د مذهبي چارو وزیر: په پاکستاني پاسپورټونو او شناختي کارډونو د افغانانو حج ته تلل بند شوي

AP ۱۴۰۲ مرغومی ۱۳ ۰۹:۱۳ GMT

د پاکستان د مذهبي چارو وزیر انیق احمد وايي، افغان کډوال چې په پاکستاني پاسپورټونو حج ته تلل، د دوی ټولو شناختي کارډونه تړل شوي دي. تر دې وړاندې هم د پاکستان نادرا ادارې ویلي و، چې د افغانانو ټول شناختي کارډونه باید راټول شي او دوی به خپل هېواد ته ستانه کړای شي.

د پاکستانۍ رسنیو د راپورونو له مخې، په تېرو وروستیو کې په جعلي توګه افغانانو ته د شناختي کارډونو په جوړولو کې یوشمېر ښکېل کسان نیول شوي هم دي.

پاکستان د افغان کډوالو پر وړاندې دغه پرېکړه د اکټوبر په میاشت کې له هغه وروسته وکړه، چې دغه هېواد کې تاوتریخوالی زیات شو او د هر ترهګریز برید ګوته یې د افغانانو خواته ونیوله؛ خو طالبانو تل دغه تورونه رد کړي دي.

•

لسګونه کډوال په جبري توګه له پاکستانه اېستل شوي

AP ۱۴۰۲ مرغومی ۱۳ ۰۸:۳۹ GMT

د طالبانو د کډوالو چارو وزارت ویلي، چې د سه شنبې په ورځ ۲۹ کورنۍ په جبري توګه له پاکستانه، افغانستان ته ستنې شوې دي. د طالبانو د کډوالو او ستنېدونکو چارو وزارت پر خپله اېکس پاڼه لیکلي چې، د سه شنبې په ورځ د (مرغومي ۱۲مه) ۱۳۸ افغان کډوال له پاکستانه په جبري توګه ستانه شوي.

دغه وزارت د ننګرهار ولایت د کدوالو چارو ریاست په حواله لیکلي چې، ۲۹ کورنۍ چې د غړو شمېر یې ۱۳۸ تنه دی، په جبري توګه له پاکستانه اېستل شوي او د تورخم له لارې افغانستان ته ستانه شوي دي.
په ورستیو اونیو کې د پاکستان له لورې په جبري توګه د افغان کډوالو اېستل یو څه کم شوي.
بل خوا د طالبانو ویاند ذبیح الله مجاهد له طلوع‌نیوز سره په خبرو کې ویلي چي، د پاکستان له لورې د افغان کډوالو د اېستلو لړۍ کمه شوې.
ذبیح الله مجاهد ویلي، د پاکستان د لنډ مهالي حکومت ژمنه کړې وه چې په جبري توګه به د افغان کډوالو د اېستلو په برخه کې فشارونه کم کړي:« تر دې مهاله چې هغوی کومې ژمنې کړې دي هغه دا دي چې، نور به پر کډوالو فشار نه راوړي او د کډوالو وضعیت به نورمال ساتي او دا ژمنې دوی خپله کړي او موږ هم بیا کوم نوی فشار نه دی لیدلی.»
د پاکستان حکومت ویلي وو، چې د ۲۰۲۴ میلادي کال د لومړۍ میاشتي تر ورستیو ورځو به له پاکستانه شاوخوا یو میلیون هغه افغان کډوال بېرته افغانستان ته واستوي، چې په دغه هېواد کې د اوسېدو قانوني اسناد نه لري.

د ملګرو ملتونو پراختیايي اداره: هرات کې زلزله ځپلي د ژمي له سړې هوا څخه په وېره کې دي

AP ۱۴۰۲ مرغومی ۱۳ ۰۶:۰۱ GMT

د ملګرو ملتونو پراختیايي ادارې 'یو اېن ډي پي' پرون په خپله اېکس پاڼه لیکلي، د هرات زلزله ځپلو سره د مرستې له پاره ۲۵ مېلیونه ډالرو ته اړتیا لري چې تر ډېره به د خلکو له پاره د کورونو په جوړولو ولګول شي.

