د پاکستان لومړي وزیر قانون پلي کوونکو ادارو ته امر کړی چې پر پولو د قاچاق مخه ونیسي

افراسیاب خټک تېره شپه افغانستان انټرنشنل ته په یو بحث کې ویلي، پاکستان د دغې لوبې په ترسره کولو سره غواړي طالبانو ته یو خپلواک دریځ ورکړي، چې د هغه په وینا په دې توګه غواړي خلک تېر باسي.

افراسیاب خټک زیاته کړه، پاکستان دغه لوبه ځکه پیل کړې چې په دې توګه غواړي په افغانستان او خیبر پښتونخوا کې د طالبانو په لاس پښتانه او بلوڅ ملتپال ووژني او له هغوی څخه غچ واخلي.
افراسیاب خټک وویل، د پاکستان د طالبانو تحریک هم د پاکستاني جنرالانو له‌خوا رامنځته شوی، روزل شوی او په وسلو سمبال شوی تحریک دی.

هغه وایي:« هغه مهال به پاکستان ویل، چې دغه تحریک د هند په ملاتړ او د افغانستان د تېر حکومت په همکارۍ رامنځته شوی، چې د افغان جمهوري نظام له پرځېدو وروسته هم پاکستان افغانستان ته د پړې ګوته نیستي؛ خو واقعیت دا دی چې نه ټي‌ټي‌پي پخوا او نه هم اوس له افغانستانه تمویلیږي، دا ټولې هغه لوبې دي چې د پاکستاني پوځیانو له‌خوا پیل شوې او په دې توګه غواړي هم په افغانستان او هم دې غاړې د پښتنو او بلوڅو بر سر خپل راج وچلوي.»
هغه په خپلو خبرو کې په سیمه کې روانه جګړه د پیل شوې سترې نړۍوالې لوبې يوه برخه یاده کړه او زیاته یې کړه، د پاکستان له بېلابېلو صوبو څخه د افغان کډوال اېستنه هم د دغې لوبې یوه برخه ده.

هغه وايي، په دې توګه نړۍوالو لوبغاړو غوښتل چې افغان کډوال په افغانستان کې د کاري فرصتونو د نشتوالي له امله اړ شي چې د ترهګرو ډلو سره یو ځای شي او په دې توګه دغه نوی ځواک د منځنۍ اسیا هېوادونو ته د سرخوږي په جوړولو سره د نړۍوالو لوبغاړو موخې ترسره کړي.

په تېره یوه لسیزه کې د پولیو د له منځه وړلو د کمپاین ۱۰۲ کارکوونکي او د هغوی ساتوونکي د سخت دریځو وسله والو په بریدونو کې وژل شوي دي.

پاکستاني طالبانو ډیورنډ کرښې ته څېرمه د سړک غاړې چاودنې مسووليت پر غاړه اخيستى، خو ويلي يې دي چې دا «په بشپړه توګه دروغ» دي چې دا بريد د پوليو واکسيناسيون له کمپاين سره تړاو درلود.

ډیلې ټیلیګراف لیکي چې په تېرو وختونو کې تحریک طالبان پاکستان د کور په کور واکسین کمپاین د پاکستان حکومت له لوري د دوی په وړاندې د جاسوسۍ دسیسه بللې وه.

د القاعدې وسله والو ته دا مفکوره یوه ترخه تجربه لري. د پاکستان حکومت ویلي، چې امریکا د پاکستان په ایبټ اباد ښار کې د اسامه بن لادن پټنځای د واکسیناتور په مرسته موندلی دی. وروسته په پاکستان کې یوې محکمې هغه واکسیناتور ته چې د اسامه بن لادن په وژلو کې یې مرسته کړې وه په اوږده بند محکوم کړ.

پاکستاني رسنیو د دوشنبې په ورځ (د مرغومي۱۸مه) خبر ورکړ چې د خیبر پښتونخوا په باجوړ ولسوالۍ کې د پولیو ضد واکسین پر کاروان په برید کې لږ تر لږه پنځه پولیس افسران وژل شوي او ۲۲ نور ټپیان شوي. چې له بریده وروسته چارواکو سملاسي په سیمه کې واکسین کول وځنډول.

د ټیلیګراف ورځپاڼې د راپور له مخې، پاکستان له څه باندې یوې لسیزې راهیسې د پولیو د له منځه وړلو په برخه کې د خلکو په ځانګړې توګه د سخت دریځو مذهبي ملایانو له شک او مخالفت سره مخامخ دی.

په افغانستان او پاکستان کې د پوليو واکسين پر وړاندې د دسيسې نظريه د دغې ناروغۍ د له منځه وړلو پر وړاندې ستر خنډ بلل شوی. داسې تورونه شته چې دا څاڅکي زیانمنونکي دي، د خنزیر له غوښې جوړ دي او یا ويل کیږي چې ان د مسلمانانو د شنډولو لپاره غربي دسیسه ده.

په کابل کې طالبانو هم یو وخت د کور په کور واکسین بندیز لګولی و او د واکسین ټیمونه یې په افغانستان کې د حکومت او بهرنیو ځواکونو په جاسوسۍ تورن کړي وو.

