طالبان: له پاکستان او ایرانه نږدې زر تنه افغان کډوال په جبري ډول او خپله خوښه راستانه شوي

د پاکستان د ګمرک یوه چارواکي افغانستان انټرنشنل پښتو څانګې ته ویلي چې په تېرو لسو ورځو کې چې د تورخم دروازې د پرانیستلو په برخه کې چې کومې ناستې او خبرې شوې ټولې بې پایلې دي.

تېره ورځ پاکستاني رسنیو راپور ورکړی و چې شاوخوا ۹۰ لارۍ له کینو، کچالو او نورو توکو بار وې، د شبنې په ورځ بېرته له مالونو ډکې پېښور ته راستنې شوې دي.

سرچینې وايي، د اسلام اباد او طالبانو تر منځ په یو لړ سیاسي مسلو د مخالفتونو له امله دغه لویه لاره یوازې د سوداګریزو چارو په وړاندې تړل شوې چې زیان یې هم یوازې سوداګرو ته رسیږي.

د حکیم شینواري په نوم د یوې لارۍ موټر چلوونکی افغانستان انټرنشنل پښتو څانګې ته وايي، چې د لارې تړل کېدو له امله نه کورته تللی شي او نه هم سفر ته اجازه ورکړل کیږي: «ګاډی مې بار ولاړ دی، مالک راته وايي ورسره پاتې شه لاره خلاصیږي، خو دلته نه لاره خلاصیږي او نه کورته ترې تللی شم، ډیر انتظار نور نه کیږي څه وکړو، حکومتونه دې خپلې مسلې حل کړي، زموږ لاره دې نه بندوي.»

د دواړو خواوو متقابل عمل د دې لامل شوی چې د افغانستان او پاکستان تر منځ په دغه مهمه لاره باندې له یوې اوونۍ زیاتې مودې راهیسې سوداګریزې چارې ودرول شي.

د پاکستان ګمرک یوه چارواکي مجیب الله شینواري رسنیو ته ویلي، چې په تورخم کې د سوداګریزو فعالیتونو د ټکني کېدو له امله سوداګرو ته میلیارډونه پاکستانۍ کلدارې زیان رسېدلی دی.

هغه خبرداری ورکړی چې ښايي په دې سره پاکستاني توکي په افغان مارکېټ خپل ارزښت له لاسه ورکړي، ځکه چې يو شمېر افغان سوداګرو تېره اوونۍ له خپلو ايراني سيالانو د اړينو توکو د واردولو غوښتنه کړې ده.

د (ډبلیو ايچ او) په وینا د جاپان د همکاریو نړیوال سازمان (جایکا) سره به د ساري ناروغیو په دغه ګډه پروژه کې له ۷۶ زره څخه زیاتو افغانانو ته خدمات وړاندې کړي.

د روغتیا نړیوال سازمان د دوشنبې په ورځ د (مرغومي۲مه) نېټه پر خپله ایکس پاڼه لیکلي چې، په افغانستان کې د روغتیا نړیوال سازمان استازي ډاکټر لوو داپینک د جاپان د همکارۍ نړیوال سازمان سره د ۶،۹ میلیونو امریکايي ډالرو ګډه پروژه په جاپان کې لاسلیک کړه.

د روغتیا نړیوال سازمان وايي، په دغه ګډه پروژه کې به په افغانستان کې د ساري ناروغیو د اغېزو د مخنیوي او کمولو په برخه کې له ۷۶ زره څخه ډیر کسانو ته خدمتونه وړاندې کړي.

د جاپان د همکاریو نړیوال سازمان استازي کیوشي امادا د یادې ګډې پروژې د لاسلیک پرمهال ویلي: «زه هیله لرم چې دا پروژه به د میندو، ماشومانو او نورو په ګډون د خلکو روغتیا ته اغیزمنه تمامه شي او د دوی ژوند به خوندي کړي چې په افغانستان کې له بشري امنیت سره مرسته وکړي.»

د روغتیا نړیوال سازمان ویلي، د جاپان او د روغتیا نړیوال سازمان تر منځ ګډې هڅې په افغانستان کې د روغتیایي خدمتونو وړاندې کولو او د ساري ناروغیو سره د مبارزې په برخه کې د همکارانو دوامداره ژمنې څرګندوي.

د دوی په خبره نوې پیاوړې شوې ملګرتیا به د افغانستان د خلکو لپاره په یوه خوندي او سالمه راتلونکې کې مرسته وکړي.

طالب چارواکي وايي، د طالبانو د مشر ملا هبت الله د حکم له مخې به د افغانستان په هره ولسوالۍ کې له دریو څخه تر لسو پورې دیني مدرسې جوړې شي.

