سراج حقاني: د يهوديانو او مفسيدينو دورې تېرې شوې او اوس چا ته د نفسي ازادي حق نه ورکوو
د طالبانو د کورنيو چارو وزير سراج الدین حقاني وايي، چې په افغانستان کې د يهودو او فاسدينو دورې تېرې شوي او په همدې دورو کې ناسمو کولتورونو پايښت کړی.
د طالبانو د کورنيو چارو وزير سراج الدین حقاني وايي، چې په افغانستان کې د يهودو او فاسدينو دورې تېرې شوي او په همدې دورو کې ناسمو کولتورونو پايښت کړی.
سراج حقاني دغه څرګندونې د کابل په بګرامۍ ولسوالۍ کې د يوې ديني مدرسې څخه د ۴۰۰ طالبانو په فراغت غونډه کي وکړې.
هغه وويل، چې نظام يې خدای ته په چيغو، مقاومت، جهاد او زحمت تر لاسه کړی او دا مهال بې پروايي پکې زياته تر سترګو کېږي.
هغه وايي: « موږ دغه حالت په ډېر زحمت ترلاسه کړی؛ خو اوس وينو، چې ناشکري او بې پروايي زياتيږي په خاص ډول دغه خبره ديني عالمانو ته متوجه ده».
سراج حقاني زياته کړه، چې په هېواد کې د "یهودو او مفسيدنو" دورې تېرې شوي او «افغاني او اسلامي کولتورونه» پکې محوه شوي دي.
د نوموړي په خبره، چې اوس خلک د تېرو دورو په ډول غوښتني لري او د نفسي ازادي غوښتلو لپاره هڅې کوي.
هغه زیاته کړه: « مخکنيو دورو خپل ناسم رواج دومره عادي کړ، چې د افغانيت او اسلاميت رواجونه محوه شول، اوس خلک نفسي ازادي ګناه نه بولي او غواړي يې، موږ به یې اصلاح کوو.»
د نوموړي په خبره، چې د نفسي ازادی غوښتونکي ټول نظام ته د ناسم فکر او بې کفايته حکومت په سترګه ګوري.
نوموړي له ديني عالمانو او د مدرسو له فارغينو وغوښتل، چې د خلکو په پوهاوي او دين درسونه کې مرسته وکړي.
