د پاکستان بهرنیو چارو وزرات خپل اېکس کې زیاتوي، په ټلیفوني خبرو کې جلیل عباس جیلاني له امیر عبداللهیان سره په امنیتي مسلو کې د نږدې همکارۍ پر اړتیا ټینګار وکړ.
د پاکستان بهرنیو چارو وزرات خپل اېکس کې زیاتوي، په ټلیفوني خبرو کې جلیل عباس جیلاني له امیر حسین عبدالهیان سره په امنیتي مسلو کې د نږدې همکارۍ پر اړتیا ټینګار وکړ.
د ایران بهرنیو چارو وزارت هم د اعلامیې خپرولو سره وايي، امیر عبدالهیان هم د ښاغلي جیلاني د دې خبرو غبرګون کې ویلي، پکار ده چې د تېر په څېر په امنیتي او نظامي برخه کې همکاري په جدیت سره تعقیب شي.
د نوموړي په خبره، د پاکستان په خاوره کې د ترهګرو د بریدونو د شنډولو او د دوی د ځالو د له منځه وړلو لپاره د تهران او اسلام اباد همکاري مهمه ده.
هغه دا هم ویلي چې د پاکستان په بلوچستان کې د جیش العدل ډلې پر مرکزونو وروستيو عملیاتو ته اشاره کړې او ویلي یې دي چې دې کار سره د سملاسي ګواښ مخه ونیول شول، ځکه دوی داسې سندونه لري چې په دې ځای کې تر پنځوسو زیات وسلوال ټول او د ایران پرضد یې عملیاتو ته تیاری نیو.
د ایران سپاه پاسداران درې ورځې مخکې د پاکستان د بلوچستان په پنجګور توغندیز برید سره وویل، چې د جیش العدل ډلې دوه مرکزونه یې په نښه کړي دي.
پاکستاني رسنیو کې یوازې د دوو ماشومو انځورونه خپاره شول او ویل کېدل چې د همدې برید قرباني دي.
که څه هم د ایران بهرنیو چارو وزیر هغه مهال ویل چې د پاکستان ځمکنۍ بشپړتیا ته درناوی لري او دا برید یې د ایراني بېلتونپالو پرضد کړی دی.
په مقابل کې پاکستان دا برید د ټولو نړیوالو اصولو خلاف وباله او ویل یې چې پایلې به یې د ایران په غاړه وي.
پاکستان د ایران له برید وروسته له تهران خپل سفیر ور وباله، اسلام اباد ته یې د ایراني سفیر د ستنېدو مخه ونیوله او له ایران سره یې ټولې ډيبلوماټیکې لیدنې وځنډولې.
د پاکستان وسلوالو ځواکونو پرون د ایران د سیستان بلوچستان پر سراوان توغندیز برید وکړ او ویې ویل بلوڅ بېلتونپال یې په نښه کړي دي.
رسنیو کې ویډیووې هم ښيي چې د پاکستان برید کې د بلوڅ کډوالو کورونه په نښه شوي او له امله یې ۷ خونې ویجاړې شوې دي.
نن د سیستان بلوچستان په مرکز زاهدان کې بلوڅانو لاریون کړی و او د ایران او پاکستان پرضد یې شعارونو ور کولو سره له دواړو وغوښتل چې د «بلوڅ توکم ډلوژنه» ودروي.
د پاکستان او ایران د بهرنیو چارو وزیرانو د غونډې په ترڅ کې د لومړي وزیر انوارالحق کاکړ په مشرۍ د ملي امنیت غونډه هم جوړه شوې چې ولسي، امنیتي او پوځي چارواکو پکې ګډون درلود.
ویل کېږي جلیل عباس جیلاني له ایراني سیال سره د خپلو خبرو جوزیات له دې غونډې سره شریک کړل.