دغه اداره وايي، د ژمي په دې سړې هوا کې د زلزله ځپلو خلکو لپاره د کورونو جوړول لومړیتوب دی، ځکه دغه اداره وايي چې په هرات کې زلزله ځپلو ورته ویلي چې د دوی وېره د ساړه ژمي څخه ډېره ده، چې کېدای شي دوی ته د شوې زلزلې هومره زیان ور واړوي.

هرات ولایت د ۲۰۲۳ کال د اکټوبر په میاشت کې د څو سختو زلزلو شاهد و، چې د ملګرو ملتونو د پراختیايي ادارې د ورکړل شویو شمېرو له مخې له ۱۴۰۰ ډېر کسان مړه او یوولس زره نور ټپیان شول.

دغه اداره وايي، چې په دغو زلزلو کې شاوخوا اته زره کورونه په بشپړه توګه ويجاړ او څه باندې ١٧ زره نور هم څه نا څه تخریب شوي دي.

د امریکا سفیر او د پاکستان بهرنیو چارو وزیر، امریکا ته د افغان کډوالو پر لېږد خبرې وکړې

AP ۱۴۰۲ مرغومی ۱۳ ۰۵:۵۷ GMT

د پاکستان بهرنیو چارو وزارت د سې شنبې په ورځ وویل چې په پاکستان کې د امریکا سفیر د پاکستان بهرنیو چارو له وزیر جلیل عباس جیلاني سره په کتنه کې د افغان کډوالو په اړه خبرې وکړې.

په دې لیدنه کې ډونالډ بلوم په امریکا کې د اوسېدو په شرایطو برابرو افغان کډوالو په خوندي لېږد ټینګار وکړ.
داسې ښکاري چې دا څرګندونې له پاکستانه د افغان کډوالو د اېستلو په اړه د امریکا د پخوانیو اندېښنو په تړاو شوې دي. رویټرز خبري اژانس راپور ورکړی و چې پاکستان په دې وروستیو کې لږ تر لږه ۱۳۰ افغان وګړي چې امریکا ته د کډوالۍ د ویزو ترلاسه کولو په تمه وو، اېستلي دي.
تر دې مخکې سي‌اين‌اين په یوه راپور کې لیکلي وو چې سږ کال پاکستان لږ تر لږه ۵۳۰ هغه افغان کډوال اېستلي چې امریکا ته د لېږدېدو په تمه وو.
متحده ایالاتو پاکستان ته د هغو افغانانو نوملړ چمتو او ورسپارلی چې په امریکا کې د بیا مېشتېدنې وړ دي.
د پاکستان بهرنیو چارو وزارت د خبرپاڼې له مخې، په دې کتنه کې د دوه اړخیزو اړیکو او امریکا ته د پاکستان پوځ د مشر جنرال عاصم منیر د وروستي سفر په اړه هم خبرې وشوې.
جنرال عاصم له هغه وروسته چې د پاکستان د پوځ مشر ټاکل شوی، تېره میاشت امریکا ته په خپل لومړي رسمي سفر کې د امریکا بهرنیو چارو له وزیر، د ملي امنیت له مرستیال او د امریکا پوځ د لوی درستیز په ګډون یې له مهمو حکومتي او پوځي چارواکو سره وکتل.
په دغو ناستو کې د «د دوه اړخیزو ګټو، نړیوالو او سیمه ییزو امنیتي مسلو او اوسنیو روانو شخړو» په ګډون پر بېلابېلو مسایلو خبرې وشوې.
پاکستاني رسنیو هغه مهال راپور ورکړ چې دواړو لورو هوکړه وکړه چې «د ګډو ګټو د ترلاسه کولو لپاره د دوه اړخیزو همکاریو احتمالي لارو چارو لټولو باندې به په ګډه کار کوي.»

