د ملا شیرین په مشرۍ پاکستان ته تللي پلاوي پر ډېورنډ کرښه د ستونزو پر حل خبرې کړي

پولیسو ویلي، چې پېښه په داسې مهال رامنځته شوې، چې قاري خیرالله د خپلو کمپاینو منډو ترړو په لړ کې یادې سیمې ته تللی و.

د جمعیت علمای اسلام ګوند یوه غړي مولانا ناصح پر خپل ټویټر یاده پېښه تایید کړې او ویلي یې دي، چې په پېښه کې قاري خیرالله ته کوم زیان نه دی اوښتی.

دا د جمعیت علمای اسلام پر غړو په نېږدې وخت کې دویمه هدفي چاودنه ده چې کیږي.

همداراز د پاکستان پولیس وايي، داسې راپورونه ورته رسېدلي چې ښايي د دغه هېواد د جمعیت علمای اسلام ګوند مشر مولانا فضل‌الرحمان پر زوی اسد محمود وسله‌وال برید وشي.

د پاکستان ډان ورځپاڼې راپور ورکړی، چې د دېره اسماعیل‌خان پولیسو اسد محمود ته د چهارشنبې ورځ د جنورۍ په ۳مه سپارښتنه کړې چې خپلې لیدنې کتنې محدودې کړي او د ځان ساتلو له پاره باید هوښیار اوسي.
سلیم خان چې د پاکستان د پولیسو یو لوړپوړی چارواکی دی، اسد محمود ته په یوه لیک کې لیکلي:« داسې ګواښونه شته، چې وسله‌والې ډلې به هغه په سفر او یا د هغه د استوګنې پر مهال په نښه کړي.»

د پاکستان د کورنیو چارو وزارت په خپله تازه خبرپاڼه کې ټینګار کړی، چې هېواد یې د انلاین افراطیت اړوند شبکو د له منځه وړلو لپاره له سایبر سپیس څخه په فعاله توګه څارنه کوي.

په دغه اعلامیه کې ویل شوي، چې تر اوسه یې په ټولنیزو شبکو کې د افراطي، حکومت ضد او فرقه ییزو تروریستي مواردو د بندولو ۱۶۵۲۲ شکایتونه ثبت کړي دي.

د پاکستان د کورنیو چارو وزارت په خپله اعلامیه کې په ۲۰۲۲ کال کې له افراطي وسله والو سره د پاکستان د حکومت د سولې خبرې اترې د پاکستاني طالبانو د نفوذ او د بریدونو د تنظیمولو اصلي لامل بولي.

پاکستان وايي؛ سره له دې چې د پاکستان پر لوېديځه پوله د اغزن تار لګول بشپړ شوي؛ خو طالب وسله والو او د داعش غړو د پاکستان خاورې ته د ننوتو لپاره د اغزن تار ړنګولو ته دوام ورکړی دی.

له تېرو دوو کلونو راهیسې پاکستاني چارواکو ټینګار کړی، چې د دغه هېواد د حکومت او تحریک طالبان پاکستان تر منځ اوربند د ترهګرو ډلو په ګټه پای ته رسېدلی دی.

د پاکستان امنیتي چارواکي وايي؛ له افغانستانه د امریکايي ځواکونو له وتلو وروسته وسله والو ډلو په دغه هېواد کې خپل نفوذ او فعالیتونه زیات کړي دي.

پاکستاني طالبان د خېبر پښتونخوا او بلوچستان په مختلفو سیمو کې د ځانګړو عملیاتو له لارې د پاکستاني ځواکونو پر ضد بریدونه تنظیموي.

د خېبرپښتونخوا په ډېره اسماعیل خان کې د پاکستان په امنیتي ځواکونو په تازه مرګوني برید کې لږ تر لږه ۲۳ پاکستاني پوځیان وژل شوي او تر ۳۰ زیات نور ژوبل شوي دي.

د پاکستان د کورنیو چارو وزارت وايي، چې د افغان کډوالو د ناقانونه ننوتلو د مخنیوي او تنظیمولو لپاره یې د بایومتریک شناختي کارډونو په ورکولو سره د ۱.۴۵ میلیونو کډوالو په اړه معلومات راټول کړي دي.

پاکستاني چارواکو افغان طالبان د افغانستان له خاورې څخه د بریدونو د تنظیم پر وړاندې په بې کفایتۍ تورن کړي او په دغو بریدونو کې یې د افغانانو پر رول ټینګار کړی دی.

