څلورو کډوالو د مانش (انګلیش) کانال څخه د تېرېدو په هڅه کې خپل ژوند بایللی

د رویټر د راپور له مخې؛ ښايي دا ګام د نوي ډېلي او مالدیف اړیکي خراب کړي.

د هند نږدې اتیا سرتېري په مالدیف کې دي، چې دغه هېواد ته د ور کړل شویو تجهیزاتو ملاتړ برابر او په سیمه کې د انساني چارو لپاره مرسته برابره کړي.

د مالدیف ولسمشر نن د دغه هېواد بهرنیو چارو وزارت کې د هندي پلاوي سره لیدنه کې غوښته وکړه، چې خپل ځواکونه وباسي.

د مالدیف د ولسمشرۍ دفتر د پالیسۍ مشر احمد نظیم وايي؛ ولسمشر له هندي پلاوي وغوښتل چې د مارچ تر ۱۵ ټول ځواکونه وباسي.

نوموړی زیاتوي چې په دې هکله خبرې روانې دي.

مویزو د ولسمشرۍ ټاکنو په کمپاین کې هم د هند پراخ نفوذ د خپل هېواد حاکمیت ته لوی ګواښ بللی و او ژمنه یې کړې وه، چې ځواکونه به یې له خپلې خاورې وباسي.

ښاغلی نظیم هم وايي، چې د حکومت پالیسي او د ولس غوښتنه هم دا ده چې د هند ځواکونه باید و اېستل شي.

د هند بهرنیو چارو وزارت هم خپله اعلامیه کې ویلي، چې له مالدیف سره یې پر مختلفو مسالو خبرې درلودې؛ خو د پوځ اېستلو ته یې اشاره نه ده کړې.

چین ته د مالدیف د ولسمشر د تېرې اونۍ په سفر پسې بېجینګ او دغه هېواد د اړیکو پراخولو لپاره د ستراتیژیک ټولیز مشارکت سلا شول.

دې سره چین ته په دغه اسیايي هېواد کې د پراخې پانګونې زمنیه برابرېږي.

نړۍوال بانک وايي؛ مالدیف د چین ۱.۳۷ میلیارده ډالره پوروړی دی، چې د دغه هېواد د پور ۲۰ سلنه جوړوي.

نصرالله د یکشنبې په ورځ «د جنوري ۱۴» وویل، چې د امریکا یرغل په سور سمندرګي کې د سمندري تګ راتګ خوندیتوب له خطر سره مخ کوي او دغه سیمه د جګړې په ډګر بدلوي.

هغه ټینګار وکړ، چې د واشنګټن پوځي عملیات به پرته له دې چې پر اسراییلي کښتیو او اسراییل ته تلونکو بېړیو بریدونه او ګواښونه زیات کړي، بله پایله نه لري.
ښاغلي نصرالله دغه څرګندونې د حزب الله د یوه جګپوړي قوماندان وسام (جواد) الطویل د وژل کېدو د اوومې کلیزې په مناسبت په مراسمو کې وکړې.

نوموړی د لبنان په سویل کې د اسراییل په یوه هوايي برید کې وژل شوی و.

وروسته له هغې چې په سره سمندرګي کې امریکا د یوه امنیتي ایتلاف هوډ کړی، د لبنان حوثي وسلوال د دغه ایتلاف مخالفت کوي او د ایتلاف پر مشترکو اهدافو یې بریدونه پیل کړي دي.

همدا راز تېره اونۍ یو شمېر امریکايي رسنيو د یو شمېر چارواکو په حواله په امریکا کې د حزب الله د احتمالي بریدونو په اړه د اندېښنې خبر هم ورکړی و.

ايرنا خبري اژانس د يکشنبې په ورځ د ښاغلي شجاع له قوله خبر ورکړی، چې دغه کسان د پولې په صفري نقطه کې د دوغارون- اسلام کلا له لارې افغانستان ته وسپارل شول.

دغه ایراني چارواکي یو ځل بیا په ټینګار سره ویلي هغه افغانان، چې په ناقانونه توګه د دوی هېواد ته داخلېږي، بېرته به وشړل شي.