کابل ښاروالۍ: د کابل په بازارونو کې د نفتي توکو بیې راټیټې شوې دي

AP ۱۴۰۲ مرغومی ۱۳ ۰۵:۳۲ GMT

د کابل ښاروالۍ وايي، په تېره شاوخوا یوه اونۍ کې د نفتي توکو بیې رالوېدلې دي. دغه اداره د بیو د دغه ټيټوالي لاملونه په بهرنیو بازارونو کې د تېلو د بیو راټیټېدل، د سالنګ د لویې لارې پرانیستل کېدل او د بهرنیو اسعارو پر وړاندې د افغانیو لوړېدل په ګوته کوي.

د کابل ښار یو تن اوسېدونکي احمد شکیب افغانستان انټرنشنل پښتو ته وویل:« په تېرو څو ورځو کې د پټرولو بیه په هر لیټر کې لس افغانۍ راټیټه شوې ده، چې تېره اونۍ د یو لیټر پټرولو بیه ۷۶ افغانۍ وه؛ خو اوس دغه بیه ۶۶ افغانیو ته راښکته شوې ده.»
له دې سره د ډبرو سکاره هم په همدې کچه ارزانه شوي دي او د مایع غازو(ګازو) بیه هم په یو لیټر کې پنځه افغانۍ راټیټه شوې ده، تر دې وړاندې یو لیټر مایع غاز په ۶۵ افغانیو پلورل کېده چې نن سبا دغه بیه ۶۰ افغانیو ته ښکته شوې ده.
خو د بیو د دغې ټېټېدنې سره، سره هم یو شمېر کابل ښاریان وايي، چې دغه بیې په ټولو سیمو کې یو شان نه دي.

د دوی په وینا، لا هم په بازار کنټرول نه شته او هر کس یې د خپلې خوښې سره سم پر توکو بیې ټاکي.

دوی وايي، که چېرته د ښاروالۍ له اړخه بیې په سمه توګه کنټرول شي؛ نو د خلکو له پاره به زیاتې اسانتیاوې برابرې شي.
خو د دې ټولو سره، سره بیا هم د کابل ژمی سخت دی او خلک د وزګارۍ او تنګلاسۍ له امله د دې توان نه لری چې خپلې سړې خونې تودې وساتي، په دغه ښار کې لا هم داسې ډېر داسې کسان ژوند کوي چې د درې وختو پر ځای د یو وخت له پاره هم خواړه نه مومي.
یو شمېر کابل ښاریان وايي، د ژمي په رارسېدو سره د دغه ښار هوا زښته زیاته ککړه شوې او ښايي یوه وجه یې دا وي، چې خلک د کورونو د ګرمولو له پاره سون توکي نه شي رانیولای او پر ځای یې ربړونه، پلاستیکونه او نور څېزونه سوځوي، چې ورسره هوا زیاته ککړه شوې او خلک یې به بېلابېلو ناروغیو اخته کړي دي.

طالبانو د ۸۰ زره ډالرو په ارزښت د پنجشېر د درې زره قیراطه زمرود د پلور اعلان کړی

AP ۱۴۰۲ مرغومی ۱۳ ۰۳:۳۷ GMT

د طالبانو تر واک لاندې ملي راډیو ـ ټلویزیون د سه شنبې په ورځ اعلان وکړ چې د پنجشېر د زمرودو ۲ زره ۷۴۶ قیراطه یې په ۸۰ زره ډالر پلورلي. په پنجشېر کې د طالبانو د کانونو او پټروليم اداره وايي چې دغه زمرود د داوطلبۍ په نهم پړاو کې پر سوداګرو پلورل شوي دي.

