په باب المندب تنګي کې د برېتانیې په راجسټر شوې بار وړونکې کښتۍ برید شوی دی

رویټرز راپور ورکړی چې په باب المندب تنګي کې د برېتانیې په راجسټر شوې بار وړونکې کښتۍ برید شوی. د برېتانیې د سوداگرۍ لېږدونې ادارې اعلان کړی، چې کښتۍ ته څېرمه دوه چاودنې شوې او هغې ته یې زیان اړولی، خو د کښتۍ عملې ته زیان نه دی رسېدلی.

رویټرز د دوشنبې په ورځ د (سلواغې ۳۰مه) لیکلي چې دا کښتۍ د بلغاریا د وارنا په لور روانه وه.

د ۲۰۲۲ کال د نومبر له نیمایي څخه، د یمن حوثيانو په سور سمندرګي او باب المندب تنګي کې د نړیوالو سوداګریزو کښتیو په وړاندې د توغندیو او ډرون بریدونه پیل کړي.