د طالبانو نیوکګر یا نیوکه کوونکي قاري عیسا محمدي افغانستان انټرنشنل ته په پیغام کې ویلي، چې له ایران وتلی او امن ځای ته رسیدلی دی. ښاغلي محمدي ایراني چارواکو ممنوع الخروج کړی و او طالبانو ترې غوښتل چې دوی ته یې وسپاري.
خو قاري عیسا محمدي وایي، چې له ایران وتلی او د چهارشنبې په ورځ جرمني کې خپل کور ته ورسیږي.
محمدي د خلکو له ملاتړ او د نوموړي د ممنوعالخروج کیدو په اړه د رسنیو د خبري پوښښ هر کلی وکړ.ښاغلي محمدي زیاته کړه، چې د رواني وضعیت له امله ډیرو خبرو ته چمتو نه دی.نوموړ ورځ افغانستان انټرنېشنل ته ویلي و، چې د خپلو سوداګریزو چارو لپاره ایران ته تللی و، خو د ستنېدو پر مهال د ایران امنیتي ځواکونو هوايي ډګر کې وګرځاوه او ورته ویې ویل چې پر وتلو یې "بندیز" لګېدلی دی.د هغه په خبره، بیا ځلې د ایران هوایي ډګر ته تللی و چې جرمني ته ولاړ شي، خو بیا هم هغه ته د تلو اجازه ورنه کړل شوه.
د افغانستان له سویل څخه سیمهایزې سرچینې افغانستان انټرنشنل ـ پښتو ته وايي چې، په یو شمېر ولایتونو کې کروندهګرو په پراخه کچه د کوکنارو کرلو ته مخه کړې.
هلمند چې د افغانستان د نورو ولایتونو پرتله د تریاکو تولید په کې ډېر و، د طالبانو د مشر ملا هبت الله له لوري د کوکنارو د کر او قاچاق د منعې له فرمان وروسته د تېرو نږدې دوه کالو پر مهال په کې د نشهیي توکو بیې خورا لوړې او کرـ کېله یې کمه شوې وه.
د احمد خان په نوم یو قومي مشر افغانستان انټرنشنل ـ پښتو ته وايي، د تېرو دوو میاشتو راهیسې د هلمند په یو شمېر ولسوالیو کې کروندهګرو یوځلې بیا د نورو ولایتونو او سیمو پرتله ډېرو د کوکنارو کر ته مخه کړې.
نوموړی وايي:« د تاریاکو قیمتونه لوړ شول په مارکېټ کې تریاک کم شوي او خلک مجبوره دي چې کوکنار وکري خلک یې په پټه کري. بزګران بله لاره نه لري ځکه طالبانو امر کړی دی، چې تریاک بند دي نور نو د بزګرانو په کیسه کې نه دي چې هغوی څه شی وخوري.»
خو په دې ورستیو کې د طالبانو د کورنیو چارو وزارت د افغانستان په یو شمېر ولایتونو کې د کوکنارو د له منځه وړلو کمپاینونه پیل کړي دي.
د طالبانو د کورنیو چارو وزارت د روان میلادي کال د جنورۍ له ۱۵مې نیټې څخه د فبرورۍ تر ۱۴مې نیټې په هلمند، فراه، ارزګان، کندهار، ننګرهار، نیمروز، بلخ، لغمان، او بدخشان ولایتونو کې پر ۱۵۶۰ جریبه ځمکه د کوکنارو د کروندو د له منځه وړلو په اړه معلومات خپاره کړي دي.
په خپرو شویو معلوماتو کې لیدل کېږي، چې په ډېره انداره کوکنار په هلمند، کندهار او فراه ولایتونو کې له منځه وړل شوي.
او ویلي یې دي چې د ملا هبت الله اخوندزاده له فرمان څخه د سرغړونې په تور یې ۲۲۱ کسان چې پر خپلو ځمکو یې کوکنار کرلي وو نیولي او بندیان کړي یې دي.
طالبانو په داسې حال کې د افغانستان په یو شمېر ولایتونو کې د نشهيي توکو د کروندو د له منځه وړلو کمپاینونه پیل کړي، چې د دغې ډلې لوړ پوړي چارواکي تل د افغانستان لپاره د ملګرو ملتونو، اروپايي ټولنې او نورو بهرنیو چارواکو سره د لیدنو پر مهال په افغانستان کې د کوکنارو کرـ کېله صفر کچې ته د راټیټېدو ادعاوې کوي.
خو ایران په وار، وار ادعاوې کړې، چې اوس هم د نړۍ ۹۵ سلنه نشهيي توکي په افغانستان کې تولیدېږي.
