د طالبانو د رسنیو مرکز په خپرې شوې خبرپاڼه کې د دغې ډلې د ترانسپورت او ملکي هوايي چلند وزارت له قوله لیکلي، چې په نړۍواله کچه د افغانستان د هوايي ډګرونو د معیاري کولو لپاره کار کوي.
د دغه وزارت چارواکي وايي، اوسمهال په هېواد کې ۲۷ هوايي ډګرونه فعالیت کوي چې پنځه یې نړۍوال دي.
د دغه وزارت په وینا، د طالبانو له بیا واکمنېدو وروسته یې د کابل نړۍوال هوايي ډګر په ګډون یو شمېر هوايي ډګرونه بیا ورغول، هغه چې د امریکا د وتلو سره ویجاړ او زیانمن شوي او تجهیزات یې هم له کاره لوېدلي وو.
د طالبانو د ټرانسپورټ او ملکي هوايي چلند وزارت ویاند امام الدین احمدي ویلي، توانېدلي دي چې هوايي ډګرونه سمبال کړي.
د طالبانو له راتګ سره سم د کورنیو الوتکو پرته یوازې د پاکستان پيایاې افغانستان ته الوتنې لرلې، چې په تېرو وروستیو کې فلای دوبۍ او اېر عربیه هم افغانستان ته خپلې الوتنې بیا له سره پیل کړې.
تر دې وړاندې د ۲۰۲۲ کال په مې میاشت کې د افغانستان د څلورو هوایي ډګرونو د کابل، بلخ، هرات او کندهار د مدیریت او تنظیم چارې د دغه وزارت لهخوا د متحده عربي امارتو یوې کمپنۍ ته سپارل شوې وې.
