د طالبانو د لوړو زدکړو وزیر د هلمند د تخصصي مدرسې لپاره له استادانو امتحان واخیست

AP ۱۴۰۲ سلواغه ۱۵

د طالبانو د لوړو زدکړو سرپرست وزير ندامحمد نديم په مشرۍ کمېټې د هلمند د یوې تخصصي مدرسې لپاره د استادانو د ګمارلو ازموینه واخيسته.

د طالبانو د لوړو زدکړو وزارت د اعلامیې له مخې، نوموړي نن دې ازموینې سره د دغه دیني مرکز لپاره «تکړه او با استعداده استادان وګومارل.»

د طالبانو مشر په دې وروستیو کې له مدرسو د فارغانو د تخصص لپاره په هلمند، کندهار، کابل، هرات، پکتیا، ننګرهار، او کندوز کې تخصصي مدرسې منظورې کړې.

دې تخصصي مدرسو کې چې طالبان ورته دیني جامعې وایي، له مدرسو فارغ زدکوونکي په مختلفو دیني برخو کې تخصص کوي.

طالبانو په واکمنېدو سره په ټولو ولایتونو کې مدرسو جوړولو ته مخه کړې او ویل کېږی اوس د دې مدرسو شمېر تر شل زرو اوښتی دی.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