه ایستل شوي او د افغانستان په بېلابېلو سیمو کې میشت شوي دي چې ډېر یې کورونه او مېنې نه لري او د ژمي سختې ورځې شپې تېروي.

د فرانسې خبري اژانس د خبر له مخې؛ په لسګونو زره کسانو د دوشنبې په ورځ په استانبول کې په غزه کې د اسراییل د «وژنو» او جګړې پر ضد لاریون کړی.

دغه لاریون په استانبول کې له ایاسوفیا جومات څخه پیل شو. مظاهره چیانو د ترکیې او فلسطین بېرغونه په لاس کې نیولي وو او د باسفورس تر پله پورې یې مزل وکړ.

لاریون کوونکو «قاتل اسراییله! له فلسطینه ووځه!» او «الله اکبر» شعارونه ورکول.

د ترکیې ولسمشر رجب طیب اردوغان چې د فلسطین کلک ملاتړی دی، په پرله پسې ډول په اسراییل باندې په غزې کې د اړول شوې مرګ ژوبلې او ویجاړۍ له امله نیوکې کړې دي.

هغه اسراییل په "دولتي ترهګرۍ" تورن کړی او ویلي یې دي، چې د اسراییل لومړی وزیر بنیامین نتنیاهو له اډولف هټلر سره کوم توپیر نه لري.

حماس له خوا د اکټوبر پر اوومه پر اسراییل برید کې ۱ زرو ۱۴۰ کسان وژل شوي وو، چې ډېری یې ملکي وګړي وو،‌ په دغه برید کې ۲۵۰ کسان د حماس له لوري یرغمل شوي هم وو.

اسراییل د دغه برید د غچ اخیستو لپاره پر غزه پراخ هوايي بریدونه او وروسته بیا ځمکنی یرغل پیل کړ، چې تر اوسه پکې ۲۱ زره ۸۲۲ فلسطینیان وژل شوي دي.‌

د اسراییل پوځ وايي؛ د ځمکني یرغل راهیسې یې ۱۷۲ عسکر په غزه کې وژل شوي؛ خو د جنګ د درېدو څرک لا نه لګي.

نوموړي ویلي، چې بلوڅ ترهګر او وسله وال د بلوچستان د خلکو په وژلو کې لاس لري او دغه ډلې د هندوستان له استخباراتي سازمان "را" څخه د ډاکټرانو، وکیلانو، استادانو او نورو خلکو د وژلو لپاره مالي ملاتړ تر لاسه کوي.‌

کاکړ ویلي چې د پاکستان حکومت د بلوڅو سره په جګړه کې نه دی ښکېل او خواشیني یې څرګنده کړې، چې ځینې اړخونه داسې ښيي چې ګواکې د پاکستان دولت له بلوڅانو سره ستونزه لري.

دا لومړی ځل نه دی، چې د پاکستان یو چارواکی د بلوڅو بېلتونپالو اړیکه د هند په استخباراتي ادارې پورې تړي، له دې وړاندې هم د پاکستان د پوځ د مشرانو په ګډون د اسلام اباد یو شمېر سیاستوالو او چارواکو بلوڅ بېلتونپالي د هند له ملاتړه برخمن ګڼلي وو؛ خو هند په وار - وار دا مساله رد کړې ده.

هند نن دوشنبه (د مرغومې ۱۱مه) له پاکستانه وغوښتل تر څو د دواړو هېوادونو له خوا د ملکي بندیانو او کب نیونکو د نوملړ د تبادلې په برخه کې چې تړون یې په ۲۰۰۸ کال کې شوی و او هر کال د جنوري او جولای په لومړۍ نېټه ترسره کیږي عملي کړي.

دا په داسې حال کې ده، چې اوسمهال د هند په بندخونو کې ۳۳۷ ملکيان او ۸۱ کب نیونکي پاکستانیان بندیان دي او د پاکستان په بندخونو کې بیا ۴۷ ملکي وګړي او ۱۸۴ کب نیونکي بندیان دي.

د راپورونو پربنسټ؛ له ۲۰۱۴ کال راهیسې د پاکستان له بندخونو څخه ۲۶۳۹ کب نیوونکي او ۶۷ ملکیان خوشې شوي دي.

د یادولو ده، چې دا دواړه هېوادونه تل د یو بل کب نیونکي په غیر قانوني توګه سمندري حدودو ته د ننوتلو په تور نیسي.

د پاکستان د جمعیت علمای اسلام ګوند مشر مولانا فضل الرحمان د دوشنبې ورځ په اېکس خواله رسنۍ خپور کړي یو پیغام کې ویلي، چې هغه راتلونکې اونۍ افغانستان ته سفر کوي.‌

مولانا فضل الرحمن ویلي، چې له افغانستان څخه ورته د سفر بلنه ورکړل شوې وه؛ خو په پاکستان کې د ټاکنیزو ماحول له امله یې دغه سفر ژر ترسره نه شو کړی.‌

نوموړي ویلي، چې د پاکستان او افغانستان فرهنګ، مینه او اسلامي روابط یو شان دي‌ او زیاته کړې یې ده:‌ “مونږ یو ډول یو، د دواړو هېوادونو تر منځ شته بې اعتمادي باید ختمه شي.”

کابل ته د پاکستان د جمعیت علمای اسلام د مشر مولانا فضل الرحمان د بلنې له خبر وروسته د طالبانو ویاند ذبیح الله مجاهد هم دغه خبر تایید کړ.

د مجاهد په وينا؛ دغه پاکستانی ملا په پاکستان کې د طالبانو پر ضد د منفي تبليغاتو د مخنيوي لپاره کابل ته بلل شوى دی.

د طالبانو تر کنټرول لاندې ملي راډیو او ټلویزیون د یکشنبې په ورځ (لیندۍ ۲۶ مه ) کابل ته د پاکستان د جمعیت علمای اسلام د مشر د بلنې په هکله د ذبیح الله مجاهد د خبرو غږیز پېغام خپور کړ.

مجاهد په دغه غږیز پېغام کې ویلي، چې د طالبانو ډله د پاکستان خلکو ته د ځینو حقایقو د رسولو اراده لري او مولانا فضل الرحمان په دې برخه کې ښه رول لوبولی شي.