د پاکستان پخواني لومړي وزیر شهباز شریف ویلي، که د عمران خان د تحریک انصاف ګوند ملاتړي خپلواک نوماندان ثابته کړي چې دوی په پارلمان کې اکثریت څوکۍ ګټلې دي، کولای شي حکومت جوړ کړي.
شهباز شریف ویلي که خپلواک نوماندان ثابته کړي چې اکثریت دي حکومت جوړولی شي د پاکستان پخواني لومړي وزیر ویلي، «که د عمران خان د تحریک انصاف ګوند ملاتړي خپلواک نوماندان ثابته کړي، چې دوی په پارلمان کې اکثریت رایې څوکۍ ګټلې دي، کولای شي حکومت جوړ کړي.»
شهباز شریف زیاته کړې، که خپلواک نوماندان دا ادعا ثابته نه کړي، نور ګوندونه به حکومت جوړ کړي. د پاکستان د تر ټولو لوی ګوند مسلم لیګ نواز مشر شهباز شریف ویلي، دغه ګوند له نورو ګوندونو سره د ګډ حکومت جوړولو په اړه خبرې کوي. جیو نیوز مخکې راپور ورکړی، چې د دوو لویو ګوندونو مسلم لیګ او پاکستان پیپلز ګوند لوړ پوړو چارواکو د واک د وېش په اړه خبرې کړې دي. د دوشنبې په ورځ د دغو دواړو گوندونو په غونډه کې وړاندیز شوی، چې دغه گوندونه دې په راتلونکو پنځو کلونو کې په نوبت سره د لومړي وزیر څوکۍ په واک ولري. مسلم لیګ او پیپلز ګوندونو د پاکستان د ملي مجلس ۱۲۹ څوکۍ ګټلې دي.
