د ملګرو ملتونو سر منشي: ټول باید د خپل هېواد جوړولو لپاره د فلسطینیانو حق په رسمیت وپیژني

وړاندې تردې طالبانو ویلي چې غورځېدلې الوتکه مساپر وړونکې او د یوه هندي شرکت اړوند ده.

د افغانستان په بدخشان ولایت کې د یوې الوتکي د غورځېدو په اړه د هند هوايي چلند وزارت پر خپله ایکس پاڼه لیکلي چې د افغانستان په بدخشان ولایت کې لوېدلې الوتکه د هند اړوند نه ده او دا کوچنۍ الوتکه د مراکش هیواد ده.

خو د طالبانو د ټرانسپورټ او هوايي چلند وزارت د یک شنبې په ورځ د (سلواغي ۱) نېټه له غرمې وروسته پر خپله ایکس پاڼه لیکلي چې یوه (۱۰ـ فالکون) ډوله روسۍ شخصي جټ الوتکه چې له هندوستان څخه یې د تاشکند په هدف الوتنه ترسره کوله تېر ماښام شا او خوا ۷ بجې د تخنیکي ستونزو له امله خپل لوری ورک کړی او د بدخشان ولایت د زیباک او کران و منجان ولسوالیو په غرونو کې ورکه او غورځېدلې ده.

د طالبانو دغه وزارت ویلي چې د یادې الوتکې لوری د افغانستان په فضا کې نه وو پلان شوی، او کېدای شي له خپل مسیر څخه د تخنیکي ستونزو له امله اوښتې وي.

بل خوا د روسیې د هوانوردۍ ادارې ویلي په افغانستان کې غورځېدلې الوتکه کې شپږ تنه سپرلۍ وې.

د روسیې د هوانوردۍ اداره وايي، هغه الوتکه چې په افغانستان کې د رادار له لیکې څخه ورکه شوې، د (اتلتیک) ډلې پورې اړه لري او شپږ تنه په کې سپاره وو.

د روسيې ټاس خبري اژانس د دغه ادارې له قوله ليکلي، چې دغه الوتکه له تاشکند څخه مسکو ته روانه وه.

د دغې ورځپاڼې د راپور له مخې، د روسیې د هوايي چلند اداره د دغې پېښې په تړاو د طالبانو او تاجکستان له هوايي چلند چارواکو سره په اړیکه کې ده.

د ټاس خبري آژانس د روسیې د حکومتي چارواکو په حواله ویلي دي چې د الوتکې دوه تنه سپرلۍ چې په بدخشان کې ورکه شوې د دغه هیواد اتباع وو.

دغو سرچینو ویلي، چې پر اسراییل د حماس له برید وروسته ایران حوثيانو ته د وسلو استول زیات کړي دي.

د سرچینو په وینا، ایران حوثیانو ته پرمختللي ډرون، د کښتۍ ضد کروز توغندي، دقیق بالستیک توغندي او د منځني واټن توغندي ورکړي دي.

په راپور کې راغلي چې د سپاه پاسداران قوماندانان او سلاکاران حوثیانو ته روزنه او استخباراتي ملاتړ هم چمتو کوي او دوی ته وایي چې په لسګونو کښتۍ چې له سره سمندر څخه تیریږي په اسراییل پورې اړه لري او د حوثیانو لخوا دې په نښه شي.

متحده ایالاتو تېره میاشت وویل چې ایران په سور سمندرګي کې د کښتیو په وړاندې د عملیاتو په پلان کولو کې ژور ښکېل دی او د دوی استخباراتي ملاتړ د حوثیانو لپاره خورا مهم دی چې په کښتیو برید وکړي.

خو د ایران بهرنیو چارو وزارت په وروستیو اونیو کې په پرله پسې ډول په سور سمندرګي کې د حوثیانو په بریدونو کې د دغه هېواد رول رد کړی دی.

د یمن حوثیانو له لوري پر سوداګریزو کښتیو بریدونه د غزې په تړانګه کې د اسراییل د بریدونو په ځواب کې دي. د دغو بریدونو په غبرګون کې، انګلستان او متحده ایالاتو په یمن کې د حوثیانو ځایونه په نښه کړي، خو دغې ډلې اعلان کړی چې بیا به هم په سور سمندرګي کې پر کښتیو بریدونه کوي.

