سوریه کې د ایران «د قدس د استخباراتو د مرستیال په ګډون» څلور پوځي مشاوران ووژل شول

د طالبانو د بهرنیو چارو وزارت نن شنبه د مرغومي په ۳۰ په يوه خبرپاڼه کې ويلي، چې امیرخان متقي د ایراني قضايي پلاوي څخه غوښتي، چې د زندانيانو ستونزو ته د رسېدو، په اعدام د محکومو افغان کډوالو لپاره د بديلو میکانیزمونو د پيدا کېدو او «حقوقي او جنايي» برخو کې دې ورسره همکاري وکړي.

د اعلامیې له مخې، طالبانو او یران په دې ناسته کې په قضايي برخو کې د همکارۍ او همږغۍ پر ژمنتيا ټينګار وکړ.

کابل ته د ایراني قضايي چارواکو دا سفر په داسې حال کې کیږي، چې د ایران قضايي څانګه د بشري حقوقو د پراخو سرغړونو له امله په نړۍ کې یو له بدنامو ادارو څخه شمیرل کیږي.

په همدې مهال ادارې زیاته کړه،چې د دې فضايي بېړۍ یوه لمریزه تخته له ستونزې سره مخ شوې.

په دې بريالي فضايي عملياتو سره جاپان د نړۍ په تاريخ کې پنځم هېواد شو، چې له امريکا، پخواني شوروي اتحاد، چين او هند وروسته يې په بريالۍ توګه سپوږمۍ ته فضايي بېړۍ واستوله.

د جاپان فضايي ادراې د معلوماتو له مخي، سليم (SLIM)د دسمبر له وروستیوراهیسې د سپوږمۍ پر مدار ګرځېده او د جاپان پر وخت نن سهار د سپوږمۍ پر سطحه کوز شو او له هغه وخت راهيسې له ځمکې سره اړيکه لري.

د دې ادارې یوه چارواکي هیتوشي کونیناکا وویل: «سلیم په داخلي بیټرۍ چلیږي او د کېناستو د مهال ترلاسه شوي معلومات په هغه کې زیرمه کیږي او موږ هڅه کوو، چې ځمکې ته د دې ډاټا په لېږلو سرهعلمي پایلې حد اکثر ته ورسوو.»

شمشاد اختر د ای پي او سرمشریزې ته وینا کې وویل، چې روان کال به دا هېواد له دوو تر دوه نیمو اقتصادي وده ولري، ځکه دوی په کرنه کې له پنځو تر شپږو او صنعت کې هم تر دوه نیم سلنې ودې تمه لري.

نوموړې زیاتوي چېد پانګونې مارکېټونهد سود لوړې کچې سره وده نه شي کولی.

د هغې په خبره، د پاکستان مرکزي بانک هم دغه حقیت منلی او دوی به د انفلاسیون کمولو لپاره د سود ټیټه کچه غوره کړي.

پاکستان په تېرو څو کلونو کې له اقتصادي ځوړ سره مخ دی او ان تېر کال یې د ډوبه کېدو خبره هم وشوه.

په دا مهال د پیسو نړیوال صندوق په مختلفو پړاوونو کې د شرطونو له مخې له دغه هېواد سره پورونه وکړل.

د پیسو نړیوال صندوق تېره اونۍ هم پاکستان ته اوه سوه میلون ډالره پور منظور کړ.

په دا مهال د پیسو نړیوال صندوق هم وايي، چې پاکستان د پیسو زېرمې زیاتولو سره تر دوه سلنې د اقتصادي پرمختګ امکان برابر کړی دی.

دغه صندوق د پاکستان په هکله خپل راپور کې زیاتوي چې دغه هېواد له ۴.۵ میلیارد څخه ۸.۲ میلیارد دالرو ته د پیسو زېرمې په رسولو سره د ۲۰۲۳ کال له جولای راهیسې اقتصاد پر سم لور روان کړی دی.

د دې راپور له مخې، پاکستان د اقتصادي ودې لپاره له جولای تر سپټمبر مهم هدفونه ترلاسه کړي دي، خو ور سره یې د انرژۍ برخه کې د سمون غوښتنه کړې ده.

پولیسو دا دعوه هم کړې، چې دغه کسان د خيبر پښتونخوا د ترهګرۍ ضد څانګې له‌خوا د پېښور په متنو سيمه کې د استخباراتي معلوماتو پر بنسټ د عملياتو په ترڅ کې نيول شوي وو، هغه ځای کې چې دوی د ځانمرګي بريد پلان درلود.
دوی وايي، دغو خانمرګو بریدګرو غوښتل چې د جمعیت علمای اسلام پر مشر مولانا فضل الرحمن او د عوامي نېشنل ګوند پر صوبايي مشر اېمل ولي خان بریدونه وکړي.

