اسراییل د هاګ په نړیواله محکمه کې په غزه کې د نسل وژنې تور رد کړ
اسراییل د جمعې په ورځ د هاګ په نړیواله محکمه کې د سویلي افریقا له لوري په غزه کې د نسل وژنې تورونه رد کړل او له محکمې یې وغوښتل چې په غزه کې د پوځي عملیاتو د بندولو غوښتنه ونه مني.
اسراییل د جمعې په ورځ د هاګ په نړیواله محکمه کې د سویلي افریقا له لوري په غزه کې د نسل وژنې تورونه رد کړل او له محکمې یې وغوښتل چې په غزه کې د پوځي عملیاتو د بندولو غوښتنه ونه مني.
سويلي افریقا اسراییل د فلسطینیانو په نسل وژنې تورن کړی او په غزې کې یې سمدستي د جګړې د پای ته رسولو غوښتنه کړې.
سویلي افریقا د پنجشنبې په ورځ، په هاګ کې د جرمونو نړیوالې محکمې ته د اسراییل پر وړاندې د شکایت کولو پر مهال، وویل چې د اسراییل هوایي او ځمکني عملیات چې د فلسطین د روغتیایی چارواکو په وینا تر اوسه یې څه باندې ۲۳ زره کسان وژلي، « په غزه کې د اوسیدونکو خلکو د له منځه وړلو په موخه» ترسره کیږي.
خو د اسرایلو د بهرنیو چارو د وزارت حقوقي سلاکار تال بیکر محکمې ته ویلي چې په غزه کې د کیدونکو پيښو په اړه د سویلي افریقا تفسیر په پراخه کچه تحریف شوی دی.
بل خوا دغه اسراييلي چارواكی حماس د اسراييلو پر نسل وژنې تورنوي.
د 1948 د نسل وژنې په کنوانسیون کې، نسل وژنه د هغه عمل په توګه تعریف شوې چې "د یوې ملي، نژادي، یا مذهبي ډلې په بشپړه یا یوه برخه یې له منځه یوړل شي".
د اکټوبر په اوومه د حماس له خوا د اسراييلو پر جنوبي سيمو له ناڅاپي بريد وروسته، چې په ترڅ کې يې ١٢٠٠ کسان ووژل شول او ٢٤٠ تنه د حماس له خوا يرغمل شول، اسراييل په غزه کې د دغې ډلې د ځپلو لپاره پراخ عمليات پيل کړل.
د اسراییلو د عملیاتو له پیل راهیسې د غزې شاوخوا ۲،۳ میلیونه اوسیدونکي د خپلو کورونو پریښودو ته اړ شوي دي.