میرو سویرسکي چې د یرغمل شوې ایتا سویرسکي خور ده، د اسراییل پر لومړي وزیر نتانیاهو نیوکه کوي چې د یرغملو د ژغورنې او د جګړې موخې یې سره په تضاد کې دي.‌ ایتا څو ورځې وړاندې د غزې په تړانګه کې د اسراییلي بمباریو له امله خپل ژوند له لاسه ورکړ.‌

سویرسکي وايي چې د "حماس ویجاړول" او "د یرغمل شوو بیرته راستنول" دوه متناقصې موخې دي او ټینګار یې کړی چې جګړه د یرغملو شوو ژوند له ګواښ سره مخامخ کوي.

سویرسکي زیاته کړې: «حکومت ویلي چې د برمته شویو کسانو راستنول یې لومړیتوب دی. که داسې نه وي، نو دوی دا دومره وخت موږ ته دروغ ویلي.»

سویرسکي له ټولو اسراییلیانو غوښتي چې د لومړي وزیر د کور مخې ته په روانو لاریون کې ګډون وکړي.

حماس د تیرې دوشنبې په ورځ اعلان کړی و چې دوه اسراییلي یرغمل چې د حماس لخوا نیول شوي و د غزې په تړانګه کې د اسراییل په بمباریو کې وژل شوي دي.

له وژل شویو بندیانو څخه یو هم ایتا سویرسکي پیژندل شوی. اسراییلي پوځ د سې شنبې په ورځ د هغه مړینه تایید کړه، خو حماس یې د هغه په ​​وژلو تورن کړ.

بل خوا حماس اسراییلي پوځ د یرغملو په وژلو تورنوي.

په غزه کې جګړه هغه مهال پیل شوه کله چې د حماس جنګیالیو په اسراییل برید وکړ، چې په پایله کې یې له ۱ زرو ۲۰۰ څخه ډېر کسان ووژل شول چې دېری یې ملکي وګړي وو.

د فلسطین د روغتیایي چارواکو په وینا، د غزې په تړانګه کې د اسراییل بمبارۍ او بریدونو له امله تر اوسه له ۲۴ زره او ۷۶۰ څخه ډېر کسان وژل شوي دي.

خو ځینې رپوټونه وايي، چې په دغه برید کې د عراق د امنیتي ځواکونو څو غړي سخت ټپیان شوي دي.

د العربیه خبری اژانس د راپور له مخې، ځینې توغندی د هوایي دفاعي سیسټم له خوا شنډ شوی خو ځینې نور په دغه اډه، چیرې چې امریکایی ځواکونه دیره دي، لګېدلی دي.

یوې امنیتي سرچینې العربیه ته ویلي، چې د شنبې په ورځ د عین الاسد پر اډې تر شلو زیات توغندیو لګیدلي دي.

په راپور کې راغلي، چې دغه توغندي له سلو کيلومټره واټن څخه پر دغې اډې توغول شوي دي.

د شینهوا خبري اژانس د رپوټ له مخې،‌ اور په یانشانپو کلي کې د ینګکای ښوونځي د هلکانو لیلیه کې د شنبې په شپه ناوخته لګېدلی. ویل کېږي د اورلګیدنې پر مهال په لیلیه کې ۳۰ کسان و.

د چاینا نیوز ویک په نوم د یوې چینايي مجلې په رپوټ کې راغلي چې دغه ماشومان د دریم ټولګي زدکوونکي او عمرونه یې شاوخوا ۹ کاله وو.

ینګکای یخصوصي ښوونځی له لسو کلونو راهیسې فعالیت کوي او تر ډیره کلیوال او هغه ماشومان پکې زدکړې کوي چې خپل مور او پلار یې سرپرستي نه وي منلې.‌

د يوه زدکوونکي د مور او پلار په وينا، د ښوونځي مسوولینو د دوی ماوشوم له پیښې وروسته د شنبې په سهار کور ته وروړی او دا لا معلومه نه ده چې بیرته به ښوونځی څه وخت پیلیږي.‌

د چين د بیړنیو چارو وزارت "په ګڼ مېشتو ځايونو کې د اور وژنې د پټو خطرونو" د مخنيوي لپاره د پلټنې غوښتنه کړې او د ژغورنې د لارښوونې لپاره يو کاري ټيم سیمې ته لېږلی دی.

چینايي رسنۍ وايي، د ښوونځي مسوولان نیول شوي دی.