د جګړې د مطالعاتو موسسه: د اوکراین په یوه ښار کې د روسي پوځ مرکژوبله ۴۷ زره کسانو ته رسي

زیلینسکي په کییف کې یوې خبري غونډې ته وویل، چې د ټپیانو شمېر نه شي په ډاګه کولای ځکه چې دا به د روسیې له پوځي پلان جوړونکو سره مرسته وکړي.

"په دې جګړه کې ۳۱۰۰۰ اوکرایني پوځیان وژل شوي دي. نه ۳۰۰ زره، نه ۱۵۰ زره... (د روسیې ولسمشر ولادیمیر) پوتین په دې اړه درواغ وايي... خو دا شمیره بیا هم زموږ لپاره ډیره لوړه ده."

اوکراین د ۲۰۲۲ کال له پای راهیسې د خپلو پوځي تلفاتو دقیق شمېر نه و څرګند کړی. د ۲۰۲۲ کال په پای کې د اوکراین د ولسمشر یو استازي میخایلو پودولیک ویلي و، چې د جګړې له پیل راهیسې ۱۳۰۰۰ اوکرایني پوځیان وژل شوي دي.

د جګړې په ډګر کې مرګ ژوبله د داسې هیواد لپاره یوه ډیره حساسه موضوع ده چې غواړي خپل پوځ لا غښتلی کړي او لا ډیر کسانه ورته جزب کړي.

د اګست په میاشت کې د نیویارک ټایمز ورځپاڼې یو راپور د متحده ایالاتو چارواکو په حواله لیکلي و چې په اوکراین کې د وژل شوو کسانو شمیر نږدې ۷۰ زرو ته رسیدلی. په همدې راپور کې ویل شوي و، چې د جګړې په جریان کې شاوخوا ۱۲۰ زره روسي سرتیري وژل شوي دي.

زیلینسکي خبریالانو ته وویل، چې په دې جګړه کې ۱۸۰ زره روسان وژل شوي دي.

روسیه د خپلو پوځي تلفاتو په اړه معلومات نه ورکوي او محرم یې بولي. روسیې او اوکراین دواړو په منظم ډول د یو بل پوځي زیانونه پراخ بللي دي.

د اوکراین ولسمشر دا هم وویل، چې د جګړې پر مهال د دغه هېواد په نیول شوو سیمو کې لسګونه زره ملکي وګړي وژل شوي دي. کییف وايي، چې دوی د ملکي تلفاتو ارزونه په سمه توګه ځکه نشي کولای چې ټولو سیمو ته لاسرسی نه لري.

د حوثي ډلې پورې تړلي صبا خبري اژانس راپور ورکړی، چې د امریکا او بریټانیې د پلازمینې صنعا په اړوندو سیمو کې ۱۷ هوايي بریدونه کړي دي.

په همدې حال کې د امريکا او بریټانيا هوايي ځواکونو د حيفان ولسوالۍ په قرده سيمه کې پر مخابراتي شبکو دوه هوايي بريدونه کړي او د تعز ولايت د مقبنه ولسوالۍ په شامير سيمه کې يې هم مخابراتي شبکې په نښه کړي دي.

د جمهور خبري آژانس د خبر له مخې د حجه ولایت د ابس ولسوالۍ په الحر فارمونو هم دوه بریدونه شوي دي.

تر دې مخکې د حوثي یاغیانو اړوند المسیره ټلویزیون ویلي وو، چې امریکا او بریټانیا د شنبې په ورځ د یمن په پلازمېنه صنعا کې هوايي بریدونه کړي دي.

المسیره همداشان د حوثي ډلې د یوې پوځي سرچینې په حواله ویلي، چې د امریکا او بریټانیا تازه هوايي بریدونه، به د یمن له خوا د غزې په تړانګه کې د فلسطیني ولس د ملاتړ مخنیوی ونکړي.

امریکا او بریټانیا لا په دې اړه څه نه دي ویلي.

د یمن حوثي ډلې د غزې له تړانګې سره د پیوستون په موخه، چې په اووم د اکټوبر پر اسراییل د حماس له برید وروسته د اسرايیل تر سختو هوايي او ځمکنیو بریدونو لاندې راغلې، په سور سمندرګي او د عدن په خلیج کې هغه باروړونکې بیړۍ په نښه کوي چې له اسراییل یا د هغوی له ملاتړو هیوادونو سره تړاو لري.

د دغو هېوادونو استازو د جمعې په ورځ په پاریس کې لېدنه کړې ده.

جک سالیوان ویلي، چې دا موافقه لا تر اوسه د خبرو اترو په پړاو کې ده او نهايي شوې نه ده.

هغه زیاته کړه، چې قطر او مصر بای له حماس سره غیر مستقیم مذاکرات ترسره کړي.

د قطر د بهرنیو چارو وزارت د طالبانو له حکومت څخه د اتریشي وګړي د خلاصون له امله مننه کړې ده.

تر دې مخکې د سلواغې په ۲۳مه یوې اتریشۍ ورځپاڼې خبر ورکړی و، چې طالبانو افغانستان ته د سفر پر مهال د دغه هېواد یو وګړی د جاسوسۍ په تور نیولی دی. ".

هغه مهال د اتریش د بهرنیو چارو وزارت په افغانستان کې د خپل یوه وګړي نیول تایید کړل.

سرچینې وايي، د حماس او اسراییل استازي به وروسته د نورو خبرو لپاره قاهرې ته لاړ شي، ترڅو د یرغمل کسانو د خوشي کولو په ګډون د یوې موافقې د پلي کولو د وخت او میکانیزم په اړه تفاهم ته ورسیږي.

تر دې مخکې د اسراییل جنګي کابینې قطر ته د اسراییلي پلاوي د استولو موافقه کړې وه.

د پاریس له دوهم پړاو خبرو وروسته په غزه کې د شپږو اوونیو اوربند په اړه د یوې موافقې د احتمال راپورونه خپاره شوي دي.
​