د پیسو نړیوال صندوق پاکستان ته د ۷۰۰ میلیونه ډالرو پور تصویب کړ

کمزوری ښاري پلان او کمزورې ودانۍ د دې سبب شوې چې د افریقا ځینې هېوادونو کې له باران وروسته سېلاب ډېر ورانی وکړي او اقلیمي بدلون سره دا تاوان نور هم زیات شوی دی.

تېره چارشنبه کانګو سیند د سمندر له کچې ۶.۲۰ مترو ته پورته شو. تر دې مخکې پر ۱۹۶۱ کال دا سیند ۶.۲۶ مترو ته رسېدلی و.

ځايي چارواکي وايي ښايي سیند نور هم جګ شي او په همدې وجه خلکو ته هرومرو پکار دي چې له شاوخوا سیمو ووځي.

د دې سیند له امله پر ۳۰۰ ډېرو کسانو مړه کېدو سربېره تر درېو لکو کورونه زیانمن شوي ، لسګونه زره نور له منځه تللي دي.

په کانګو جمهوریت کې هم دغه سیند د پلازمېنې په ګډون شپږو سیمو کې ۱۷ کسان مړه کړي او تر شپېتو زرو کورونه یې زیانمن کړي دي.

د پاکستان د ترهګرۍ ضد ادارې د ځانګړو عملیاتو مشر نجم الحسنین د جمعې په ورځ رسنیو ته وویل، چې دا کسان یې د پېښور په متنو کې نیولي دي.

د نوموړي په خبره، دا وسلوال د داعش غړي دي او پر مولانا فضل رحمان او ایمل ولي خان یې د برید پلان درلود.

د پاکستان امنیتی چارواکي وايي، دې دوو کسانو هم منلې ده چې پر دغو مشرانو یې د برید پلان درلود.

د پاکستان د ټولټاکنو په درشل کې پر امنیتي ځواکونو سربېره د ټاکنو پر نوماندانو او غونډو یې هم بریدونه ډېر شوي دي.

درې ورځې مخکې په شمالي وزیرستان کې هم د صوبايي اسمبلۍ لپاره یو خپلواک نوماند کلیم الله داوړ په وسلوال برید کې ووژل شو.

د پاکستان دولتي رادیو د راپور له مخې، نوموړي خپلو خبرو کې هغو سرتېرو ته درناوی وړاندې کړ چې پاکستان کې د امن لپاره وژل کېږي.

تر دې مخکې د پاکستان پخواني سرپرست کورنیو چارو وزیر هم هند د بلوچستان صوبې په ناامنۍ کې ښکېل بللی و.

سرفراز بګټي د بلوچستان په مستونګ کې د تېر سپټمبر پر ۲۹ له ځانمرګي برید ورووسته چې ۵۹ کسان پکې ووژل او تر ۶۰ ډېر ټپیان شول هند د ترهګرۍ مور وباله.

هغه زیاته کړه: «بلوچستان کې د ترهګرۍ پېښو کې د هند استخباراتي اداره را لاس لري، چې د ترهګرۍ د پلانوونکو، اسانچارو او ترهګرو مور ده.»

په مقابل کې د هند چارواکي پر پاکستان تور پورې کوي چې په خپله خاوره کې یې د نوي ډېلي ضد وسلوالو ته پنا ور کړې ده.

ټي ټي پي په یوې اعلامیه کې چې د پنجشنبې په ورځ یې خپره کړې که څه هم د پاکستان د بهرنیو چارو وزارت یې مخاطب کړی دی؛ خو د وینا پاڼې په یوه برخه کې يې خبرداری ورکړی، چې د مذاکراتو په نوم به هېڅ چل ته غاړه کېنږدي او نه د کوم شېخ او مولانا خبرو ته ارزښت ورکوي.

ظاهراً له مولانا څخه د ټي ټي پي موخه مولانا فضل الرحمان دی.

