یوې سروې موندلې چې د هند په وارانسي ښار کې یو جومات د مندر پر سر جوړ شوی

دغې محکمې اعلان کړې، چې په غزه کې د ځاني زیانونو د دوام په اړه ژوره اندیښنه لري.

دغې محکمې په خپل حکم کې لیکلي: «د اسراییل دولت باید خپل ټول اقدامات د نسل وژنې کنوانسیون د دویمې مادې په محدوده کې ترسره کړي.»

د جرمونو نړۍوالې محکمې، چې په هاګ کې د ملګرو ملتونو تر ټولو لوړ قضايي ارګان دی، د جمعې په ورځ - د سلواغې په شپږمه - اعلان وکړ، دا واک لري چې د اسراییل په وړاندې د «نسل وژنې» په قضیه کې د بیړني اقداماتو حکم وکړي.

دا قضیه د غزې د جګړې له امله د سویلي افریقا لخوا وړانې شوې ده.

دغې نړۍوالې محکمې زیاته کړه،د نسل وژنې پر وړاندې د خوندیتوب لپاره په غزه کې د فلسطینیانو حق په رسمیت پیژني.

تمه وه چې د ملګرو ملتونو دغه محکمه به د جمعې په ورځ د اسراییل پر وړاندې د بیړني اقدام لپاره د سویلي افریقا د غوښتنې په اړه خپله لومړۍ پریکړه اعلان کړي.

د محکمې د حکم په وړاندې غبرګونونه

سویلي افریقا د جمعې په ورځ د اسراییل په وړاندې د قضیې په اړه د جرمونو نړۍوالې محکمې له پریکړې وروسته سمدستي د دې پریکړې هرکلی کړی.

سویلي افریقا د جرمونو نړۍوالې محکمې پریکړه، د نړۍوالو قوانینو د حاکمیت لپاره «پریکنده بریا» بللې.

د حماس یوه جګپوړي چارواکي سامي ابو زهري د جمعې په ورځ رویټرز خبري اژانس ته ویلي: «د عدالت د نړیوالې محکمې پریکړه یو مهم پرمختګ دی چې د اسراییلو په منزوي کولو او په غزه کې د دوی د جنایتونو په افشا کولو کې مرسته کوي.»

هغه زیاته کړه: «موږ غواړو اشغالګر مجبور کړو چې د محکمې پرېکړې عملي کړي.»

د اسراييل لومړي وزير بنيامين نتنياهو د نړۍوالې جنايي محکمې د پرېکړې په غبرګون کې ویلي: «موږ به د نړۍوالو قوانينو په رعايتولو سره له خپل ځان څخه دفاع ته دوام ورکړو.»

په ورته وخت کې د اسراییل د ملي امنیت وزیر د جرمونو نړیواله محکمه «د یهودو ضد» بللې ده.

د ترکیې ولسمشر او د ایران د بهرنیو چارو وزیر د جرمونو د نړۍوالې محکمې د پرېکړې هرکلی کړی.

د اسلامي جمهوریت د بهرنیو چارو وزیر، حسین امیرعبداللهیان، په اېکس خواله رسنۍ لیکلي چې دا رایه «د اسراییل په وړاندې د شکایت کولو په بهیر کې د جرمونو په نړۍواله محکمه کې د سویلي افریقا بریالیتوب" و.

د پاکستان د بهرنیو چارو وزارت منشي د پنجشنبې په ورخ ویلي و، چې "داسې کره شواهد لري" چې د دوو پاکستاني وګړو په وژلو کې د هندي جاسوسانو ښکېلتیا ښيي.

د هند د بهرنیو چارو وزارت ویاند جیسوال وايي: "لکه څنګه چې نړۍ پوهیږي، پاکستان له ډیرې مودې راهیسې د ترهګرۍ، سازمان شویو جرمونو او غیرقانوني فعالیتونو مرکز دی. هند او یو شمیر نورو هیوادونو په ښکاره توګه پاکستان ته خبرداری ورکړی او دا چې د ترهګرۍ او تاوتریخوالي خپل کړی کلتور به یې له منځه یوسي. "

هغه ټینګار کړی چې پاکستان به هغه څه ریبي چې کرلي یې دي.

ښاغلي جیسووال ټینګار کړی چې د خپلو ناوړه کړنو تور پر نورو لګول د حل لاره نه ده.‌

د پاکستان د بهرنیو چارو وزارت منشي سایرس سجاد قاضي په اسلام اباد کې خبریالانو ته ویلي و، چې په دې مرګونو کې ښکېل او له هندي استخباراتو سره تړاو لرونکی کس یې نیولی دی.

ښاغلی قاضي زیاته کړې وه چې دغه نیول شوي کس د پنجاب په سیالکوټ کې د شاهد لطیف په نوم د یوه پاکستاني وګړي په وژلو کې خپل لاس لرل منلي دي.

