د امریکا غږ انګلیسي څانګې د متحده ایالاتو د حکومت د نویو معلوماتو له مخې راپور ورکړی، چې تېر یوه کال کې په متحده ایالاتو کې د بیا مېشتیدنې لپاره د ځانګړې کډوالۍ یا اېس ای وي پروګرام تر ټولو ډېرې ویزې ورکړل شوې دي.
راپور کې راغلي، چې په ۲۰۲۳کال کې شاوخوا ۲۶۵۰۰ د اېس ای وي ویزې افغانانو ته ورکړل شوې دي چې د وړم کال د ټولټال ۱۱۰۰۰ دوه برابره ډېرې او په ۲۰۰۸ کال کې د دغه پروګرام له پیل راهیسې یو نوی ریکارډ دی.ډېری فعالان طالبان تورنوي، چې د اېس ای وي وړ افغانان په نښه کوي او بندیانوي یې.د دغه راپور له مخې، له ۲۰۰۸کال راهیسې تراوسه نږدې ۱۲۰۰۰۰ د اېس ای وي کېسونو لرونکو افغانانو ته ویزې ورکړل شوې دي.متحده ایالاتو په تېر کال کې د اېس ای وي ویزو په ورکړه کې د زیاتوالي ترڅنګ، د افغان کډوالو او پناه غوښتونکو شمېر هم ډېر کړی دی.د کډوالو نړۍوال سازمان کارپوه ډیون کوون وایي، د متحده ایالاتو حکومت د اېس ای وي د قضیو او بیا مېشتېدنې ته لومړیتوب ورکوي.د طالبانو له بیا واکمنېدو وروسته، دېر افغانان د دغې ډلې لهخوا د وژنې، نیونې او ځورونې له وېرې د هېواد پرېښودو ته اړ شول.اوس هم یو لوی شمېر افغان پناه غوښتونکي په پاکستان کې د امریکا د پناه غوښتنې پروګرام بهیر او ویزو ته په تمه دي.
