طالبان د اروزګان په چورې ولسوالۍ کې د یو میلیون افغانیو په لګښت یوه دیني مدرسه جوړوي

ارګ د رافیلا ایودیس له خولې لیکلي، چې اروپايي ټولنه له افغانستان سره خپلو مرستو ته دوام ورکوي او د افغانستان او اروپايي ټولنې ترمنځ یې د اړیکو پر پراختیا یې ټینګار کړی دی.

په خبر پاڼه کړې راغلي، چې مېرمن ایوډیس د افغانستان له خلکو سره په ځانګړې توګه په دغه هېواد کې د اقلیم د بدلون د زیانونو د مخنیوي لپاره د نړۍوالو مرستو غوښتنه وکړه.

په دغه لیدنه کې مولوي عبدالکبیر له افغانستان سره د اروپايي ټولنې د چلند د ستاینې په ترڅ کې په افغانستان کې د فساد، مخدره موادو او تاوتریخوالي د کمولو ادعا وکړه.

د طالبانو رییس الوزرا سیاسي مرستیال ویلي، چې داعش په افغانستان کې مات شوی دی.

په افغانستان کې د داعش د "ماتې" په اړه د دغه طالب چارواکي دا ادعا په داسې حال کې کېږي، چې په افغانستان کې د توکمیزو او مذهبي لږکیو پر وړاندې د داعش بریدونه ډېر شوي دي.

د دې ترڅنګ د ملګرو ملتونو امنیت شورا د روان کال د سپتمبر په میاشت کې په یوه غونډه کې په افغانستان کې وسلو او مهماتو ته د داعش خراسان د لاسرسي په اړه اندېښنه څرګنده کړه او ویې ویل، چې د دې ډلې عملیاتي ظرفیت مخ په زیاتیدو دی.

دغه سازمان اټکل کوي، چې په افغانستان کې له ۴۰۰۰ څخه تر ۵۰۰۰ پورې داعش ځواکونه ځای پر ځای دي.​

تېره ورځ د طالبانو امنیه قوماندانۍ د کندهار ښار ټولو دوکاندارانو ته خبر ورکړی و، چې هټۍ بندې کړي او د استسقاء په لمانځه کې بايد برخه واخلي.

په کندهار کې د طالبانو د امنيه قوماندانۍ د امر له مخې نن یکشنبه د روغتيايي مرکزونو او نانوايانو پرته ټول دوکانونه بند وو او په زور ترې غوښتنه شوې وه، چې د استسقاء په لمانځه کې برخه واخلي.

د استسقاء په لمانځه کې په زرګونو هېوادوالو برخه اخيستې وه.

د کندهار د طالبانو د والي مرستيال حیات الله مبارک له هېوادوالو غوښتنه کړې، چې د باران کېدو لپاره الله ته دعاګاني وکړي او ځانونه پر «شریعت» برابر کړي.

نوموړي له زرګونو هېوادوالو غوښتي، چې د دوی د مشر هبت الله اخوندزاده امر او خبره ومني.

هغه زیاته کړې: «الله ج ته د باران کولو لپاره دعاوې او عبادتونه وکړئ، د اميرالمومنين د امر اطاعت وکړئ او ځانونه پر شرعي اصولو برابر کړئ».

په ورته وخت کې د کندهار د طالبانو د علماوو شورا مرستیال مولوي اختر محمد زعفراني له خلکو وغوښتل، چې له ګناهونو ځانونه وساتي "څو د الله رحمت زيات شي".

هغه زیاته کړې:«موږ او تاسې بايد له ګناهونو څخه توبه وباسو څو د اللّٰه ج له د رحمت څخه بې برخي نه شو».

د کندهار يو شمېر ښاریانو د طالبانو دغه کړنه زور زیاتی بللی او غوښتنه يې کړې، چې خلک دې په لمانځه کې د ګډون لپاره خپلي خوښې ته پرېږدي.

يوه مياشت مخکې د طالبانو د امر بالمعروف سرپرست وزیر محمد خالد حنفي هم د دغه وزارت ټولو ولایتي ادارو ته امر کړی و، چې له خلکو وغواړي چې درې ورځې استسقاء لمونځونه وکړي.

پخواني ولسمشر حامد کرزي پر خپلې ټویټر پاڼې د یوه تصویر په خپرولو سره نن یکشنبه (د سلواغې لومړۍ) د یوه یادښت په خپرولو سره ویلي، چې له مېرمن میساکو څخه یې د جاپان او افغانستان د اړیکو د پیاوړتیا غوښتنه کړې ده.

په یادښت کې راغلي، چې پخواني ولسمشر د جاپان د ځانګړي استازي له مرستیالې سره د افغانستان او سیمې پر وضعیت خبرې کړي او د جاپان له کړو مرستو یې مننه کړې ده.

