پولیس سرچینې وايي، نن سهار د خیبر پښتونخوا په ډېره اسماعیل خان کې د وسلهوالو مخالفینو په برید کې د دوی یو پولیس افسر وژل شوی.
دغې سرچینې د وژل شوي پولیس افسر نوم دین محمد شېراني یاد کړی او ویلي یې دي، چې وسلهوالو هغه مهال د پولیسو پر موټر برید کړی چې هغوی په سیمه کې ګزمه کوله.
سرچینه وايي، وروسته په ځوابي ډزو کې درې تنه وسلهوال هم ووژل شول او د هغوی وسلې او مهمات د پولیسو لاس ته ورغلي دي.
له تېرو څو میاشتو راهیسې په خیبر پښتونخوا او بلوچستان صوبو کې پر پاکستاني پولیسو او پوځي ځواکونو بریدونه ډېر شوي او تر ډېره یې داعش ډله پړه پر غاړه اخلي؛ خو د دغه نوي برید پړه تر اوسه کومې ډلې نه ده منلې.