پاکستاني رسنۍ: په پام کې ده چې نواز شریف او اصف اعلي زرداري نن په لاهور کې سره وګوري
پاکستاني رسنیو خبر ورکړی چې ټاکل شوې، د پاکستان پیپلز او د مسلم لیک نواز شریف ګوندونه نن یکشنبه د(سلواغې ۲۲مه) په لاهور کې سره وګوري او د ټاکنو برخلیک تر څنګ په راتلوونکي ګډ حکومت خبرې وکړي.
ويل کیږي زرداري تېره شپه لاهور ته رسېدلی او هلته به نن دواړه ګوندونه په جوړجاړي وغږيږي.
په پاکستان کې څلور ورځې وړاندې ټولټاکنې ترسره شوې چې لا یې هم وروستۍ پایلې نه دي اعلان شوې خو د پاکستاني رسنیو او اړوند بنسټونو د راپورونو له مخې تر اوسه پورې خپلواک نوماندان چې د عمران خان د ګوند کسان دي مخکښ ښودل شوي.
د پاکستاني رسنیو د راپور له مخې د پخواني لومړي وزیر او د مسلم لیک ن ګوند د مخکښ شهباز شریف او د جمعیت علمای اسلام ګوند د مشر مولانا فضل الرحمان تر منځ هم ټیليفوني خبرې شوې دي.
د معلوماتو له مخې د مولانا فضل الرحمان ګوند تر اوسه پورې د پاکستان قومي اسمبلۍ څلور څوکۍ ګټلې دي.
ويل کیږي د مسلم لیک ګوند له نورو ګوندونو سره په ګډه د حکومت جوړولو لپاره د اړیکو یوه کميټه هم جوړه کړې او له ګوندونو سره د ګډ حکومت په جوړېدو خبرې کوي.
سرچینې وايي، د مقبول صدیقي په نوم له کراچۍ څخه د ایم کیو ايم ګوند یو پلاوی هم لاهور ته رسېدلی او هلته د مسلم لیک ګوند سره په خبرو بوخت دی.
د تحریک انصاف ګوند یو شمېر مشرانو د سږکال ټاکنو د پایلو ځنډېدو په غبرګون کې نن یکشنبه په ټول پاکستان کې د لاریونونو د کېدو خبر ورکړی خو په اسلام اباد کې بیا پولیسو په دغه ښار کې د هر ډول لاریونونو او اعتراضي غونډو پر کېدو بندیز ولګاوه.
په پاکستان کې د ټاکنو له ترسره کېدو څلور ورځې وروسته وروستۍ پایلې نه دي اعلان شوې، د پاکستان تحریک انصاف چارواکي وايي، د دغه ګوند پلویان به د یکشنبې په ورځ د (د سلواغې ۲۲مه) په ټول پاکستان کې لاریونونه وکړي.
د عمران خان د ګوند یوه چارواکي ویلي، خلکو رایه ورکړې او اوس باید دغه «سپېڅلی امانت» وساتل شي.
د پنجاب صوبې لپاره د پي ټي ای مشر حماد اظهر وویل چې هغه به په دغه ایالت کې د لاریونونو مشري وکړي. د نوموړي په وینا دغه لاریون به د پاکستان پر وخت ماسپښین دوه بجې پیل شي.
تر دې مخکې د پاکستان تحریک انصاف ګوند مشر ګوهر علي خان هم ویلي و، که د شنبې تر ماښامه وروستۍ پایلې اعلان نه شي، دغه ګوند به له خپلو پلویانو وغواړي چې په ټول پاکستان کې لاریونونه وکړي.
د پاکستان تحریک انصاف مسوولان وايي ډیرې رایې یې ګټلې دي او کولای شي په پاکستان کې نوی حکومت جوړ کړي.
د پاکستان تحریک انصاف ګوند نوماندانو چې په خپلواکه توګه یې په ټاکنو کې برخه اخیستې، تر اوسه پورې د پاکستان په پارلمان کې تر ټولو زیاتې څوکۍ ګټلې دي.
د پاکستان تحریک انصاف له ملاتړو کاندیدانو وروسته د نواز شریف مسلم لیګ ن او بیا د بلاول بوټو په مشرۍ د پاکستان پیپلز ګوند په ملي اسمبلۍ کې څوکۍ ګټلې دي.
د نواز شریف د مسلم لیګ او د پاکستان د پيپلز ګوندونو مشرانو پرون ۴۵ دقیقې غونډه وکړه چې وروسته جیونیوز راپور ورکړ او ویې ويل چې دواړو ګوندونو د ګډ حکومت پر جوړولو هوکړه وکړه.
د پاکستان تحریک انصاف ګوند چارواکو ویلي چې له دغو دوو ګوندونو سره یووالي ته غاړه نه ږدي.
د دغه راپور له مخې، د ۲۰۲۱ کال له اګسټ څخه تر اوسه پورې د چین له واکمن کمونست ګوند سره د طالبانو اړیکې ځکه مثبته پایله لرلې ده چې دغې ډلې د چین د کانونو له شرکتونو سره د تړونونو له لارې په سلګونه میلیونه ډالره ترلاسه کړي دي.
د دې مجلې په وینا، داسې ښکاري چې طالبان د یو میلیون اویغور مسلمانانو له وضعیته نه دي ناراحته شوي چې د چین د حکومت تر فشار لاندې په زندانونو کې پراته دي.
طالبانو خپله هم ښځې د زده کړو، کار او سفر له حقه بې برخې کړي او د تېرحکومت د امنیتي ځواکونو او مخالفینو وژلو ته یې دوام ورکړی دی.
د راپور لیکوال ویلي، چې چین له طالبانو سره د افغانستان کانونو ته له لاسرسۍ سربیره د اړیکو د پراخولو انګېزه لري. بیجینګ اروپایي بازارونو ته د لاسرسي او د «یوه لار یو کمربند» پروژې د پراخولو لپاره افغانستان ته اړتیا لري.
بیجینګ له طالبانو سره د ټکنالوژۍ او د څار وسایل هم شریک کړي دي. په راپور کې راغلي چې چين له دې کارسره دوه موخې تعقيبوي. طالبان کولای شي د چین له خوا ورکړل شوې ټکنالوژۍ سره خپل دښمنان وڅاري او له بل پلوه، چین کولې شي له دې لارې اویغوریان چې د طالبانو ملاتړ له ځان سره لري او د چین پر وړاندې د شرقي ترکستان ډلې غړي دي، وڅاري.