د جرمونو نړیوالې محکمې ویلي دي چې په غزه کې د ژوند د دوام په اړه ژوره اندیښنه لري.

نړیوالې محکمې زیاته کړه چې په غزه کې د فلسطینیانو حق په رسمیت پیژني چې له نسل وژنې خوندي شي.

مخکې تمه کیده چې د ملګرو ملتونو دا محکمه به د جمعې په ورځ د سویلي افریقا د غوښتنې په اړه د اسراییل په وړاندې د بیړني اقدام په اړه خپله لومړنۍ پریکړه وکړي.

اسراییل د نسل وژنې تور رد کړی دی.

د تحریک طالبان پاکستان نژدې سرچېنو نن افغانستان انټرنشنل ـ پښتو ته وویل، چې له تېرو لسو ورځو راهسې دغې ډلې په پاکستان کې کوم برید نه دی کړی او نه هم د کوم برید راپور ورکړل شوي دي.

افغانستان انټرنشنل ـ پښتو د ټي ټي پي ترڅنګ د پاکستاني نظامیانو خبري کانالونه هم وپلټل خو په تېرو لسو ورځو کې د کوم برید راپور نه دی ورکړل شوی.

له ټي ټي پي سره یوځای شوې ځواکمنې ډلې جماعت الاحرار د ټي ټي پي د مشر نور ولي مسید پرضد له هغه وروسته سخته اعلامیه ورکړه، چې د دوی دوه مشران عمر مکرم خراساني او سربکف مومند یې له خپلو دندو ګوښه کړل.

له ګوښه کېدو وړاندې د جماعت الاحرار مشر عمر مکرم خراساني د ټي ټي پي د رهبرۍ شورا غړی او سربکف مومند د ابادۍ او پرمختګ وزیر و.

څیړونکي په دې باور دي که جماعت الاحرار د روانو اختلافاتو له امله خپله لار جدا کوي نو دا به تحریک طالبان پاکستان ته د جګړې په ډکر کې سخت ناوړه ګوزار وي او د ضعیف کېدو لامل به وګرځي.

د ټي ټي پي اوسني مشر مفتي نور ولي مسید چې د دې ډلې مشر شو، نو په پاکستان کې یې پر ټولو کوچنیو او لویو وسلوالو ډلو او ګروپونو سربېره ناراضه قومندان هم سره یوځای کړل.

ټي ټي پي له ځان سره د مختلفو ډلو په متحدولو پسې په تېرو څو کلونو کې د پاکستان د امنیتي ادارو پرضد خونړي بریدونه وکړه او تر نورو کلونو تېر کال یې ګراف له ټولو کلونو لوړ و.

د معلوماتو مخې په دې وروستیو کې پاکستان پر افغانستان فشارونه زیات کړي دي او له طالبانو یې غوښتې چې په خپله خاوره کې د پاکستاني طالبانو پرضد ګامونه واخلي.

طالبانو په افغانستان کې د ټي ټي پي حضور رد کړی دی.

پر طالبانو د پاکستان له زیاتو فشارونو وروسته ځینو طالب مشرانو له ټي ټي پي غوښتي ول چې د جګړې تېزوالی کم کړي.

له بلې خوا د پاکستان د خوشالولو لپاره د طالبانو کورنیو چارو وزارت هم تایید کړه چې یو شمیر د ټي ټي پي غړي ورسره زندانیان دي.

تر اوسه تحریک طالبان پاکستان بریدونو کې د ځنډ او یا هم د خپلمنځي اختلافاتو په اړه څه نه دي ویلي.

خو تېره ورځ یې د یوې خبرپاڼې خپرولو سره ویلي چې دوی ټاکنیزې مبارزې او سیاسي ګوندونه نه په نښه کوي او یوازې د پاکستاي په امنیتي ادارو باندې بریدونه کوي او خپل نظامي اهداف یې ګرځولي دي دي.

یوې سرچېنې افغانستان انټرنشنل ـ پښتو ته دا هم ومنله د نورو مسایلو ترڅنګ بریدونو د ځنډ یو علت دا هم وي چې د تحریک طالبان پاکستان د کابینې له اعلان وروسته به دوی اوس د نظامي هدفونو لپاره یوه نوې جنګي تګلاره هم اعلان کړي.

په اندونیزیا کې هر کال د غواګانو دودیزه سیالي چې پاکو جاوي نومول شوې، ترسره کیږي. د میننګکاباو قبیلې خلک د حاصلاتو فصل پای ته رسولو د لمانځلو لپاره دا لوبه د وریژو په کروندیو کې ترسره کوي.

د غواګانو ځغلونکي د غواګانو لکۍ نیسي او د یوې تختې پر سر په خټو کې روان وي ترڅو د خپلو غواګانو ځواک ښکاره کړي. دغه غواګانې له سیالې وروسته لیلامیږي.

د سیالۍ په پای کې ګټونکي ته یو غویی او ۱۰۵۰ ډالره ورکول کیږي.