پخواني ولسمشر یو ځل بیا په ملي کچ د خبرو اترو ملاتړ کړی او د نجونو پر وړاندې د ښوونځیو او پوهنتونونو د دروازو په بیا پرانیستلو یې ټینګار کړی دی.

دغه رسنۍ زیاتوي، چې خپل هېواد ته د افغانانو او نورو بې اسنادو اوسېدونکو د اېستلو لړۍ دوام لري.
پاکستان چې له تېرو څلورو لسیزو راهیسې د زرګونو افغان کډوالو کوربه هېواد دی، په دې وروستیو کې پرېکړه کړې چې ټول غیر قانوني کډوال به باسي.

په ورته وخت کې د طالبانو د کډوالو او راستنېدونکو چارو وزارت پر اېکس پاڼه لیکلي، چې تېره ورځ شنبه (د مرغومي ۳۰مه) د پکتیکا، ننګرهار، کندهار، نیمروز او هرات له پولې په جبري توګه سلګونه راستنو شويو کډوالو ته د راستنېدونکو ستونزو ته د رسېدنې کمېسیون د کمېټو له لوري مرستې شوې دي.

دغه وزارت وايي؛ د سپین بولدک، تورخم، انګور اډې، ورشیمو او اسلام کلا له پولو څخه ټولټال ۷۱۳ تنه کډوال په خپله خوښه او زور راستانه کړل شوي دي.

د دوی په وینا؛ دغه کورنۍ تر ثبتېدو وروسته د مرستو ترلاسه کولو په موخه د ملګرو ملتونو عالي کمېشنرۍ، د خوړو نړېوال پروګرام او د کډوالۍ نړۍوالې ادارې ته ورپېژندل شوي دي.

د کډوالو وزارت د معلوماتوله مخې؛ د ۲۳۸ کسان د تورخم، سپین بولدک، انګور اډې له لارې او پاتې ۴۷۵ تنه د ورشیمو او اسلام کلا له لارې هیواد ته راستانه شوي دي.
له دې سره په دغو اېستل شویو کډوالو کې هغه کورنۍ هم شته چې له کلونو راهیسې د پاکستان په بېلابېلو ښارونو کې اوسېدل او د دې هېواد شناختي کارټونه یې هم درلودل.
د بښنې د نړۍوال سازمان په ګډون ډېر شمېر نړۍوالو سازمانونو او هېوادونو د پاکستان پر دغې پرېکړې په نیوکې سره ویلي، چې دا کړنه بشري سرغړونه ده او دغه هېواد باید خپله دا پرېکړه بېرته واخلي؛ خو پاکستان په خپل دریځ ټينګار کوي.

طالب چارواکو په وار - وار له افغان کډوالو سره د پاکستان د حکومت جبري چلند غندلی او غوښتنه یې کړې، چې د پاکستان دې د افغان کډوالو جبري ایستل ودروي.
سره له دې چې طالبان د ژمي په درشل کې د پاکستان پر دغې پرېکړه نیوکه کوي؛ خو وایي دوی د هغو کسانو ملاتړ کوي چې بېرته هېواد ته راستنیږي.
اوسمهال له پاکستان او ایرانه زرګونه اېستل شوي کډوال په پنډغالو کې د ژمي سختې شپې او ورځې تېروي او د نړۍوالو مرستې ته په تمه دي؛ خو نړۍوالې مرستندویه ادارې بیا د بودیجې له کمښت څخه سرټکوي او په افغانستان کې د بشري ناورین خبرداری ورکوي.

د افغانستان د ملي مقاومت جبهې د یکشنبې په ورځ (د سلواغې لومړۍ نېټه) یوه خبرپاڼه خپره کړې او ویلي یې دي، چې د طالبانو له ډلې د درېیو ټپي شویو کسانو روغتیايي وضعیت نازک ښودل شوی دی.

په خبر پاڼه کې راغلي، چې جګړه د شپې ۱۱:۳۰ بجې د مقاومت د جبهې د ځواکونو او طالبانو ترمنځ پیل شوه او دوه ساعته یې دوام وکړ.

د دوی د څرګندونو له مخې؛ په دغو عملياتو کې د مقاومت ځواکونو ته زيان نه دى اوښتى.

د افغانستان د مقاومت د جبهې دغې ادعا ته تر اوسه طالب چارواکو غبرګون نه دی ښودلی.

په دې وروستیو کې د ملي مقاومت جبهې خپل شپږ میاشتنی راپور خپور کړ او ادعا یې وکړه، چې په دې موده کې یې پر طالبانو ۹۰ ځله بریدونه کړي او د دغې ډلې ۱۲۸ غړي یې وژلي دي.