خو طالبانو بیا دا ادعاوې رد کړي او ویلي یې دي، چې د پاکستان امنیتي ادارې د خپل هېواد په امن کولو کې پاتې راغلې دي.

اج خبري شبکې د اسلام اباد د یوې محکمې په حواله ویلي، چې پر عمران خان او د هغه پر مېرمنې د هغه پخواني مېړه خاور مانیکا په تېر نومبر میاشت کې عریضه کړې او ویلي یې دي، چې مېرمن بشرا مخکې له دې چې د عدت موده بشپړه کړي له عمران خان سره نامشروع اړیکې لرلې او غیر شرعي نکاح یې کړې ده.

خبر زیاتوي، چې د بشرا بي بي پخواني خاوند ویلي، چې د اسلامي اصولو سره سم دې بشرا بي بي او پخواني لومړي وزیر عمران خان ته سزا ورکړي.

د مېرمن بشرا او پخواني لومړي وزیر عمران خان د واده پر مسالې له پیله ناندرې روانې وې او د پاکستان یو شمېر سیاستوالو دا نکاح غیرشرعي بللې وه.

دا لومړی ځل نه دی، چې پر عمران خان د غیر شرعي نکاح تور پورې کیږي بلکې له دې وړاندې هم په اسلام باد کې یو تن پر عمران خان او بشرا بي بي د غیر شرعي نکاح کولو ادعا کړې وه؛ خو له څه مودې وروسته یې له محکمې څخه خپله عریضه بېرته اخیستې وه.

له واکه له لرې کېدو وروسته پر پخواني لومړي وزیر عمران خان تور و، چې د توشه خانې یو شمېر تحفې یې په غیرقانوني توګه پلورلي او د پاکستان د حکومت قوانین یې تر پښو لاندې کړي دي.

د پاکستان د تحریک انصاف ګوند یو شمېر غړو بیا ویلي، چې پر عمران خان پورې شوي تورونه یوازې یوه سیاسي دسیسه ده او په دې سره غواړي چې د عمران خان محبوبیت د پاکستان په ولس کې کم کړي.

له دې وړاندې د پاکستان یوې محکمې نوموړی په ټاکنو کې له ګډونه منع کړی او نوموړی دا مهال په زندان کې دی.

دغه سازمان ویلي، چې دغه زلزله پر ځايي وخت ماسپښین دوه نیمې بجې د ځمکې په ۱۳۸ کیلومترۍ ژوره شوې ده.

تر اوسه د دغې زلزلې د تلفاتو او احتمالي زیانونو په اړه معلومات نه شته.

د سیمې اوسېدونکي ویلي، چې د زلزلې ټکانونه یې حس کړي دي.

د سې شنبې په شپه (د مرغومي۱۲ مه) د بدخشان مرکز فيض اباد ځيني سېمې هم د رېښتر په کچه د ۴،۴ درجې دوو زلزلو لړزولي وې.

د ملي مقاومت په نوم د طالبانو مخالفې وسلوالې جبهې د چهارشنبې په ورځ (د جدي ۱۳ مه) په یوه خبرپاڼه کې لیکلي، چې د سې شنبې په شپه ناوخته یې د بدخشان ولایت د والي پر دفتر د توغندیز برید په ترڅ کې د طالبانو د ډلې دوه غړي ټپیان کړي دي.

دغه جبهې زیاته کړه، چې په یوه بل برید کې د دې جبهې ځواکونو د سې شنبې په شپه شاوخوا ۷:۳۰ بجې د بغلان ولایت په مرکز پلخمري ښار کې د طالبانو پر یوه سراچه ډوله موټر چاودنه کړې چې په ترڅ کې یې د دغې ډلې دوه وسله وال طالبان ووژل شول او يو بل ټپي شو.

د افغانستان د ملي مقاومت جبهه وايي؛ په دغو بریدونو کې د دوی ځواکونو ته زیان نه دی اوښتی.

طالبانو تر اوسه د افغانستان د ملي مقاومت جبهې د دې ادعا په اړه غبرګون نه دی ښودلی.

د مقاومت جبهې د سې شنبې په ورځ هم په کندز کې د یوه طالب جنګیالي د وژل کېدو خبر ورکړی.

په دې وروستیو کې د ملي مقاومت جبهې خپل شپږ میاشتنی راپور خپور کړ او ادعا یې وکړه، چې په دې موده کې یې پر طالبانو ۹۰ ځله بریدونه کړي او د دغې ډلې ۱۲۸ غړي یې وژلي دي.