مجيد شجاع دا هم وويل، چې په تېره يوه اونۍ کې يې د تایباد په پوله کې د موټرو د پلټنې پر مهال ٢٩ قاچاق موبايلونه نيولي دي.

د دغو سمارټ تلیفونو ارزښت درې میلیارده او ۴۷۵ ریال ښودل شوی دی.

ایران خبر ورکړی، چې په تېرو ۹ میاشتو کې څه باندې پنځه لکه شل زره افغان کډوال له ایران څخه د خراسان د تايباد د دوغارون د پولې له لارې ايستل شوي دي.

د کډوالو په چارو کې د ملګرو ملتونو د عالي کمېشنرۍ د راپور له مخې په ایران کې د مېشتو وګړو شپږ سلنه افغانان جوړوي.

په دې وروستیو کې یوه ایراني چارواکي اعلان وکړ، چې د دغه هېواد په ۱۶ ولایتونو کې یې د افغان کډوالو پر حضور بندیز لګولی دی.

د ټاس خبري آژانس د خبر له مخې، د روسیې بهرنیو چارو وزارت ویاندې زیاته کړه: د تایوان په اړه د روسیې دریځ روښانه دی، ثابت او نه بدلیدونکی دی. دا د ۱۹۹۲ کال د سپتمبر په ۱۵ د روسیې د ولسمشر د فرمان له مخې مشخص شوی دی.

دغه څرګندونې په داسې حال کې شوې چې د ديموکراتيک مترقي ګوند نوماند«ويليم لاي چینګ تي» د شنبې په ورځ (د مرغومي ٢٣مه) د رايو په اکثريت سره د تايوان د نوي ولسمشر په توګه وټاکل شو.

د هغه ګوند چې په تېرو دوو دورو کې یې د ولسمشر په توګه دنده ترسره کړې، پر تایوان د چین د حاکمیت اصلي مخالف دی.

د تایوان دیموکراتیک مترقي ګوند چې دا مهال په تایوان کې واک لري، له چین څخه د ټاپووزمې په جلا کیدو ټینګار کوي او د بیجینګ دا ادعا ردوي چې تایوان د دوی د خاورې برخه ده.

د دغو ټاکنو وروستۍ پايلې چې د شنبې په ورځ ناوخته خپرې شوې، ښيي چې د تايوان د واکمن ګوند نوماند «لاي چينګ ټي» چې د ترقي غوښتونکي ډيموکراټ ګوند په توګه له چين سره د اتحاد مخالف دی، دغه ټاکنې ګټلې دي.

دغه لاریون کوونکي د نړۍ له هیوادونو څخه غوښتنه کوي چې په بلوچستان کې د بشري حقونو د خطرناکو سرغړونو د څیړلو په موخه دې هلته یو ماموریت واستوي.

د دغه لاریون مخکښې مهرنګ بلوڅ وايي: «موږ بلوڅان په بلوچستان کې له سختو حالاتو سره مخ یو، بشري سرغړونې ترسره کیږي او په سیستماټیک ډول مو نسل وژنه کیږي. مرکزي حکومت کوښښ کوي چې زموږ دغه سوله ییز غږ بند کړي، له ګواښونو او تاوتریخوالي سره مخ یو.»

دغه لاریون کوونکو وايي، غوښتنې يې څرګندې دي او په سوله ییز ډول روان دي.

دوی غواړي چې په بلوچستان کې دې بشري سرغړونې په ګوټه شي، د بلوڅانو نسل وژنه، جبري ترې‌تم کیدل او د بلوڅانو پر وړاندي پوځي عملیات دې ودرول شي او څیړنې دې پیل شي.

د بلوڅانو لاریون ۵۲ ورځې وړاندې هغه مهال پیل شو چې د بلوچستان په تربت کې د پولیسو له لوري د بالاچ بلوڅ په نوم یو ځوان د پولیسو په زندان کې د ځورولو له امله ووژل شو خو پولیسو په هغه تور پورې کړ چې له هغه سره یې چاودیدونکي توکي نیولي و.