‏اعلامیه کې ویل شوي: « مونږ د مذاکراتو په نوم د حکومت له لوبې او چل بازۍ خبر یوو. د دې کار لپاره د کوم سیاستوال، صوفي، شېخ او مولانا په خبرو نه غولېږو او نه هم د چا د رایې لپاره خپل ماموریت پرېږدو.»

‏دا په داسې حال کې ده، چې پاکستانۍ اکسپرېس ټربیون ورځپاڼې د خپلو سرچینو په حواله خبر ورکړ، چې مولانا فضل الرحمن او د طالبانو ډلې مشر ملا هبت الله اخندزاده په دې خبرې کړي، چې څنګه کېدای شي د پاکستان را روانې ټاکنې په سوله ییز ډول ترسره، د پاکستان دولت او ټي ټي پي تر منځ نږدې راتلونکي کې اعلان شوي یا نا اعلان شوي اوربند ته زمینه مساعده شي.

‏په همدې حال کې د پاکستان د بهرنیو چارو وزارت ویاندې نن پنجشنبه یوي خبرې غونډې ته په وینا کې افغان طالبان یو ځل بیا تورن کړل، چې ټي ټي پي ته یې په خپله خاوره کې ځای ورکړی او له هغه ځایه پر پاکستاني ځواکونو بریدونه کوي.

‏خو تحریک طالبان پاکستاني په خپلې تازه خپرې کړې اعلامیه کې دغه تور رد او ویلي یې دي، « مونږ مخکې هم وضاحت ورکړی او یو ځل بیا ټینګار کوو، چې خپله مبارزه مو له خپلې خاورې جاري ساتلې ده. تېر کال کې پر پاکستانیو ځواکونو ۹۰۰ بریدونه ددې خبرې ثبوت دی او دا ښکاره کوي، چې پاکستاني عوام زمونږ ملاتړي دي.»

‏ټي ټي پي همدا راز د پاکستان پر حکومت تور پورې کړی، چې له مذاکراتو په شا کېږي او په دې برخه کې هېڅ ژمنتیا نه لري.

‏دوی وایي، مونږ به تر هغې خپلې مبارزې ته دوام ورکړو، تر څو چې په پاکستان کې اسلامي نظام نه وي تطبیق شوی.

د ایران د کورنیو چارو وزارت د مطبوعاتي اعلامیې له مخې؛ د دغه برید اصلي طرح کوونکی تاجک تبعه عبدالله تاجکي دی، چې له یوې مېرمنې او ماشوم سره په ناقانونه توګه د هېواد له جنوبي پولې کرمان ولایت ته داخل شوی دی.

همداراز عبدالله تاجکی د بم جوړولو ماهر هم دی او له برید دوه ورځې وړاندې له هېواده وتلی و.

مطبوعاتي اعلامیه د دوو ځانمرګو برید کونکو څخه د یوه کس هویت په ډاګه کړی.

تاجک تبعه ۲۴ کلن بازروف (بوزروف) د ټیلیګرام له لارې له داعش (اسلامي دولت) سره په تماس کې شو، چې د ترکیې څخه افغانستان ته لاړ او له افغانستان څخه په ناقانونه توګه ایران ته داخل شو.

هغه کله چې افغانستان ته لاړ بدخشان کې مېشت شو، چیرته چې د داعش له (ISKP) څانګې سره یوځای شو. داعش هغه د سراوان ښار له لارې ایران ته واستاوه. له هغه وروسته د کرمان ښار کې مېشت شو او د برید لپاره په تمه و. د دویم بریدګر هویت لا نه دی معلوم.

خو د ایران په کرمان، سیستان بلوچستان، خراسان رضوي، اصفهان، تهران او لوېدیځ اذربایجان په ګډون د هېواد په څو ولایتونو کې د دغه برید په تړاو ۳۵ کسان هم نیول شوي دي.

د ایران د کورنیو چارو وزارت ویلي، چې په دې وروستیو کې په مشهد ښار کې د یوه بل ځانمرګي برید مخه نیول شوې ده.