د پاکستان ړندو کرېکټ لوبډلې هندۍ لوبډله ماته کړه

AP ۱۴۰۲ کب ۳

د هند، پاکستان او سریلانکا د ړندو کرېکټ لوبډلو د لوبلړۍ په لومړۍ لوبه کې د پاکستان کرېکټ لوبډلې سیالې هندۍ لوبډلې ته ماته ور کړه.

دا لوبلړۍ نن په متحده عربي اماراتو کې پیل شوه او تر راتلونکې یکشنبې به روانه وي.

پاکستان د پچې ګټلو سره هند ته د توپ وهلو بلنه ور کړه.

هندۍ لوبډلې په شلو اورونو کې د شپږو لوبغاړو په زیان سره ۲۱۲ مندې جوړې کړې، خو پاکستانۍ لوبډلې د شلم اور په دویم توپ سره دا هدف پوره کړ او پنځو ویکټو سره یې لوبه وګټله.

سریلانکا سبا په دې لوبلړۍ کې له هند سره لوبېږي او پاکستان هم د شنبې په ورځ له سریلانکا سره لوبه لري.

د دې لوبلړۍ دوه غوره لوبډلې به د فبروري پر ۲۵ یا راتلونکې یکشنبه خپل زور سره وازمويي.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