د طالبانو د چارواکو په وینا، د داوطلبۍ په اتم پړاو کې دوه زره او ۱۱۸ قیراطه زمرود په ۱۲۳ زره ۴۰۰ ډالر وپلورل شول.
طالبانو د ۱۴۰۲ کال د زمري د میاشتې له نیمایي څخه د پنجشیر ولایت په حصه اول ولسوالۍ کې د زمرود کان کیندنه پیل کړه. طالبانو هغه مهال د افغانستان د کانونو او پټرولیم وزارت اعلان کړی و چې ۲۰۰ د زمرودو کان کارګرانو ته یې د کار جوازونه ورکړي دي.
د طالبانو د شمېرو له مخې، په پنجشېر کې د زمرود ۷۵۰ کانونه ثبت شوي او له دغه شمېر یې «۵۰۰ یې فعال دي».
واک ته د طالبانو له رسېدو وروسته له افغانستان سره بهرنۍ مرستې کمې شوې، دغې ډلې د خپلو مالي اړتیاوو د پوره کولو لپاره د دوامدار عاید د یوې سرچینې په توګه د کانونو او قیمتي ډبرو په استخراج باندې پانګونه وکړه.

•

د مذهبي چارو وزیر: په پاکستاني پاسپورټونو او شناختي کارډونو د افغانانو حج ته تلل بند شوي

د خلیل حقاني ترور؛ د ټي ټي پي په مرسته د ۳۵۰ پاکستاني پوځیانو په بدل کې خوشې شوی طالب

المرصاد: پر خلیل‌الرحمان حقاني د ځانمرګي برید امر له بلوچستان څخه ورکړل شوی و

د طالبانو فتوا: پر مسلمانانو واجب ده چې د افغانستان خاوره د چا پر ضد ونه کاروي

سرچینې: کابل کې د دیني عالمانو غونډه د ملا هبت الله په مشرۍ شوې

د هبت الله په مشرۍ د علماوو غونډې پرېکړه؛ له افغانستان نه بهر نظامي فعالیت جایز نه دی

لسګونه کډوال په جبري توګه له پاکستانه اېستل شوي

د ملګرو ملتونو پراختیايي اداره: هرات کې زلزله ځپلي د ژمي له سړې هوا څخه په وېره کې دي

د امریکا سفیر او د پاکستان بهرنیو چارو وزیر، امریکا ته د افغان کډوالو پر لېږد خبرې وکړې

کابل ښاروالۍ: د کابل په بازارونو کې د نفتي توکو بیې راټیټې شوې دي

طالبانو د ۸۰ زره ډالرو په ارزښت د پنجشېر د درې زره قیراطه زمرود د پلور اعلان کړی

ترویج لرونکی

د خلیل حقاني ترور؛ د ټي ټي پي په مرسته د ۳۵۰ پاکستاني پوځیانو په بدل کې خوشې شوی طالب

المرصاد: پر خلیل‌الرحمان حقاني د ځانمرګي برید امر له بلوچستان څخه ورکړل شوی و

د طالبانو فتوا: پر مسلمانانو واجب ده چې د افغانستان خاوره د چا پر ضد ونه کاروي

سرچینې: کابل کې د دیني عالمانو غونډه د ملا هبت الله په مشرۍ شوې

د هبت الله په مشرۍ د علماوو غونډې پرېکړه؛ له افغانستان نه بهر نظامي فعالیت جایز نه دی

لسګونه کډوال په جبري توګه له پاکستانه اېستل شوي

د ملګرو ملتونو پراختیايي اداره: هرات کې زلزله ځپلي د ژمي له سړې هوا څخه په وېره کې دي

د امریکا سفیر او د پاکستان بهرنیو چارو وزیر، امریکا ته د افغان کډوالو پر لېږد خبرې وکړې

کابل ښاروالۍ: د کابل په بازارونو کې د نفتي توکو بیې راټیټې شوې دي

طالبانو د ۸۰ زره ډالرو په ارزښت د پنجشېر د درې زره قیراطه زمرود د پلور اعلان کړی