یونیسېف په خپل تازه خپور شوي راپور کې لیکلي، چې د ۲۰۲۴ کال په جنورۍ میاشت کې په ټول افغانستان کې له ۱۶۰،۰۰۰ څخه زیاتې د اې ار ای پېښې ثبت شوې وې، چې د تېر کال پرتله په سلو کې شپاړس زیاتې وې او تر ډېره د هوا د سړېدو او ککړتیا له امله وې.
د راپور له مخې، د پنځو کالو کم عمره ماشومان د دغو پېښو ۶۲ سلنه جوړوي.
یونیسېف وایي، د ژمي سختو موسمي شرایطو له کبله چې په ډېرو برخو کې یې د تودوخې درجه له صفر څخه ښکته وي، هر کال د سختې تنفسي ناروغیو په کچه کې د چټک زیاتوالي لامل کېږي.راپور زیاتوي، چې د تنفسي ناروغیو د زیاتوالي لامل نه یوازې د هوا سختو شرایطو؛ بلکې بېوزلي، د هوا ککړتیا او د تنفسي حفظ الصحې نشتوالی ښودل شوی دی.یونیسېف په روغتیایي برخو کې د نړۍوال بانک په مرسته روغتیایي اړین توکي وړاندې کړي دي.یونیسېف لیکلي، چې په ټول افغانستان کې د نړۍوال بانک او د اسیا پراختیایي بانک سره په همکارۍ د شاوخوا ۲۴۰۰ روغتیایي تاسیساتو عملیاتي لګښتونو او د شاوخوا ۲۷۰۰۰ روغتیایي کارکوونکو د تنخواوو په ورکړه کې مهم رول لوبوي.راپور وایي، چې تېرکال د روغتیایي ملاتړ په برخو کې یونیسېف نږدې ۲۰ مېلیونه ماشومانو او د هغوی کورنیو ته اړین روغتیایي او د تغذیې خدمتونه وړاندې کړل.
