د خبریالانو خوندیتوب کمېټې پاکستان کې د اېکس پر محدودېدو اندېښه وښوده

پاکستان تېر دوبی د پیسو نړیوال صندوق په لنډمهالي پور سره د اقتصادي حالت د بدترېدو مخه ونیوله، خو دا پروګرام راتلونکې میاشت ختمېږي او نوی حکومت به د ۳۵۰ میلیارد ډالري اقتصاد د ټیکاو لپاره پر اوږدومهالې هوکړه ور سره خبرې کوي.

عمران خان او ګوند یې وايي وروستیو ټاکنو کې چې یو ګوند هم اکثریت ونه ګاټه درغلي شوې ده.

د عمران خان ملاتړو نوماندانو تر نورو ګوندونو ډېرې څوکۍ ګټلې دي، خو مسلم لیګ نواز او پیپلز ګوند پر ګډ حکومت هوکړه کړې ده.

د عمران خان وکیل علي ظفر نن د ښاغلي خان له جېل بهر خبریالانو ته وویل: «د عمران خان په لیک کې به موږ دا ډاګیز کړو چې که د پیسو نړیوال صندوق له پاکستان سره خبرې کوي، نو دوی باید د ټاکنو په هکله بې پرې پلټنې هم وکړي.»

علي ظفر وايي، د پیسو نړیوال صندوق او د اروپايي ټولنې په څېر نړیوال بلاکونه یوازې په دې شرط له یو هېواد سره مالي مرسته کوي چې هلته د بې پرې او ازادو ټاکنو په ګډون ښه حکومتولي او ولسواکي وي.

د پاکستان ټاکنو کمېسون په ټاکنو کې د پراخې درغلۍ تورونه ردوي او په دی اړه دوی ته رسېدلي شکایتونه هم ارزوي.

د پاکستان ټاکنې د روانې میلادي میاشتې پر اتمه وشوې چې په نتیجه کې یې د پاکستان تحریک انصاف ګوند ملګرو ۹۲ پارلماني څوکۍ یې ګټلې دي.

په دې ټاکنو کې مسلم لیګ نواز ډلې د ۷۹ څوکیو په ګټلو له پیپلز ګوند سره، چې ۵۴ پارلماني څوکۍ یې ګټلې دي، د ګډ حکومت پر جوړولو کړې ده.

دریو ایراني سرچینو ویلي، ایران روسیې ته څلور سوه توغندي ور کړي چې د ذوالفقار په څېر د لنډواټنه توغندي هم پکې دي.

د کارپوهانو په خبره، دا توغندي له ۳۰۰ تر ۷۰۰ کیلومترو کې نښه ویشتلی شي.

یوه ایرانۍ پوځي سرچینه وايي، دا توغندي په څلورو جوپو کې مسکو ته لېږل شوي او راتلونکو اونیو کې به نورې جوپې هم واستول شي.

بله ایرانۍ سرچینه وايي، ځینې توغندي د کسپین سمندرګي له لارې په اوبو او نورو په الوتکو کې روسیې ته استول شوي دي.

دا سرچینه وايي، راتلونکي کې به مسکو ته نور توغندي هم واستوي او دوی چې هر چا ته وغواړي دا توغندي ور کولی شي.

د ایران دفاع وزارت او سپاه پاسدران چې د دغه هېواد د بالستیک توغندیو پروګرام یې په لاس کې دی، له رویټرز سره له خبرو ډډه کړې ده.

د سرچینو په خبره، پر تهران او مسکو د واشنګټن د بندیزونو په دوام د دواړو هېوادونو ترمنځ دا پوځي همکاري نوره هم پراخېږي.

د ملګرو ملتونو امنیت شورا د ایران د توغندیو او ډرون ټیکنالوجۍ پر صادراتو بندیز لګولی دی.

امریکا او اروپايي ټولنې هم منځني ختیځ او روسیې ته د صادراتو په پلمه د ایران د بالستیک توغندیو پر صادراتو بندیز لګولی دی.

دغه بنسټ ویلي، چې د پاکستان لنډمهاله حکومت د نا معلومو لاملونو له امله د اېکس په شبکه کې د ګډوډۍ په وجه په دغه ښار کې د بیان پر ازادیو بندیز لګولی.

اېکس شبکه (پخوانی ټوییتر) د سلواغې له ۲۸مې نېټې څخه د پاکستان په ډېرو برخو کې غیرفعاله ده.
په همدې حال کې اکسپرېس تربیون ورځپاڼې ویلي، د پاکستان د سند صوبې سترې محکمې سپارښتنه کړې چې خواله رسنیو ته د لاسرسي په برخه کې دې بندیزونه لرې کړل شي.

