اېرلینډ د افغانستان د ۱۵۵ منډو د پوره کولو په موخه، د لوبې په دویمه ورځ توپ‌وهنه کوي

AP ۱۴۰۲ کب ۱۰

د افغانستان او اېرلینډ ترمنځ د یواځینۍ ټېسټ لوبې په لومړۍ ورځ افغانستان د ټولو لوبغاړو په سوځېدو ۱۵۵ منډې جوړې کړې.

د افغانستان او اېرلینډ تر منځ یواځینۍ ټېسټ لوبه تېره ورځ د افغانستان په کوربه‌توب په ابوظبي کې پیل شوه.

دغه ټېسټ لوبه د حشمت الله شهیدي په لوبډلمشرۍ ترسره کېږي.
افغانستان تېره ورځ د لوبې پچه وګتله او سیالې لوبدلې ته یې د توپ اچونې بلنه ورکړه.
د افغان لوبډلې د توپ وهنې پیل ښه نه و، د افغانستان څلور توپ وهونکي په صفر اوټ شول.
د لوبې په لومړۍ ورځ په توپ وهنه کې ابراهیم ځدراڼ ۵۳ او کریم جنت ۴۱ ناسوځېدلې تر ټولو ډېرې منډې جوړې کړې.
تېره ورځ اېرلینډ لوبډلې د افغانستان د ۱۵۵ منډو د پوره کېدو په هدف توپ وهنې ته دوام ورکړ او د لومړۍ ورځې تر پایه یې سل منډې جوړې کړې او ۴ مهم لوبغاړي یې و سوځېدل.
نن پنج شنبه هم اېرلینډ خپلې توپ وهنې ته دوام ورکوي. اېرلینډ تر دې مهاله ۴۸ اورونه لوبولي، پنځه لوبغاړي یې سوځېدلي او ۱۴۳ منډې یې جوړې کړې دي.
افغانستان په همدې فبرورۍ میاشت کې له سریلانکا سره هم یوه ټېسټ لوبه تر سره کړه، چې په کې افغانستان ماته وخوړه.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