د پاکستان په شمال لوېديځ کې د شانګلې په ولسوالۍ کې د قومي اسمبلۍ د يوې څوکۍ د پایلې پر ضد د پاکستان د تحريک انصاف ګوند د پلويانو لاريون په ترڅ کې لږ تر لږه درې کسان وژل شوي او ۱۲ نور ټپيان دي.
د پاکستان د مسلم ليګ نواز ګوند انجنیر امير مقام د قامي اسمبلۍ څخه د پيټيای ملاتړي نوماند سعيد فرين ته ماتې ورکړې، چې تېره ورځ یې پر ضد د پيټيای پلويانو په شانګله کې احتجاجي مظاهره کړې وه او ويلي یې وو، چې د ټاکنو په اعلان شویو پایلو کې شمېره بدله شوې ده.
سیمهییز پولیس وایي، اعتراض کوونکو په پولیسو د ډبرو ګوزارونه وکړل چې په پایله کې یې څلور پولیس ټپیان شول.
د هغه په وینا، پولیسو ځوابي ډزې وکړې چې له امله یې درې اعتراض کوونکي وژل شوي او ۱۲ نور ټپیان دي.
د دغې پېښې څلور ټپیان د سوات خوازه خېلو روغتون ته او څلور نور د شانګله الپوري ولسوالۍ روغتون ته لېږدول شوي دي.
د پنجشنبې د ټاکنو وروسته د رایو په شمېرلو کې د درغلۍ پراخ تورونه لګېدلي، په ځانګړې توګه د پیټيای ملاتړو نوماندانو لهخوا چې ادعا کوي د حکومت او پوځ په ملاتړ کمپاین روان دی، ترڅو دوی د ټاکنو له ګټلو لرې وساتي؛ خو حکومت او پوځ بیا دغه تورونه رد کړي دي.
