د پاکستان سترې محکمې د پروېز مشرف د اعدام سزا د هغه له مرګ یو کال وروسته تایید کړه

د ځايي چارواکو په خبره؛ کلیم الله داوړ د صوبايي پارلمان لپاره خپلواک نوماند و.

د نوموړي مړی روغتون ته لېږدول شوی دی.

څه مهال مخکې د شمالي وزیرستان په میرانشاه کې د قامي اسمبلۍ پر پخواني غړي او د پي ډي اېم پر بنسټګر محسن داوړ هم برید شوی و.

په وژل شویو کسانو کې څلور سړي، دوه ښځې او دوه ماشومان شامل دي.
سرچینې زیاتوي چې دغې کورنۍ ته په سیمه کې د ټي ټي پي د یوه ځايي قوماندان ټيپوګل مروت له لوري پخوا ګواښونه هم شوي وو. خو تر اوسه پورې نه ده په ډاګه شوې چې ولې دغې کورنۍ ته ګواښونه شوي وو.

ځايي پولیسو د خبر تر خپرېدو یو ساعت وروسته په خپره شوې خبرپاڼه کې په دغې پېښه کې د ۱۱ کسانو د وژل کیدو خبره کړې.
خو تر اوسه پورې د ټي ټي پي وسله والې ډلې په دې اړه څه نه دي ویلي.

ټيپوګل مروت د ټي ټي پي هغه قوماندان و چې د راپورونو له مخې دوه میاشتې وړاندې په کونړ کې ووژل شو.
سرچینې زیاتوي چې د سیمې خلک قهرېدلي او په وسله والو پسې یې د غچ اخیستلو په پار وسلو ته لاس کړی.
ویل کیږي تر دغې پیښې وروسته په یاده سیمه کې د ځايي پولیسو له لوري چاڼیز عملیات روان دي.
په دې ورستيو کې دا دريم ځل دی چې د خیبر پښتونخوا په لکي مروت کې د ولسي وګړو د وژلو پېښه رامنځته کیږي.
په تېرو پنځو میاشتو کې د خیبر پښتونخوا په قبايلې سېمو وزيرستان،کرمه ایجنسۍ، بنو، میرعلي، لکي مروت، دېره اسمعیل خان، ټانک او نورو سیمو کې د وسله والو بریدونو له امله ولسي خلکو ته درنه مرګژوبله اوښتې.
سرچینې وايي، تېره ورځ د شمالي وزیرستان په میرعلي سیمه کې مخ پټو وسله والو په سیمه کې ځايي سوداګرو او د نورو سیمو کارګرانو ته ګواښ کړی چې سیمه دې پریږدي.

د افغانستان د ښځو د عدالت غوښتنې غورځنګ په افغانستان کې د طالبانو محدودیتونو ته په اشارې سره وویل، چې ښځو ته باید په ټولو برخو کې د کار اجازه ورکړل شي.

دغه حرکت اعلان وکړ، چې خپلې مبارزې ته به دوام ورکوي او د روښانتیا او حق غوښتنې لپاره به ولاړ وي او له هر فرصت څخه به د افغان ښځو د پرمختګ لپاره کار کوي.

د افغانستان د ښځو د عدالت غوښتنې غورځنګ وايي، چې افغان نجونې د ځمکې پر سر د سترو ویاړونو د ترلاسه کولو وړتیا لري.

دغه غورځنګ په هغې اعلاميه کې چې يوه کاپي يې افغانستان انټرنشنل ته لېږلې ويلي دي، چې په کويټه کې د افغان کډوالو نجونو د فوټسال د سياليو د ترسره کولو هرکلى بې ساري و.

د افغانستان د ښځو د عدالت غوښتونکو غورځنګ ټینګار کړی، چې ښځې باید د نا امیدۍ په کندې کې ونه غورځول شي او نه هم په ژوند کولو یې بندیز ولګول شي.