د محکمې دوه تنو لوړپوړو قاضیانو ویلي، چې هغوی د پاکستان د ټاکنو په درشل کې په دې اړه خپلې اندېښنې په ډاګه کړې وې.
د نټ بلاکس په نامه یو نړۍوال بنسټ ویلي، چې په پاکستان کې د اېکس شبکې خدمتونه د څلورو ورځو راهیسې «ډېر محدود» شوي دي.

دغه بنسټ ویلي، دغه بندیزونه د شنبې له ورځې کله چې په ټاکنو کې د درغلیو خبره راپورته شوه لګول شوي دي.
نټ بلاکس د چهارشنبې په ورځ په خپلې اېکس پاڼه د دغو بندیزونو د لګولو په اړه لیکلي، دغه بندیزونه « د ډیموکراسۍ او د رسنیو د بیان پر ازادیو زیاتې اغېزې پرې باسي.»
په پاکستان کې ډېر ځله په خلکو کې دغه منل شوې شبکه د یو لړ اعتراضونو وروسته بندېږي، په وروستي ځل هم له هغه مهاله دغه شبکه محدوده شوه چې یو شمېر سیاسي ډلو په پاکستان کې د فبرورۍ په اتمه نېټه د ترسره شویو ټاکنو په بهیر کې د درغلیو ادعاوې وکړې.
معترضین په اعتراضي غونډو کې د خلکو د ورګډولو او سیاستوال بیا د خپلو دریځونو د روښانه کولو په پار له اېکس شبکې ګټه پورته کوي.

شمالي قطب ته نږدې د هغه زندان مشر او پنځه مرستیالان یې چې ښاغلی ناوالني پکې بندي و، د برېتانیا له خوا تحریم شوي دي.

د برېتانیا د بهرنیو چارو وزیر ډېویډ کامرون وویل: "هغه کسان چې د ناوالني پر وړاندې د ظالمانه چلند مسوول دي حساب دې ورکړي.»

همدا راز برېتانیا د ناوالني کورنۍ ته د هغه د جسد د سمدستي سپارلو او د بشپړې او شفافې پلټنې غوښتنه کړې ده.

د برېتانیا د بهرنیو چارو وزیر وویل: «دا څرګنده ده، چې روسي چارواکو ناوالني یو ګواښ ګاڼه او په کراتو یې د هغه د خاموشولو هڅه کړې.»

الکسي ناوالني د جمعې په ورځ (د سواغلې ۲۷مه) په زندان کې مړ شو. د هغه د مړینې خبر په ټوله نړۍ کې پراخ غبرګونونه راوپارول.

د امریکا ولسمشر جوبایډن د روسیې ولسمشر ولادیمیر پوتین د «ناوالني د مړینې مسوول» وباله او وې ویل، چې د پوتین د مشهور مخالف د مړینې له امله به پر روسیې لوی بندیزونه ولګوي.

د ۲۰۲۳ کال اکتوبر کې د چمن خلکو د پاکستان د حکومت د دې پرېکړې په اعتراض کې پرلت کړی چې د کندهار سپین بولدک ته به د تګ راتګ لپاره ویزه او پاسپورټ نه کاروي.

تر هغه راهیسې د بلوچستان صوبايي او د پاکستان مرکزي حکومت د پرلتوالو غوښتنو ته کوم پام نه دی کړی.

محمود خان اڅکزي چې له لومړیو یې د دې پرلت پلاتړ کړی وايي: « د چمن پرلت ماته د ټول ولس ناکامي ده او له حکومت سره په هيڅ ډول د پاسپورټ خبره نه منو، زه به ستاسو غوښتنې تر قومي اسمبلۍ پوري ورسوم.»

نوموړی زیاتوي، چې نه د ولس په سر معامله کوي اونه یې باور خرابوي.

نوموړي د پاکستان حکومت ته خبرداری ورکړ، چې که د پرلت غوښتنې ونه منل شي او مجبور شي لومړنۍ کس به دی وي، چې له ولس سره به په تاوتريخوالي لاس پورې کړي.

اڅکزي د پاکستان پر پوځ نيوکه وکړه، چې په ټاکنو کې يې درغلي کړې او ډېرۍ چوکۍ يې د پيسو په مقابل کې پلورلې دي.

هغه د چمن پرلتوالو ته په خطاب کې وويل، چې پاکستان پر غلطه لار روان دی او د فاسدينو حکومت را روان دی، چې بايد ورته تیاری ونیسو.

اڅکزی د فبرورۍ پر اتمه د پاکستان په ټاکنو کې د بلوچستان له پښتون مېشتو سیمو چمن او کلا عبدالله څخه د قومي اسمبلۍ د غړۍ په توګه وټاکل شو.