د تحریک انصاف ګوند ویاند: په مرکز او پنجاب کې له وحدت المسلمين سره په ګډه حکومت جوړوو
د تحریک انصاف ګوند ویاند رووف حسن وایي، چې د ګوند د رهبر عمران خان په لارښوونه له وحدت المسلمين ګوند سره په ګډه په مرکز او پنجاب کې حکومت جوړوي.
د تحریک انصاف ګوند ویاند رووف حسن وایي، چې د ګوند د رهبر عمران خان په لارښوونه له وحدت المسلمين ګوند سره په ګډه په مرکز او پنجاب کې حکومت جوړوي.
نوموړي نن سې شنبه (د سلواغې ۲۴مه) په اسلام اباد کې د یوې خبري غونډې پرمهال وویل، چې د ټاکنو پرمهال له پراخو درغلیو سره - سره یې بیا هم ټاکنې ګټلي دي.
ښاغلي حسن زیاته کړه؛ په ټاکنو کې ملګرو یې اکثریت ترلاسه کړی او دوی په پنجاب کې اوس هم مخکښ دي.د تحریک انصاف ګوند ویاند وایي، چې عمران خان ویلي په ګوند دننه کې باید ټاکنې ژر تر ژره وشي.دا په داسې حال کې ده، چې (ن) د پاکستان پخواني لومړي وزیر شهباز شریف ویلي،، چې که د عمران خان د تحریک انصاف ګوند ملاتړي خپلواک نوماندان ثابته کړي، چې دوی په پارلمان کې اکثریت څوکۍ ګټلې دي، کولی شي حکومت جوړ کړي.هغه دغه راز زیاته کړې؛ که خپلواک نوماندان دا ادعا ثابته نه کړي، نور ګوندونه به حکومت جوړ کړي.د ویلو ده چې جیو نیوز مخکې راپور ورکړی و، چې د دوو لویو ګوندونو مسلم لیګ او پاکستان پیپلز ګوند لوړ پوړو چارواکو هم د واک د وېش په اړه خبرې کړې دي.
