د طالبانو کورنیو چارو وزارت د کابل ښار په ۱۵ ناحیه کې د ۱۵ کمرو په لګولو سره وایي، چې د دغه ښار په څلور لارو او نورو مهمو برخو کې د امنیتي کمرو د لګولو لړۍ روانه ده. دغه وزارت نن په خپل اېکس کې لیکلي، چې د دې څار کمرو د لګولو چاره د دوی د پنځه کلن سترایژیک پلان یوه برخه ده.
د طالبانو د کورنیو چارو وزارت همداراز زیاته کړې، چې دغه کمرې له مرکزي دفتر څخه کنټرولیږي.
طالبانو د روان کال د وږي په میاشت کې ویلي و، چې د کابل ښار په بیلابیلو برخو کې یې ۶۰ زره کمرې لګولي دي.
له څه طالبان په هیواد کې د بشپړ امنیت خبره کوي، خو بیا هم یو شمیر هیوادوال وايي چې په بیلابیلو ښارونو کې جنایي پيښې، وسله والې غلاوې او د سړي تښتونو پيښې زیاتې شوې دي.دې سره، طالبانو امنیتي پيښو ته په کتو سره د کابل ښار له اوسیدونکو غوښتي دي، چې د خپلو کورونو په شاوخوا او همداراز په هټیو کې امنیتي کمرې ولګوي.
د بښنې نړیوال سازمان تر دې مخکې ویلي و، چې طالبانو د زرګونو نویو امنیتي کمرو په لګولو سره په افغانستان کې د خلکو د څارنې بشپړ سیستم جوړ کړی دی.
رویټرز خبري اژانس د تلې په میاشت کې د طالبانو د کورنیو چارو وزارت د ویاند عبدالمتین قانع له قوله ویلي و، چې دغې ډلې له چینايي کمپنۍ "هواوې" سره د څارنې او امنیتي کمرو د لګولو په برخه کې د همکارۍ په اړه خبرې کړې دي.
د ویلو ده چې ددغو پيښو له امله د المان د بهرنیو چارو وزارت څو ورځې وړاندې له خپلو ټولو اتباعو څخه وغوښتل چې ژر تر ژره دې له افغانستانه ووځي.
د افغانستان له سویل څخه سیمهایزې سرچینې افغانستان انټرنشنل ـ پښتو ته وايي چې، په یو شمېر ولایتونو کې کروندهګرو په پراخه کچه د کوکنارو کرلو ته مخه کړې.
هلمند چې د افغانستان د نورو ولایتونو پرتله د تریاکو تولید په کې ډېر و، د طالبانو د مشر ملا هبت الله له لوري د کوکنارو د کر او قاچاق د منعې له فرمان وروسته د تېرو نږدې دوه کالو پر مهال په کې د نشهیي توکو بیې خورا لوړې او کرـ کېله یې کمه شوې وه.
د احمد خان په نوم یو قومي مشر افغانستان انټرنشنل ـ پښتو ته وايي، د تېرو دوو میاشتو راهیسې د هلمند په یو شمېر ولسوالیو کې کروندهګرو یوځلې بیا د نورو ولایتونو او سیمو پرتله ډېرو د کوکنارو کر ته مخه کړې.
نوموړی وايي:« د تاریاکو قیمتونه لوړ شول په مارکېټ کې تریاک کم شوي او خلک مجبوره دي چې کوکنار وکري خلک یې په پټه کري. بزګران بله لاره نه لري ځکه طالبانو امر کړی دی، چې تریاک بند دي نور نو د بزګرانو په کیسه کې نه دي چې هغوی څه شی وخوري.»
خو په دې ورستیو کې د طالبانو د کورنیو چارو وزارت د افغانستان په یو شمېر ولایتونو کې د کوکنارو د له منځه وړلو کمپاینونه پیل کړي دي.
د طالبانو د کورنیو چارو وزارت د روان میلادي کال د جنورۍ له ۱۵مې نیټې څخه د فبرورۍ تر ۱۴مې نیټې په هلمند، فراه، ارزګان، کندهار، ننګرهار، نیمروز، بلخ، لغمان، او بدخشان ولایتونو کې پر ۱۵۶۰ جریبه ځمکه د کوکنارو د کروندو د له منځه وړلو په اړه معلومات خپاره کړي دي.
په خپرو شویو معلوماتو کې لیدل کېږي، چې په ډېره انداره کوکنار په هلمند، کندهار او فراه ولایتونو کې له منځه وړل شوي.
او ویلي یې دي چې د ملا هبت الله اخوندزاده له فرمان څخه د سرغړونې په تور یې ۲۲۱ کسان چې پر خپلو ځمکو یې کوکنار کرلي وو نیولي او بندیان کړي یې دي.
طالبانو په داسې حال کې د افغانستان په یو شمېر ولایتونو کې د نشهيي توکو د کروندو د له منځه وړلو کمپاینونه پیل کړي، چې د دغې ډلې لوړ پوړي چارواکي تل د افغانستان لپاره د ملګرو ملتونو، اروپايي ټولنې او نورو بهرنیو چارواکو سره د لیدنو پر مهال په افغانستان کې د کوکنارو کرـ کېله صفر کچې ته د راټیټېدو ادعاوې کوي.
خو ایران په وار، وار ادعاوې کړې، چې اوس هم د نړۍ ۹۵ سلنه نشهيي توکي په افغانستان کې تولیدېږي.