طالبان: له هوایي ډګره مو هغه ۶ ناقانونه کسان راګرځولي، چې بهر ته یې پښې سپکولې
د طالبانو د کورنیو چارو وزارت وایي، د دوو ممنوع الخروجه کسانو په ګډون یې څلور تنه نور هغه کسان نیولي چې غوښتل یې په جعلي پاسپورټونو د کابل له هوايي ډګره ووځي.
د طالبانو د کورنیو چارو وزارت وایي، د دوو ممنوع الخروجه کسانو په ګډون یې څلور تنه نور هغه کسان نیولي چې غوښتل یې په جعلي پاسپورټونو د کابل له هوايي ډګره ووځي.
له دغه وزارته په خپره شوې خبر پاڼه کې راغلي، هغه دوه کسان چې د طالبانو لهخوا پرې د تګ بندیز لګول شوی و، د کابل له هوايي ډګره راستانه کړای شوي دي؛ خو د دغو کسانو د هویت په اړه یې نور جزییات نه دي ورکړي.
همدا رنګه په خبرپاڼه کې دا هم راغلي، هغو څلورو کسانو چې په جعلي پاسپورټونو غوښتل عربي متحده اماراتو ته ولاړ شي هم نیول شوي دي.
له کله نه چې طالبانو پر افغانستان ولکه ټینګه کړې، ګڼ خلک غواړي له دغه هېواده ووځي؛ خو ډېر خلک د پاسپورټ د نشتوالي له امله نه شي کولای نورو هېوادونو ته سفر وکړي.
طالبانو لا هم د پاسپورټ اخیستلو په چاره کې خلکو ته ستونزې زیاتې کړې او په تور بازار کې د یو پاسپورټ بیه تر دوه نیم زرو امریکایي ډالرو هم پورته ده.
د افغانستان د ۳۴ ولایتونو سوداګرو او صنعت کارانو د چهارشنبې په ورځ (د غبرګولي ۴مه) کندهار ته د خپل سفر پر مهال د طالبانو له والي ملا شيرين اخوند سره د ستونزو د حل په موخه کتلي.
له مرکز کابل څخه کندهار ته د تللو سوداګرو یوه مشر افغانستان انټرنشنل ـ پښتو ته وويل، چې غوښتل يې د طالبانو مشر هبت الله اخوندزاده سره د سوداګرۍ په برخه کې پرتې ستونزوې شريکې کړي.
د سرچينې د معلوماتو له مخې؛ له هغه سره په لېدنه بريالي نه شول او ټولې ستونزې يې د کندهار د والي له لارې د طالبانو مشر ته ولېږلې.
کندهار ته تللي سوداګر وايي، چې د سوداګرۍ او صنعت د پراختيا، په ګمرکونو کې د فساد د مخنيوي، پر لويو لارو د سوداګريزو توکو اسانه لېږد، د ماليې کمول او د پاکستان سره د ډېورنډ پر کرښه د پرتو ستونزو اړوند بحثونه شوي.
د دوی په خبره، چې د ستونزو د حل او د غوښتنو د منلو ډاډ يې تر لاسه کړی.
کندهار ته د تللو سوداګرو یو استازی وايي: «په ګمرکونو او سرحداتو کې مو ټولې ستونزې او غوښتنې د کندهار والي سره شريکې کړې موږ اطمینان تر لاسه کړل، چې تر مشرتابه پوري به رسيږي او منل کېږي به.»
د کندهار د طالبانو د والي مطبوعاتي دفتر په یوه اعلاميه کې د سوداګرو او والي د ليدنې خبر ورکړی.
د اعلاميې د معلوماتو له مخې؛ والي ملا شرین اخوند سوداګرو ته ډاډ ورکړی، چې ستونزې او غوښتنې به يې تر ملا هبت الله ورسوي.
په اعلامیه کې د والي له قوله لیکل شوي: « موږ د ستونزو د حل ډاډ درکوو، ستاسو له پانګونې او هېوادوالو ته د کاري زمينې برابرولو له کبله مننه، ستاسې ټولې غوښتنې مشرتابه ته رسوم.»
دغو سوداګرو تېره ورځ د کندهار د علماو شورا له غړو او نن مازیګر ناوخته د سوداګرۍ خونې له استازو سره هم لېدنې تر سره کړې.