واک ته د طالبانو تر رسیدو وروسته، د ميليونونو ډالرو په لګښت ډېر جوماتونه او ديني مدرسې جوړې شوې او لا هم جوړېږي.

د طالبانو کډوالو او بېرته راستنېدونکو چارو وزير خليل الرحمن حقاني د مرغومي نهمه، د پکتيا په يوه جهادي مدرسه کې وويل، چې ديني مدرسې بايد يوازې د ديني مسايلو په تدريس پورې محدودې نه شي.

ښاغلي حقاني وویل چې په ښوونځیو کې باید د دیني زده‌کړو ترڅنګ جهادي او نظامي فکر ته هم کاروشي.

ارګ د رافیلا ایودیس له خولې لیکلي، چې اروپايي ټولنه له افغانستان سره خپلو مرستو ته دوام ورکوي او د افغانستان او اروپايي ټولنې ترمنځ یې د اړیکو پر پراختیا یې ټینګار کړی دی.

په خبر پاڼه کړې راغلي، چې مېرمن ایوډیس د افغانستان له خلکو سره په ځانګړې توګه په دغه هېواد کې د اقلیم د بدلون د زیانونو د مخنیوي لپاره د نړۍوالو مرستو غوښتنه وکړه.

په دغه لیدنه کې مولوي عبدالکبیر له افغانستان سره د اروپايي ټولنې د چلند د ستاینې په ترڅ کې په افغانستان کې د فساد، مخدره موادو او تاوتریخوالي د کمولو ادعا وکړه.

د طالبانو رییس الوزرا سیاسي مرستیال ویلي، چې داعش په افغانستان کې مات شوی دی.

په افغانستان کې د داعش د "ماتې" په اړه د دغه طالب چارواکي دا ادعا په داسې حال کې کېږي، چې په افغانستان کې د توکمیزو او مذهبي لږکیو پر وړاندې د داعش بریدونه ډېر شوي دي.

د دې ترڅنګ د ملګرو ملتونو امنیت شورا د روان کال د سپتمبر په میاشت کې په یوه غونډه کې په افغانستان کې وسلو او مهماتو ته د داعش خراسان د لاسرسي په اړه اندېښنه څرګنده کړه او ویې ویل، چې د دې ډلې عملیاتي ظرفیت مخ په زیاتیدو دی.

دغه سازمان اټکل کوي، چې په افغانستان کې له ۴۰۰۰ څخه تر ۵۰۰۰ پورې داعش ځواکونه ځای پر ځای دي.​

تېره ورځ د طالبانو امنیه قوماندانۍ د کندهار ښار ټولو دوکاندارانو ته خبر ورکړی و، چې هټۍ بندې کړي او د استسقاء په لمانځه کې بايد برخه واخلي.

په کندهار کې د طالبانو د امنيه قوماندانۍ د امر له مخې نن یکشنبه د روغتيايي مرکزونو او نانوايانو پرته ټول دوکانونه بند وو او په زور ترې غوښتنه شوې وه، چې د استسقاء په لمانځه کې برخه واخلي.

د استسقاء په لمانځه کې په زرګونو هېوادوالو برخه اخيستې وه.

د کندهار د طالبانو د والي مرستيال حیات الله مبارک له هېوادوالو غوښتنه کړې، چې د باران کېدو لپاره الله ته دعاګاني وکړي او ځانونه پر «شریعت» برابر کړي.

نوموړي له زرګونو هېوادوالو غوښتي، چې د دوی د مشر هبت الله اخوندزاده امر او خبره ومني.

هغه زیاته کړې: «الله ج ته د باران کولو لپاره دعاوې او عبادتونه وکړئ، د اميرالمومنين د امر اطاعت وکړئ او ځانونه پر شرعي اصولو برابر کړئ».

په ورته وخت کې د کندهار د طالبانو د علماوو شورا مرستیال مولوي اختر محمد زعفراني له خلکو وغوښتل، چې له ګناهونو ځانونه وساتي "څو د الله رحمت زيات شي".

هغه زیاته کړې:«موږ او تاسې بايد له ګناهونو څخه توبه وباسو څو د اللّٰه ج له د رحمت څخه بې برخي نه شو».

د کندهار يو شمېر ښاریانو د طالبانو دغه کړنه زور زیاتی بللی او غوښتنه يې کړې، چې خلک دې په لمانځه کې د ګډون لپاره خپلي خوښې ته پرېږدي.

يوه مياشت مخکې د طالبانو د امر بالمعروف سرپرست وزیر محمد خالد حنفي هم د دغه وزارت ټولو ولایتي ادارو ته امر کړی و، چې له خلکو وغواړي چې درې ورځې استسقاء لمونځونه وکړي.