د بنګله دېش الراونډر شکېب الحسن د یوه مینهوال په وهلو سره جنجال راپورته کړ. په خواله رسنۍ کې خپره شوې ویډیو ښیي، چې د شکېب الحسن یو مینهوال غواړي له هغه سره سیلفي واخلي؛ خو د هغه له غوسې سره مخ کېږي او څپېړه ورکوي.
شکېب الحسن د کرېکټ په لوبغالي کې هم په غوسه کولو پیژندل شوی، د ۲۰۲۳ نړۍوال جام په لړ کې د توپ وهونکي وخت نیولو په ګډون د یو لړ پخوانیو جنجالونو سره مخامخ شوی.
دغه پېښه د رایې ورکولو په یوه مرکز کې رامنځ ته شوه، هلته چې شکېب خپله رایه کارولې وه.
د بنګله دېش لوبډلمشر د یکشنبې په ورځ په عمومي ټاکنو کې په پارلمان کې څوکۍ وګټله.
۳۶ کلن شکېب الحسن خپل سیال ته د ماګورا په لویدیځ کې د ۱۵۰۰۰۰ رایو په توپیر ماتې ورکړه.
