د قطر د بهرنیو چارو وزیر د سویس په داووس ښار کې د نړۍوال اقتصادي فورم په څنډه کې د غزې د جګړې په اړه د نړۍوالې ټولنې پر غبرګون نیوکه وکړه او دغه غبرګونونه یې د سیمې د هېوادونو لپاره مایوسوونکی وباله.
شیخ محمد عبدالرحمان ال ثاني د سې شنبې په ورځ (د مرغومي۲۶مه) په یوه ټلویزیوني مرکه کې زیاته کړه، چې تر اوسه نړۍوالې ټولنې یوازې د اوربند او د یرغمل شویو بندیانو د خلاصون حل لارې ته پام کړی دی.
دغه قطري چارواکي ویلي؛ د فلسطین او اسراییل د دوو دولتونو د جوړېدو موضوع باید په داسې ډول حل شي، چې د دواړو هېوادونو خلک په ګډه ژوند وکړي.
د قطر د لومړي وزير په خبره؛ د غزې د جګړې پای ته رسول او د يرغمل شويو بنديانو خوشي کول د لوېديځې غاړي د مسالې په حل کولو تر لاسه کېدی شي.
د نړۍوال اقتصادي فورم ۵۴ مه ګلنۍ غونډه د «باور د بيارغولو» په شعار سره د دوشنبې په ورځ (د مرغومي په ۲۵مه) د سويس په داووس کې د څه باندې سلو هېوادونو د استازو په حضور کې پيل شوه.