طالبانو د نجونو او ښځو پر زده کړو او کار بندیز سربېره پر سپورت هم بندیز لګولی دی.

د برېتانیا پخواني لومړي وزیر بوریس جانسن د روان کال په اسد کې ویلي وو، چې طالبان باید د ښځو فوټبال وګوري چې د دوی په ځواک او مهارت پوه شي.
​

د پاکستان د انټرنشنل نیوز د دوشنبې په ورځ (د جدي ۱۸مه) خبر ورکړی، چې ښاغلي کاکړ په دې غونډه کې وويل: "د هېواد په سرحدي سيمو کې د ځانګړو اقتصادي او صنعتي زونونو په جوړولو سره بايد د خلکو لپاره بديل کار برابر شي."

ویل کیږي، چې په دې غونډه کې د مالیې وزیر شمشاد اختر، د بلوچستان او خېبر پښتونخوا ایالتونو چارواکو هم ګډون درلود.

ښاغلي کاکړ په دې غونډه کې ټینګار وکړ، چې د دغه هېواد څو نفوذي کسان د مالونو له قاچاق څخه ګټه پورته کوي.

هغه وويل: "د پاکستان موقت حکومت به د خپلې دورې تر پايه پورې د مالونو د قاچاق د ختمولو لپاره خپلو اقداماتو ته دوام ورکړي."

په دې برخه کې ښاغلي کاکړ د ملي لوجستیک شرکت ته امر وکړ، چې د چمن په پوله کې د سکینر او معاینې د سیستم پروژې ته لومړیتوب ورکړي او بشپړه یې کړي.

افراسیاب خټک تېره شپه افغانستان انټرنشنل ته په یو بحث کې ویلي، پاکستان د دغې لوبې په ترسره کولو سره غواړي طالبانو ته یو خپلواک دریځ ورکړي، چې د هغه په وینا په دې توګه غواړي خلک تېر باسي.

افراسیاب خټک زیاته کړه، پاکستان دغه لوبه ځکه پیل کړې چې په دې توګه غواړي په افغانستان او خیبر پښتونخوا کې د طالبانو په لاس پښتانه او بلوڅ ملتپال ووژني او له هغوی څخه غچ واخلي.
افراسیاب خټک وویل، د پاکستان د طالبانو تحریک هم د پاکستاني جنرالانو له‌خوا رامنځته شوی، روزل شوی او په وسلو سمبال شوی تحریک دی.

هغه وایي:« هغه مهال به پاکستان ویل، چې دغه تحریک د هند په ملاتړ او د افغانستان د تېر حکومت په همکارۍ رامنځته شوی، چې د افغان جمهوري نظام له پرځېدو وروسته هم پاکستان افغانستان ته د پړې ګوته نیستي؛ خو واقعیت دا دی چې نه ټي‌ټي‌پي پخوا او نه هم اوس له افغانستانه تمویلیږي، دا ټولې هغه لوبې دي چې د پاکستاني پوځیانو له‌خوا پیل شوې او په دې توګه غواړي هم په افغانستان او هم دې غاړې د پښتنو او بلوڅو بر سر خپل راج وچلوي.»
هغه په خپلو خبرو کې په سیمه کې روانه جګړه د پیل شوې سترې نړۍوالې لوبې يوه برخه یاده کړه او زیاته یې کړه، د پاکستان له بېلابېلو صوبو څخه د افغان کډوال اېستنه هم د دغې لوبې یوه برخه ده.

هغه وايي، په دې توګه نړۍوالو لوبغاړو غوښتل چې افغان کډوال په افغانستان کې د کاري فرصتونو د نشتوالي له امله اړ شي چې د ترهګرو ډلو سره یو ځای شي او په دې توګه دغه نوی ځواک د منځنۍ اسیا هېوادونو ته د سرخوږي په جوړولو سره د نړۍوالو لوبغاړو موخې ترسره کړي.