دغه بندیز وروسته له هغه لرې کړل شو چې طالبان په افغانستان کې واک ته ورسېدل او د روغتیا نړیوال سازمان وویل چې د دوی د واکسین ډلې اوس ټول هیواد ته لاسرسی لري.

د افغانستان د مذاکراتي ټیم پخوانی مشر معصوم ستانکزي د نجونو د تعلیم په اړه د ملا فضل الرحمان د وروستیو څرګندونو په غبرګون کې د دوشنبې په ورځ پر خواله رسنۍ اېکس لیکلي:"د مولانا شیراني صاحب په خبره: پاکستان هغه چوک دی چې کرایي ملایان، مفتیان او قاتلان ... پکې پریمانه پېدا کیږي".

ملا فضل الرحمان د دوشنبې په ورځ (د مرغومې ۱۸ مه) ویلي، چې په داسې حال کې چې پر غزه بمبارۍ کیږي‌ او هلته ۲۲ زره کسان وژل کیږي، چې ډېری یې ماشومان او ښځې دي او په داسې وضعیت کې هم خلک وايي، چې ولې په افغانستان کې نجونې ښوونځیو ته نه پرېښودل کیږي.

ښاغلي ستانکزي ملا فضل الرحمان ته د کرايي ملا خطاب کړی او ویلي یې دي: “دا کرایي ملا وایي چې په فلسطین که څه حال دی او خلک دلته د نجونو د تعلیم تشویش کوي، په دې معنا چې اسلامي امت دې نور هم ضعیفه او محتاجه پاتې شي.”

د ښاغلي شریف ګوند (د پاکستان مسلم لیګ – نواز) په داسې حال کې د فېبرورۍ د اتمې نیټې ټولټاکنو مخکښ ګوند بلل کیږي، چې د ښاغلي شریف اصلي سیال پخوانی لومړی وزیر عمران خان په زندان کې دی او د پنځو کلونو لپاره له نوماندیدو منع شوی دی.

قاضي فایز عیسی چې د قاضيانو د اوه کسیزې ډلې مشري یې کوله، په خپل حکم کې ویلي، چې د ټول بندیز "ټاکنو کې د ګډون لپاره د وګړو اساسي حق زیانمنوي".

د قاضیانو له اوه کسیزې ډلې، شپږو یې د هغه حکم د لغوه کولو لپاره مثبته رایه وکړه، چې په ۲۰۱۸ کال کې تصویب شوی و او د اساسي قانون له ځینو احکامو سره سم یې په هغو محکوم شویو سیاستوالو باندې د ټول عمر لپاره په ټاکنو کې د ګډون بندیز لګولی و.

۷۴ کلن شریف په ۲۰۱۷ کال کې د ناریښتنو کړنو په تور مجرم وپېژندل شوی وو، چې د ۲۰۱۸ کال د محکمې د حکم له مخې په ټاکنو کې د ټول عمر لپاره له ګډون منع کېدونکو کې شمېرل کېده.

پاکستانی سياستوال ملا فضل الرحمان په کابل کې د طالب مشرانو سره تر لېدونو وروسته نن دوشنبه پلان درلود، چې په کندهار کې د دې ډلې له مشر هبت الله اخوندزاده سره وويني.

په کندهار کې د طالبانو يو لوړ رتبه مشر افغانستان انټرنشنل ـ پښتو ته وويل، چې له ملا فضل الرحمان سره د دوی مشر د ليدنې کوم پلان نه لري.

نوموړي زیاته کړه: « شېخ هبت الله اخوندزاده تر دم ګړۍ د ملا فضل الرحمان سره د ملاقات کوم سکېجول نه لري.»

د افغانستان د طالبانو د بهرنيو چارو وزارت څخه هم يوې سرچينې افغانستان انټرنشنل ـ پښتو ته تایيد کړه، چې د طالبانو د مشر له دفتره يې د ملا فضل الرحمان سره د لېدنې وړاندیز رد شوی جواب تر لاسه کړ. « د بهرنيو چارو وزير اميرخان متقي د ملا هبت الله اخوندزاده دفتر ته د ملا فضل الرحمان لپاره د لېدنې وړانديز کړی و؛ خو تېره ورځ يې منفي ځواب تر لاسه کړ، چې نوموړی دې له ريیس الوزرا سره وګوري.»

د طالبانو مشر نن دوشنبه ناوخته په کندهار کې د والي ملا شيرين، خپلو مشاورينو او ځينو دیني علماو سره هم کتلي؛ خو تر اوسه د دې ليدنې اجنډا معلومه نه ده.

ډېر باور دا دی، چې د نوموړي دغه بېړنۍ ناسته هم د ملا فضل الرحمان د کتني اړوند د تصميم نیونې وه.

د پاکستان د جمعیت علمای اسلام ګوند مشر ملا فضل الرحمان د یکشنبې په ورځ (د مرغومې ۱۷ مه) نېټه د یوه پلاوي په مشري کابل ته تللی او هلته یې د طالب مشرانو تر څنګ د دې ډلې له رييس الوزرا سره هم کتلي دي.

تېره ورځ د طالبانو د بهرنيو چارو وزير د هغه سفر ته هيله مندي ښودلې وه او ويلي يې وو، چې د ملا فضل الرحمان سفر به د دواړو هېوادونو ترمنځ د رامنځته شويو ستونزو په هواري کې ګټور تمام شي.