د طالبانو تر لاس لاندې باختر اژانس د يکشنبې په ورځ (د سلواغې لومړۍ) خبر ورکړ چې د اروزګان ولايت په چورې ولسوالۍ کې د يوې ديني مدرسې د بنسټ ډبره کېښودل شوه. ويل کيږي، د دغې مدرسې په جوړولو څه د پاسه يو ميليون افغانۍ لګښت راځي او په پام کې ده چې دوه سوه تنه په کې زدهکړې وکړي.
طالب چارواکي وايي، د طالبانو د مشر ملا هبت الله د حکم له مخې به د افغانستان په هره ولسوالۍ کې له دریو څخه تر لسو پورې دیني مدرسې جوړې شي.
واک ته د طالبانو تر رسیدو وروسته، د ميليونونو ډالرو په لګښت ډېر جوماتونه او ديني مدرسې جوړې شوې او لا هم جوړېږي.
د طالبانو کډوالو او بېرته راستنېدونکو چارو وزير خليل الرحمن حقاني د مرغومي نهمه، د پکتيا په يوه جهادي مدرسه کې وويل، چې ديني مدرسې بايد يوازې د ديني مسايلو په تدريس پورې محدودې نه شي.
ښاغلي حقاني وویل چې په ښوونځیو کې باید د دیني زدهکړو ترڅنګ جهادي او نظامي فکر ته هم کاروشي.