نيول شوي کسان ترهګرۍ ضد عدالت ته د اوو ورځو لپاره سپارل شوي، چې ځانګړي څارنوالان ترېنه پوښتنې ګروېږنې وکړي چې د پاکستان د قانون له مخې به له هغې وروسته د ترهګرۍ ضد محکمې ته استول کېږي او د قید او سزا موده به یې ټاکل کېږي.
د خیبر پښتونخوا د یو پولیس افسر نجم الحسنین لیاقت په وینا، نیول شوي کسان د داعش خراسان څانګې سره تړاو لري.
نوموړي په پېښور کې خبريالانو ته ويلي:« موږ د ولايت په مرکز کې د استخباراتي معلوماتو پر بنسټ په جلا، جلا عملياتو کې د دوو ځانمرګو بريدګرو په نيولو سره د ترهګرۍ يوه لويه طرحه شنډه کړه. د دوی سره دوه ځانمرګي واسکټونه، درې لاسي بمونه او تومانچې هم نیول شوي دي.»
د تېر کال د ډسمبر په ۲۹مه د کورنیو چارو وزارت خبرداری ورکړی و، چې د جمیعت علمای اسلام پر مشر او د خېبرپښتونخوا د عوامي نیشنل ګوند د مشر ژوند ته جدي ګواښونه پېښ دي؛ نو صوبايي حکومت دې له احتیاطه کار واخلي او د دواړو سیاسي مشرانو د امنیت خوندي کولو په اړه دې لازم ګامونه واخلي.
دا رنګه له دواړو سیاسی مشرانو نه غوښتنه شوې وه، چې د غونډو پر مهال دې احتیاطي تدابیر ونیسي او د غیر ضروري کارونو لپاره دې له کوره بهر د تګ راتګ نه ډډه وکړي.
په پاکستان کې د راروانو ټاکنو په درشل کې امنیتي حالات ترېنګلي شوي او د دغه هېواد امنیتي ځواکونه هم هڅه کوي، چې د یو لړ امنیتي ګامونو به اخیستلو سره د نا امنیو او وسله‌والو بریدونو مخه ونیسي.

تر دې وړاندې د دغه هېواد مشرانو جرګې هم د همدغو ترینګلیو امنیتي حالاتو له امله د ټاکنو د شا ته کېدو غوښتنه کړې وه؛ خو د ټاکنو کمیسیون وايي، چې دغه ټاکنې به په ټاکل شوې مودې ترسره کېږي.

اسراییلي پوځ ویلي، د دغه راپور په اړه پلټنې کوي.

د دې سره هم مهاله د غزې یو شمېر اوسېدونکو هم په دغې تړانګه کې د ډزو غږونه اورېدلي دي.
اسراییل وایي، خان یونس دا مهال د حماس د وسله‌والو په اصلي پټن ځای بدل شوی؛ نو له همدې امله د دغه هېواد پوځ په روانه اونۍ کې په یاده سیمه کې خپلو نویو پرمختګونو ته دوام ورکوي.
د غزې د روغتیا وزارت وايي، په تېرو څلرویشت ساعتونو کې ۱۴۲ فلسطینیان د اسراییل په بریدونو کې وژل شوي او ۲۷۸ تنه نور ټپیان شوي دي.

د دغه وزارت په وینا، له دې سره د ټولو وژل شویو شمېر ۲۴ زره ۷۶۲ تنو ته رسېدلی دی.
له دې سره هم مهاله نړۍوال روغتیايي سازمان ویلي، چې د غزې په تړانګه کې ۳۶ روغتونونه تړل شوي دي.

دغه سازمان ویلي، په غزه کې ۱۵ روغتونونه فعاله دي چې د خپلو اصلي وړتیاوو درې برابره کم د سون توکي او نورې روغتیايی اسانتیاوې لري.
اسراییلي چارواکي پر حماس تور پورې کوي، چې له روغتونونو د پوځي موخو لپره کار اخلي؛ خو د حماس تر څنګ یو شمېر روغتیايي کارکوونکي هم دغه ادعاوې ردوي.
د اسراییل او حماس له جګړې له درې میاشتو زیات وخت تېرېږي، چې په دې موده کې د غزې ۷۵ سلنه وګړي چې شمېر یې ۱.۷ مېلیونه خلکو ته رسېږي بیځایه شوي دي.

له ډېرو هغو غوښتل شوي، چې له خپلو سیمو نورو ته وکوچېږي.
د بشري حقونو سازمانونو د فلسطینیانو دغه جبري بې ځای کېدنه چې د اسراییل د پوځ له‌خوا ترسره کېږي په کلکه غندلې ده.